Орон сууцны ипотекийн зээлийн санхүүжилтийг өнгөрөгч зургадугаар сард нэвтрүүлсэн бөгөөд эх үүсвэрийг цаашид тасралтгүй үргэлжлүүлнэ гэж албаныхан онцолж байгаа. Одоогийн байдлаар арилжааны банкуудад 16556  иргэний хүсэлтийг бүрэн шийдвэрлэж, орон сууцны ипотекийн зээлийн 466.3 тэрбум төгрөгийн зээлийг дахин санхүүжүүлж, найман хувийн зээлд шилжүүлсэн байна. Иргэд 671.3 тэрбум төгрөгийн орон сууцны ипотекийн зээл шинээр авах хүсэлт гаргаснаас банкууд 10206 иргэнд 591.5 тэрбум төгрөгийн зээл олгохыг шийдвэрлэжээ.