Энэ жил нийслэлд улсын төсвийн болон, орон нутгийн төсвийн хөрөнгө оруулалтаар хийх замын ажлууд эхлэж, хэд хэдэн  гол замын засварын ажил дуусч ашиглалтанд орсон, мөн зарим газрын ажил ид үргэлжилж байна.  Одоогоор 25 дугаар эмийн сангийн уулзвараас Төмөр замын соёлын ордны уулзвар хүртэлх замд засвар хийж байна. Өчигдөр X хорооллын гэрэл дохиотой уулзвараас 25 дугаар эмийн сангийн уулзвар хүртлэх замыг хааж, засварын ажлыг эхлүүлсэн.

 Түүнчлэн Хүрдийн урд уулзвар, зуун айлын уулзварын урд хэсэг,  зуун айлын уулзвараас Сэлбийн гүүр хүртэлх 0,3 км үргэлжилсэн замын урд хэсэг ч мөн засвартай  байгаа. Мөн Гурвалжингийн гүүрийн засварын ажил  орох бөгөөд наймдугаар сарын 25-нд ашиглалтад өгөх төлөвлөгөөтэй юм. Энэ хугацаанд уг гүүрээр ямар ч автомашиныг явуулахгүй байгаа тул тээврийн хэрэгслүүд алсын  замаар хөдөлгөөнд оролцож байна. Өөрөөр хэлбэл,  Үйлдвэрчний эвлэлийн гудамж буюу Геологийн төв лабораторийн зүүн талын замаар Баянхошуу урдуур, хойгуур Хувьсгалчдын гудамж, Их тойруу, Сонголонгийн зам, ТЭЦ-4-ийн урдуур, Хан-Уул дүүргийн замуудаар явж байгаа юм.

Б.Анхаа