Агаарын бохирдлын хэмжээ буурсан гэв | News.MN

Агаарын бохирдлын хэмжээ буурсан гэв

Хуучирсан мэдээ: 2013.10.28-нд нийтлэгдсэн

Агаарын бохирдлын хэмжээ буурсан гэв

Байгаль орчин, ногоон хөгжлийн сайд С.Оюун өнөөдөр /2012.10.28/ сэтгүүлчидтэй "зангиагүй" уулзаж өнгөрсөн хугацаанд хийсэн ажил, шинээр баталсан хууль журмын талаар мэдээлэл өглөө. Өнгөрсөн хугацаанд тус яамнаас агаарын бохирдлыг бууруулах, боловсруулсан түлшний хангамж хүрэлцээ, урт нэртэй хуулийн хэрэгжилтийг хангах, сав газрын захиргаадыг бэхжүүлэх зэрэг чиглэлээр хийсэн ажлын үр дүнг танилцуулсан юм.

Монгол Улсын Засгийн газрын тусгай сан Цэвэр агаарын сан нь 2011-2013 онд улсын төсвөөс нийт 92.5 тэрбум төгрөг төсөвлөж байснаас энэ сарын 1-ний байдлаар нийт 67.0 тэрбум төгрөгийг зарцуулжээ. Мөн түлш үйлдвэрлэгч компаниудын хүчин чадал нийслэлийн гэр хорооллын айл өрхийн хэрэгцээг бүрэн хангаж чадахгүй байна. Түүхий нүүрс хязгаарлах үндсэн бүс Баянгол дүүргийн 12 мянга 461 айл өрхийг боловсруулсан түлшээр хангах ажлыг өнгөрсөн жилүүдэд Нийслэлийн Агаарын чанарын алба, дүүргийн удирдлагуудтай хамтран зохион байгуулж Цэвэр агаарын сангаас санхүүжүүлжээ. Өнөөдрийн байдлаар түлш үйлдвэрлэгч аж ахуйн нэгж нэг тонн үртсэн шахмал түлшийг 150 мянган төгрөг, хагас коксон шахмал түлшийг 170 мянган төгрөгөөр нийлүүлж, Цэвэр агаарын сангаас түлш авсан хэрэглэгчид үртсэн шахмал түлшний тонн тутамд 48 мянган төгрөг, хагас коксон шахмал түлшинд 72 мянган төгрөгийн татаас олгож байна.

Энэ бүхний үр  дүнд өнгөрсөн өвөл нүүрсний шаталтаас ялгардаг хүхэрлэг хийн дундаж агууламж өмнөх оны мөн үеэс 20.1 хувиар, том ширхэглэлт тоосонцорын дундаж агууламж 29.5  хувиар  багасчээ.

С.ОТГОН

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

kl 2013-10-28 182.160.41.130

ш**,

Avatar

Зочин 2013-10-28 103.26.194.75

utaa gaigui l bolood baigaa shdee.

Avatar

Зочин 2013-10-28 180.235.185.145

харьцангүй орой хүйтэрч байна. цас ч удаж байж нэг эртээд орсон.

Avatar

Зочин 2013-10-28 202.179.20.197

Урьд жилд ,их хүйтэн болохоор агаарын бохирдол мэдрэгддэг байсан Гэтэл одоо мэдрэгдээд цонхоо онгойлгож болохгүй байна. Агаарын бохирдол буураагүй.

Avatar

Зочин 2013-10-28 182.160.41.183

Оюун сайд аа.Танай яамныхан агаарын бохирдлын 5 тэрбум төгрөг "идчихсэн" байхад та агаарын бохирдол буурсан гэж юу бураад байна аа.Та улсаа бодоод наад яамаа мэргэжлийн хүнд нь өгч болдоггүй юм уу.

Avatar

zochin 2013-10-28 202.55.190.6

todorhoi hemjeegeer buursan. huuchin muuhai tortogtoi har utaa baidag baisan bol ongorson jil saaral utaa bolson. hor ni arai bagassan yum shig sanagdsan. ene jil yahiig ni harj baiya.

Avatar

Зочин 2013-10-28 202.170.81.230

Энд зохисгүй үг бичих гээд бна

Avatar

Зочин 2013-10-28 202.179.27.98

Хүйтрээд ирэхээр л буурсан эсэх нь ямар ч багажны хэрггүйгээр мэдрэгдэнэ дээ.

NewsMN Гар утасны хувилбар Татах
NEWS.mn

Мэдээллийн эх сурвалж