Хатан хаан Клеопатрагийн тухай олон кино бүтээгдсэн байдаг. Харин эдгээр
бүтээлүүд дээр нэгэн шинэ кино нэмэгдэх гэж буй нь “Queen of the Nile,
Cleopatra: A Life” нэртэй кино аж. Энэхүү киног нэрт зохиолч Stacy
Schiff-ын намтарчилсан роман болох “Queen of the Nile, Cleopatra: A
Life” номноос сэдэвлэн бүтээж байгаа ба гол дүрээ зохиогч өөрөө сонгохыг
хүссэн байна.
Зохиолч Stacy Schiff “New York Daily News” сонинд
өгсөн ярилцлагадаа “Би энэхүү киноны гол дүрд Angelina Jolie-г
тоглуулахыг хүссэн. Жүжигчин маань ч бидний саналыг хүлээж авсанд
баяртай байгаа. Яагаад заавал Jolie-г сонгосон бэ  гэхээр тэр ихэмсэг,
бас хүчирхэг бие даасан эмэгтэй, яг л хатан хаан шиг. Энэ дүрийг тэр л
хамгийн сайн бүтээж чадна гэдэгт би итгэлтэй байгаа. Магадгүй энэ
дүрээрээ тэр “Оскар” авч ч болох юм” хэмээн ярьсан байна.
Энэхүү
киноны найруулагчаар Scott Rudin ажиллахаар болсон байна. Тэрбээр гол
дүрийн сонголтод мөн сэтгэл хангалуун байгаа аж.
Angelina Jolie-гийн
хувьд тэрбээр хамгийн сүүлд “Salt” нэртэй кинонд тоглосон ба энэхүү кино
нь ирэх долдугаар сарын 23-нд театруудад нээлтээ хийх юм.

Н.Наран