Уул уурхайн яамнаас зохион байгуулдаг “Ил тод уул уурхай” хэвлэлийн бага хурлын үеэр өнөөдөр Олон-Овоотын нөөцийн асуудлыг судалж, шалгаж байгаа талаар мэдээлэл өглөө. Уул уурхайн яамныхны ярьж буйгаар ажлын хэсгийнхэн газар дээр нь очоод ирсэн бөгөөд заавал хөндлөнгийн шинжээчээр шалгуулах шаардлагатай байгаа гэнэ. Өөрөөр хэлбэл, хүдрийн биетийг гаргаж авах боломж байгаа эсэх, хөрс хуулалтын ажлаа технологийн дагуу хийсэн зэргийг хөндлөнгийн шинжээчдээр нягтлуулсны дараа Ш.Батхүү, Ц.Мянганбаяр нарын хэн нь буруутайг тогтоолгох бололтой.