АНУ “Google”, “Yahoo”-г хакердсан уу? | News.MN

АНУ “Google”, “Yahoo”-г хакердсан уу?

Хуучирсан мэдээ: 2013.10.31-нд нийтлэгдсэн

АНУ “Google”, “Yahoo”-г хакердсан уу?

АНУ-ын
Үндэсний аюулгүй байдлын алба /NSA/-тай холбоотой бас нэгэн дуулиан
дэгдлээ. Энэ удаад АНУ-ын тагнуулын тусгай алба олон нийтийн сайт 
“Google”, “Yahoo”-гийн гадаад серверүүдийг хакердаж,  олон сая мэдээлэл
хулгайлсан гэх мэдээлэл цацагдаад байна. Энэ тухай АНУ-ын тагнуулын
тусгай албаны экс ажилтан Эдюард Сноудений мэдээлэлд тулгуурлан
“Washington Post” сонинд нийтэлжээ. Энд мэдээлснээр АНУ-ын Үндэсний
аюулгүй байдлын алба болон Засгийн газрын харилцаа холбооны удирдлага нь
“Yahoo”, “Google”-ийн сүлжээнээс өдөрт хэдэн саяар мэдээлэл хуулж авдаг
байсан гэнэ.

Харин үүнийг АНУ-ын Үндэсний аюулгүй байдлын
албаны дарга армийн генерал Кейт Александр үгүйсгэсэн мэдэгдэл хийжээ.
Гэхдээ тэрээр АНУ-ын Үндэсний аюулгүй байдлын алба “Google”, “Yahoo”-г
хакердаж байгаагүй ч Холбооны мөрдөх товчоо /FBI/, шүүхийн шийдвэрээр
террористуудтай тэмцэх ажилд хуулийн дагуу хамтарч байсан гэж мэдэгдсэн
байна.

Үүний зэрэгцээ Европын холбооны төлөөлөгчид тагнуулын үйл
ажиллагаатай холбоотой асуудлаар уулзалт хийхээр АНУ-д хүрэлцэн ирээд
байгаа гэнэ. Тэдний зүгээс Цагаан ордоны тандаж туршсан хэргийн эсрэг
хоорондын худалдаа, наймааны төслүүдэд хориг тавихаар сүрдүүлж байгаа
аж.

Б.АНХТУЯА

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2013-10-31 192.210.200.175

Kali Linux gedeg uildiin systemeer yahoo mail, facebook ruu yamar ch baisan nefterch boldog geheer aimar baigaa biz. youtube deer hurttel zaavar baigaad baigaamdaa. hackeruudiin hamgiin hetsuu chaddagui dans bol Google iin dans baidag. tiimdeech Google Wallet uilchilgeeg garagsan uchirtai ym!

NewsMN Гар утасны хувилбар Татах
NEWS.mn

Мэдээллийн эх сурвалж