Бүтэн долоо хоногийг намынхаа Их, Бага хуралд зарцуулж буй УИХ дахь МАН-ын бүлгийн гишүүд өнөөдрөөс Төрийн ордонд морилж ажилдаа анхаарч эхлэв. Гэхдээ 25 гишүүн бүгд оролцож чадахгүй байна. Ямарч байсан үдээс өмнөх чуулганы хуралдаанд УИХ-ын гишүүн Д.Лүндээжанцан голлож хууль, шүүхийн байгууллагынхантай холбогдох хуулийн төсөлд хошуу нэмэрлэн дуу шуутай суусан бол үдээс хойшхи хуралдаанд Ц.Нямдорж гишүүн “манаач” хийлээ. Тэрээр Төсвийн тогтвортой байдлын тухай хуульд өөрчлөлт оруулах тухай хуулийн төслийг эсэргүүцэж буйгаа илэрхийлэн Засгийн газар төслөө буцаан татах ёстой гэж Сангийн сайд Ч.Улааныг зандрах шахам суусан юм. 

УИХ дахь МАН-ын бүлгийн гишүүд үндсэн ажлаа Д.Лүндээжанцан, Ц.Нямдорж хоёроор мануулаад ар хударгаар нь намын ерөнхий нарийн бичгийн даргын томилгоог “найруулаад” өнөөдрийг их л завгүй өнгөрөөж байна даа.