Баянгол дүүрэг хамгийн их нягтралтай | News.MN

Баянгол дүүрэг хамгийн их нягтралтай

Хуучирсан мэдээ: 2013.10.30-нд нийтлэгдсэн

Баянгол дүүрэг хамгийн их нягтралтай

Хэнтийн нурууны урд үзүүр болох Баянзүрх, Богд хан, Сонгино хайрхан, Чингэлтэй хайрхан уулсаар зүүн, урд, баруун, хойд талаараа хүрээлэгдсэн Улаанбаатар хот Туул, Сэлбэ голуудын бэлчир хөндийд нийт 4,704.4 м.кв нутаг дэвсгэртэй. Засаг Захиргааны нэгжийн хувьд алслагдсан 3, төвийн 6 дүүрэгт хуваагддаг бөгөөд Багануур дүүрэг 620,2, Багахангай дүүрэг 140,0, Налайх дүүрэг 687,6, Баянгол дүүрэг 29,5, Баянзүрх дүүрэг 1244,1, Сонгинохайрхан дүүрэг 1200,6, Сүхбаатар дүүрэг 208,4, Хан-Уул дүүрэг 484,7, Чингэлтэй дүүрэг 89,3 км2 нутаг дэвсгэрийг эзэлдэг юм. Хүн амын нягтралыг 1мкв нутаг дэвсгэрээр тооцвол хамгийн их нягтралтай Баянгол дүүрэг 6521, Чингэлтэй дүүрэг 1719 хамгийн бага нь Багахангай 26, Багануур 44 бөгөөд Баянзүрх дүүрэг 232, Налайх 48, Сонгинохайрхан 216, Сүхбаатар дүүрэг 648, Хан-Уул дүүрэгт 255, хүн ногдож байна. Монгол Улсын нийслэл нь түүхийн олон үеийг туулж, нэрээ хэд хэдэн удаа сольсон бөгөөд хамгийн сүүлд 1924 онд Улаанбаатар хэмээн нэрлэгджээ. Монгол Улсын нийслэлийн түүх нь 1639 оноос эхлэх бөгөөд 1639-1778 онд “Өргөө”, 1778-1911 онд “Их Хүрээ” (Хятадчилсан Да Хүрээ, эсвэл энгийнээр Хүрээ гэх мэтээр ярианы хэллэгүүд байсан), 1911-1924 онд Нийслэл Хүрээ нэртэй байсан юм гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2013-10-30 202.70.44.186

өө тийм үү

NewsMN Гар утасны хувилбар Татах
NEWS.mn

Мэдээллийн эх сурвалж