Зад хямдрал байна уу...? | News.MN

Зад хямдрал байна уу…?

Хуучирсан мэдээ: 2013.10.29-нд нийтлэгдсэн

Зад хямдрал байна уу…?

Нийслэлийн удирдлагууд нийслэлийн өдрөөрөө уламжлалт баярын хурал, бөхийн барилдаанаа цуцлан байж “Их хотын хямдрал”-ыг Чингисийн талбайд зарлалаа. Хямдралыг хүмүүс задгай талбайн зад хямдрал гэж ойлгосон, тэр хэрээрээ ч олноороо цуглав. Бэлэн хувцас, ноолуур, нэхий, хүнс, ундаа, мах сүү гээд дутуу юмгүй худалдааг эхлүүлжээ. Найман настнаас наян настнуудыг хүртэл цуглуулж чадсан хямдралтай худалдаа зорилгоосоо харин  гажаа юу даа гэсэн сэтгэгдэлтэй хүмүүс олон байв. Учир нь 50-60 хувийн хямдрал зарласан газар тун цөөхөн харагдав. Монгол брэндийг дотооддоо үйлдвэрлэж, монгол хүн юү бүтээж болдгийг харуулах зорилго өвөрлөсөн хөнгөн үйлдвэрийн “exclusive” үйлдвэрийн бараа үнэхээр 50 хувь хямдарсан харагдсан. 380 мянган төгрөгийн үнэтэй эмэгтэй хүрэм 190 мянган төгрөг, 280 мянган төгрөгийн үнэ бүхий богино эрэгтэй хүрэм 140 ямнган төгрөг, 26 мянган төгрөгийн цамц 10 мянга, таван мянган төгрөгийн зуны подволк гурван мянган төгрөг болон хямдарчээ. Цахилгаан бараа л гэхэд нэг бүр нь 3-7 мянган төгрөгөөр хямдарч. Голчлон "Монел"-ийн бараа байх бөгөөд тухайн дэлгүүрийн хямдралын карт үйлчлэхгүй гэхээр дээрх хямдрал нь зүгээр л тоо болж хүмүүст харагдав. "Чансаа" гутлын дэлгүүрийн худалдаанаас баргийн хүн наймаа хийхээргүй өндөр үнэ хэлж сонсогдоно. 400 мянгаас дээш үнэтэй гутлыг 10 хувь хямдруулаад ч хүмүүс үзэж, сонирхоос хэтэрсэнгүй. Улирлаа дагаад ч тэр үү нэхий, ноолууран хувцас үйлдвэрлэгчид олноороо хямдрал зарлажээ. "Говь" ХХК 60 хүртэлх хувийн хямдрал зарласан ч яг 60 хувиар хямдарсан бараа олсонгүй. Ихэнхдээ 10-20, дээд тал нь 30 хувь хямдарсан  хүзүүвч, ороолтхон л байх юм.

Их хотын хямдралын хамгийн их хөлтэй газар нь "Мах маркет" ХХК. Тэнд хоёроос гурван давхар дугаарлалт үүсч, бүүр цагдаагаар зохицуулахдаа хүрчээ. Цагдаа нар очиж байж хэд давхарласан хүмүүсийг нэг эгнээнд оруулсан ч хэд нугарсан урт дараалал үүссэн байлаа. Тэнд настнууд голдуу харагдсан. Залуучуудын хувьд мах авахаар дугаарлах завгүй ажилтай байсан нь мэдээж. Ойрхон ажилтай нэг нь цайны цагаа ашиглан ирэв үү гэлтэй үд дунд олны хөл нэлээд нэмэгдсэн. Харин хараад байхнээ бараа худалдан авсан хүн төдий л олонгүй. Хүн хоолноос хэзээ ч татгалздаггүй гэдгээр " Өгөөж"-ийн боов боорцог хамгийн эрэлттэй байлаа. Төд удалгүй "Өгөөж"-ийнхөн “Та жаахан байж байгаад буцаад ирээрэй. Манай бараа хараахан ирээгүй байна” гэчихсэн зогсож байв.

Нэхий дээл бол ёстой л ёоз ёозоороо байна, Чингисийн талбайд. Урьд өмнөх жилүүдэд хамгийн эрэлттэй байсан хүүхдийн нэхий хувцас төрөл бүрээрээ дэлгэгджээ. Нэгээс гурван насны охид, хөвгүүдийн нэхий дээл загвараасаа шалтгаалаад 165-220 мянган төгрөгийн үнэтэй. Харин томчуудынх багадаа л хагас сая төгрөг. Томчуудын нэхий дээлийг 10 хувиар хямдруулах саналыг "Дархан минж" ХХК-ийнхан хэлж байлаа. Харин ноолуур үйлдвэрлэгчид ноолуурыг нийлэг эдлэлтэй хослуулан хүүхдийн хувцас үйлдвэрлэсэн нь хэрэглэгчид талархалтай хандаж байлаа. Дан ноолууран хувцас хөнгөн зөөлөн боловч эдэлгээ даахдаа тааруу, өвдөг тохой нь амархан урагддаг. Тиймээс ноолуураар доторлон, нийлэг эдээр гадарласан хүүхдийн майк, цамц, өмд үйлдвэрлэсний дээр хамгийн амархан цоордог хэсэгт нь нийлэг эдэн оруулгыг донжийг нь тааруулан урласан бүтээгдэхүүнийг "Эвсэг" үйлдвэр гаргажээ.

Энэ удаагийн нийслэлийн өдрөөр магнай нь тэнийж буй хүмүүс бол ТҮК-ийн ажилчид юм. Өчигдөр л гэхэд тэдний төлөөлөл болсон хэд хэдэн хүнийг Гэрлэх ёслолын ордонд хурим хийлгэн “сюрприз” барьсан бол өнөөдөр хямдралтай худалдаанд оролцогсод дулаан нэхий дээлийг ТҮК-ийн есөн хүнд бэлэглэсэн юм. Мөн хямдралтай худалдаанд оролцохоор цугласан олныг бүгдийг нь хамруулсан сугалаат урамшууллыг мөн зарлаж байлаа. Таван богд ХХК л гэхэд 374 азтан тодруулсан бол бусад компаниуд 500 мянган төгрөгөөс нэг сая төгрөгийн азтан тодруулж байсан юм. Их хотын хямдрал хөл ихтэй байна. Хэрвээ амралтын өдөр энэ худалдааг нээсэн бол илүү олон хүн цуглах байлаа.

М.СУРА


Гэрэл зургийг ЭНД дарж үзнэ үү

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

сайн 2013-10-29 202.179.20.177

энэ жил арай дээр тэмдэглэлээ ТҮК-хэн гэхдээ л арай арай л байдаг шүү.

Avatar

Зочин 2013-10-29 124.158.74.2

үйлдвэрлэгч, худалдааныхан чинь мөнгө олж үйл ажиллагаагаа үргэлжлүүлэх, өргөжүүлэх хэрэгтэй ш дээ. өөрсдийгөө хохироогоод орлого олох гэж ажиллах хүн байна уу. ажил хийсэн нь заавал буруудаж, зүгээр халтурдсан нь хождог хорвоо доо.

Avatar

Зочин 2013-10-29 103.9.90.130

TUK-iin ajilchdiig bayarluuldag yamar buyantai uls ve Buyan n delgerch yavag Bidnii hog burtgiig tseverledeg TUK-ii ajilchdiinhaa ajiliig hundelj yavtsgaaya

Avatar

zochin 2013-10-29 83.250.241.152

manaihni zad hymdral gej yu bsin.ene hymdral europt jinhene utgaara bdg.n.manaih ch de.hymdarsan nerin dor hudlaa huurguud.hatsan talhaa ch hymdruulj chadahgvi bj

Avatar

monherdene 2013-10-29 203.194.116.61

tiim shu mongonbilgee

Avatar

mungunbileg 2013-10-29 66.54.88.131

za demjij bn. mongolchud chanartai, ih hyamdraltai ymand lav durtai. my huvid ih vnetei, chanartai ch, chanargvi ch ymand neg ih sonirhdoggvi.

Avatar

mungunbileg 2013-10-29 66.54.88.131

za demjij bn. mongolchud chanartai, ih hyamdraltai ymand lav durtai. my huvid ih vnetei, chanartai ch, chanargvi ch ymand neg ih sonirhdoggvi.

Avatar

Зочин 2013-10-29 103.26.194.86

Батүүл ард олныг "хямдарсан бараагаар үйлчлүүлэх боломж" олгох нэрийн доор үнэ зохиомлоор хөөрөгдөж байдаг худалдаачид, шулаачдыг хөхүүлэн дэмжиж тэдний халаасыг нэг өдрийн дотор хагарч задартал нь түнтийлгэлээ дээ. "Хямдрал" гэж борлуулалтгүй болж үлдсэн үлдэгдэл барааг шахахыг хэлдэг юм байна л даа. Их хааныхаа нэрээр нэрлэсэн талбай дээрээ гачигдсан ардын халаасыг хэрхэн сэгсрэх талаар тов тодорхой харуулж чадлаа

Avatar

ARAI DENDUU URUVDOLTEI 2013-10-29 82.145.208.181

Ochij uzsn chin nastai humus buunuuru mahand oochirloj haragdsn har.d malaar bayn ged l bdg iim bdg bh,

Avatar

Хотын иргэн 2013-10-29 103.11.193.10

Чингисийн талбайд мах зарж, маханд монголчуудыг алалцуулж байгаа юм уу, хотын даргаа, улаан махны бузар болдог байгаа даа

Avatar

ЧД иргэн 2013-10-29 202.179.26.221

Зарим бүтээгдэхүүний үнэ хямдраагүй, яг л дэлгүүрт байдаг үнээрээ зарагдаж байна. Тухайлбал, "Өгөөж"-ийн хэвийн ***** дэлгүүртээ 2000 төг. талбай дээр мөн л 2000 төг. Ингэж иргэдийг хуурч байдагаа больмоор… "Өгөөж"–ийнхэн ичээч…

Avatar

qwerty 2013-10-29 125.132.137.80

mash zow arga hemjee bna. tsaashdaa 6n sard 1 ch ymuu banga zb baiwal nice

Avatar

Мгл 2013-10-29 103.26.194.154

Урьд нь тарган цатгалан булэг хулгайч нар нэгнээ шагнан , концерт узэн , бох барилдуулж пээдиидэг байсныг энэ жилээс ард тумэнээ баярлуулах эхлэл болгож байгаад баярлалаа. Номин, говь, моби мэтиин хулхи хямдруулагчид шуналаа татаж , нэр хунддээ анхаараач

Avatar

gana 2013-10-29 103.26.194.30

hyamdarsan ym yu ch alga bna lee. shal hudlaa. harin ch zarim baraa bur unetei bna lee

Avatar

Пүрэвнацаг 2013-10-29 112.72.13.61

Зарим компаниуд ёстой л нэг ор нэр болгож буурал Бат-Үүлээр хэрхэн даажигнасан нь харагдаж байлаа. Манайдаа л монополь болчихсон НОМИН гэхэд л үнэхээр хөдөлсөнгүй. Бусад нь ч гэсэн ач холбогдол өгсөнгүй. Ганцхан жишээ хэлэхэд ТОД ОЙМС гэдэг үйлдвэр 5000-ын оймсоо энэ үнээр нь зарж байхым. Дашрамд дуулгахад тэдний тэмээний ноос, сарлагийн хөөвөр гээд байгаа оймснууд Эрээн дээр 10 юань гээд л овоолготой байлаа Зад хямдралаа гэж зад хулхидахын нэр үү

Avatar

иргэн 2013-10-29 202.131.234.50

Хотын удирдлагууд үүнд дүгнэлт хийж Иргэдэд хямд үнэтэй мах ,хүнс нэн хэрэгтэй байгааг харж байгаа байх. Говь ХХК ТВ-ээр 60%-ийн хямдрал гэж рекламдаад дэлгүүрт нь очиход нэг сагсанд баахан хог шиг бараа хийчихсэн зөвхөн тэр бараа хямдралтай гэсэн нь үнэхээр хөгийн санагдсан.Орчин үеийн маркетинг гэж иргэдийг хуурч,төөрөгдүүлж реклам хийж бараагаа худалдах болжээ

Avatar

БИШ БИЗ , НӨХӨД ӨӨ 2013-10-29 103.26.194.116

ЭНЭ ЗУРГАН ДЭЭРХИ АРАЙ МАНАЙ ЧАС УЛААН КОММУНИСТ ЭРХЭМ ИДЭВХТЭН БИШ БИЗ , ТАМИНЬ ЭЭ .

Avatar

үнэнч 2013-10-29 222.168.49.87

манай компани, дэлгүүрүүд хямдрал гэхээрээ урьд нь ийм үнэтэй байсан одоо ийм үнэтэй боллоо гэж худлаа хэлж урьд нь зарагдаж байгаа үнээрээ зарахыг боддог. Жинхэнэ зад хямдрал гэдэг бол 50-80% хямдрахыг хэлдэг байх даа

Avatar

Зочин 2013-10-29 49.0.130.135

Бөх барилдуулж тэнэгтээгүйд баярлав.

Avatar

зочин 2013-10-29 122.201.27.2

их эзэн чингис хааныхаа талбай ээр улаан мах зараад тэр нь онгорсон жилиин зоориний мах ингэж шоудахаа болиосой

NewsMN Гар утасны хувилбар Татах
NEWS.mn

Мэдээллийн эх сурвалж