Т.Билэгт эмчлүүлж, Н.Хүрэлбаатар “гэрийн хорионд” байна | News.MN

Т.Билэгт эмчлүүлж, Н.Хүрэлбаатар “гэрийн хорионд” байна

Хуучирсан мэдээ: 2013.10.31-нд нийтлэгдсэн

Т.Билэгт эмчлүүлж, Н.Хүрэлбаатар “гэрийн хорионд” байна

Авлигатай тэмцэх газарт шалгагдаж буй НИТХ-ын дарга асан Т.Билэгт, Эрүүл мэндийн сайдаар ажиллаж байсан Н.Хүрэлбаатар нар батлан даалтад гарснаасаа хойш сураг алдарсан. Тэдний хувьд хоёулаа Интерполоор эрэн сурвалжлагдаж, Т.Билэгт хоёр жил АНУ-д орогнож, Н.Хүрэлбаатар гадаадад нэг их удалгүй эх орондоо ирснийхээ дараахан баривчлагдсан. Тэдний талаар сураг тавив.

Эрүүл мэндийн сайд асан Н.Хүрэлбаатар батлан даалтад гарснаасаа хойш биеэ эмчлүүлсэн байна. Тэрбээр “гэрийн хорионд” байж, намынхантайгаа ч уулзахгүй байгаа гэнэ. МАН-ын Бага хурлын гишүүн тэрбээр намынхаа их хуралд ч оролцоогүй.

МАН-ын Бага хурлын гишүүд бүрэн бүрэлдэхүүнээрээ шинээр сонгогдож байгаа. Н.Хүрэлбаатар их хурлын төлөөлөгчөөр очоогүй тул Бага хурлын гишүүнээр ч сонгогдоогүй аж. Өөрт нь үүсгэсэн эрүүгийн хэргийг нэг тийш болсоны дараа намынхаа ажилд оролцохоо мэдэгдсэн аж. Тэрбээр баривчлагдах үедээ улс төрийн оролцоогүйгээр өөрийнх нь хэргийг шийдвэрлэхийг хүссэн. Түүнтэй холбогдоход “Хэргийг шалгаж дуусаагүй байгаа. Цаг нь болохоор мэдээлэл өгье” гэсэн юм. Түүнд холбогдох хэргийн талаар сануулахад, Хан-Уул дүүргийн XV хорооны нутаг, Зайсан дахь “Рапид харш” хотхонд орших түүний төрсөн хүү Х.Энхбатынхаас төмөр шүүгээтэй 600 сая төгрөгтэй тэнцэх хэмжээний юань алдагдсан ч бүрнээрээ олдсон юм. Энэ мөнгөний эзэн ЭМ-ийн сайд асан Н.Хүрэлбаатар болох нь тогтоогдож, их хэмжээний мөнгийг ямар замаар олсоныг тогтооохоор хуулийнхан түүнийг шалгах үндэслэл болсон билээ. Энэ хэрэгтэй холбогдуулан түүний хүү Х.Энхбат, ойрын төрөл болох Д.Батаа нарыг АТГ-ынхан шалгаж байна.

Т.Билэгтийн хувьд МАХН-ын дарга Н.Энхбаярын хэрэгт холбогдуулан шалгуулж, “Өргөө” зочид буудал, “Улаанбаатар таймс” сонины хувьчлалын асуудалд оролцсон хэрэгт буруутгагдсан. Тэрбээр урьдчилан хорих төвөөс суллагдаж, батлан даалтад гарснаасаа хойш мөн л эмчилгээ хийлгэж байгаа юм байна. Хувийн эмнэлэгт хэвтэн эмчлүүлжээ. Хо­риход саатуулагдсантай хол­боотойгоор биеийн байдал нь тааруу байсан ч эрүүл мэнд нь сайжирчээ. Гэхдээ эмчилгээ хийл­гэх шаардлагатай байгаа аж. Энэ хэрэгт холбоотойгоор шүүхээс хорих ял сонссон МАХН-ын Н.Энхбаярыг Ерөнхийлөгч уучлал үзүүлсэн бол До.Чулуунбаатар, Ж.Мягмаржаргал нар хорих ангид хүмүүжиж байгаа юм.

Т.АМАРТҮВШИН

Эх сурвалж: "УЛС ТӨРИЙН ТОЙМ" сонин

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2013-10-31 120.21.124.223

Jiriin irgediig bie ni muudaan ch emnelegiin tuslamj uzuulehgui baisaar baigaad nud aniuldag biz dee mongoliin horihuud

Avatar

Зочин 2013-10-31 103.23.51.5

Монголд авилга аваагүй сайд, дарга нар байвал хэлээд өгөөч.

Avatar

Зочин 2013-10-31 202.70.44.146

Эд нар бүгд л хэд хоног хориход байхаар хамаг бие нь муудаад өнөө маргаашгүй болсон, эмнэлэгт эмчлүүлсэн энэ тэр болох юм. Тийм л нялзрай болцон байдаг юм уу? Гэтэл нөгөө ардын хүүхдүүд өчнөөн хоноод гараад ирсэн явж байдаг биз дээ. Эр хүмүүс ч бол доо.

Avatar

Зочин 2013-10-31 182.160.34.250

монголд хэн нэг хүн олныг цочоож нэг юм дуугарч гаргаж ирээд дараа нь нөгөө асуудалууд нь эсвэл андуурсан эсвэл уучилаарай буруугүй байжээ, эсвэл төр өршөөдөг хуултай болжээ энэ 2 ч мөн ялгаагүй хор найруулах шатандаа орсон бололтой ардын хүүхэд бол тэр шорондоо сууж л байгаа даа

Avatar

Зочин 2013-10-31 103.26.194.131

ӨВГӨН АХ САЯ НАМЫНХАА БАГА ХУРЛЫН ГИШҮҮН БОЛДОГ Л ИЛҮҮДЧИХЛЭЭ ДЭЭ. ДЭМИЙ Л БАЙСАН ЮМ ДАА.

Avatar

zochin 2013-10-31 182.160.46.209

Tseverlegee hiij baigaa ym bol oligtoihon hiigeech!!!!! Hudlaa dur esgej horij shalgasan bolood tsuuhun hedhen tugruguur torgoson bolood l butsaad taviad baih ym ard tumnii tarhiig ugaagaad ajil hiisen bolj haragdaad baigaa ymuu haashaa ym

Avatar

Зочин 2013-10-31 126.13.159.230

2 zolbin gar

Avatar

Zochin 2013-10-31 203.194.115.125

Naad neg muu uvgun chin hend ch sonin bish bna.tanai site uneheer martagdsaniig sanuulah gd bgn Bol bayrtsogt denzen geed todruulaachdee.haana bna .haaltiin gereetei bolohoor chadahgui l dee

Avatar

Зочин 2013-10-31 103.26.194.16

***** Энхбаяр Монголд хөгийн ханиад дэгдээгээд Билэгт мэтийн новшнууд халуураад хэрэг алга

Avatar

Зочин 2013-10-31 180.43.63.128

xexe ingej avilgachid neg hiisn uilee uzeh gej tehdee hangaltgui bna naad hed cin shaasn mongo daihaad baij bga shde tehed tsevelegch emee nasaaraa zutgeed ter mongo ni baraa harahgui

NewsMN Гар утасны хувилбар Татах
NEWS.mn

Мэдээллийн эх сурвалж