&#34Хотын гудамж-Миний нутаг&#34 өдөрлөг боллоо | News.MN

&#34Хотын гудамж-Миний нутаг&#34 өдөрлөг боллоо

Хуучирсан мэдээ: 2013.10.27-нд нийтлэгдсэн

&#34Хотын гудамж-Миний нутаг&#34 өдөрлөг боллоо

Нийслэлийн өдрийг тохиолдуулан Соёл урлагийн их сургуулиас санаачлан нийслэлийн Засаг даргын Тамгын газар, Чингэлтэй дүүргийн Засаг даргын Тамгын газартай хамтран “Хотын гудамж-Миний нутаг” өдөрлөгийг Анкарагийн гудамжинд /СУИС-ийн зүүн урд уулзвараас Зоос гоёл ХХК-ны баруун урд уулзвар/ зохион байгууллаа. Өдөрлөгт нийслэл, дүүргийн удирдлагууд, СУИС-ийн захирал Э.Сонинтогос болон СУИС-ийн үе үеийн төгсөгчид, оюутнууд, Анкара гудамжинд үйл ажиллагаа явуулдаг аж ахуйн нэгжийн ажилчид болон нийслэлийн иргэд оролцлоо. Нийслэлийн гудамжинд анх удаа зохион байгуулагдсан тус өдөрлөгөөр хүрэлцэн ирсэн нийслэлчүүддээ зориулан СУИС-ийн үе үеийн төгсөгчид, оюутнууд урлагийн тоглолтоор бэлэг барьсан бол үлээвэр найрал хөгжмийн хамтлагаар удирдуулсан Анкарагийн гудамжинд үйл ажиллагаа эрхэлдэг аж ахуйн нэгжийн ажилчид ёслолын парад хийсэн. Өдөрлөгийг нээж нийслэлийн Засаг дарга хэлсэн үгэндээ “Нийслэлийн өдрийг тохиолдуулан иргэддээ зориулсан олон арга хэмжээ зохион байгуулахаар төлөвлөсний нэг нь “Хотын гудамж-Миний нутаг үйл ажиллагаа бөгөөд анхлан санаачлан зохион байгуулсан СУИС-ын захиргаа, багш, оюутнуудад нийт нийслэлчүүдийнхээ нэрийн өмнөөс талархал ирэлхийье. Нээрээ л хотын гудамж бол миний нутаг. Манай нийслэлчүүд гудамжинд нь хог хаявал гэрт нь хог хаяж байгаа шиг, гудамжийг нь муухай болгочихвол гэрийг нь муухай болгосон юм шиг хотынхоо гудамж, тохижилтод сэтгэл гаргаж, санаа тавьдаг болсон. Тиймээс бид цаашдаа Улаанбаатар хотоо улам сайхан болгохын төлөө ажиллах болно гэдгээ хэлмээр байна” гэж онцлон хэллээ. Энэ үеэр нийслэлийн шилдэг тохижилттой байгууллага аж ахуйн нэгж, “Дулаан байр-Тохижилт” орон сууцны шилдэг СӨХ-гоор шалгарсан байгууллагад шагнал гардууллаа. Шилдэг тохижилттой аж ахуйн нэгжээр 1-р байранд Хөдөө аж ахуйн их сургууль, 2-р байранд Баянгол дүүргийн “Тэнгэр ээл” ХХК, 3-р байранд Налайх дүүргийн Соёл урлагийн ордон шалгарсан бол  “Дулаан байр-Тохижилт”  орон сууцны шилдэг СӨХ-гоор 1-р байранд Сүхбаатар дүүргийн 5-р хороо” Баянбулаг-6” СӨХ, 2-р байранд Баянгол дүүргийн 12-р хороо “Цогтчандман” СӨХ, 3-р байранд СХД-ийн 12-р хороо “Итгэл нэг” СӨХ шилдгээр шалгарч өргөмжлөл, мөнгө шагналаар шагнуулсан юм гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.
















0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2013-10-27 1.25.154.151

Микрийг хөдөө гэвэл хөдөөнийх л болохоос.Хонхын дууг мэддэгболгон хотынх болдог бол хөдөөний хүн олдохгүй байх даа.

Avatar

ЗОДООН 2013-10-27 202.179.18.8

Өчдөр өдөрлөг болж байсан Анкара шудамжинд гартал, 5-р сургуулийн өмнө зүүн талаас нь бөөн мотоцикл, хуруу гараараа фак өгсөн охид залуучууд роккерууд, нөгөө талаас бас нэг тиймэрхүү бүлэг залуучууд модон *****, гинж энэ тэрээр өвч зэвсэглэсэн, 2 бүлэг 2 талаас бөөн шуугиан муугиан болж ирээд яг 5-р сургуулийн өмнөх зам дээр зодолдох гээд ч байх шиг бөөн юм болсон, тэгсэн баярын арга хэмжээ юм гэнэ, хэхэ, заавал зодолдох сүр үзүүлдэг нь ч юүв дээ, гудмаар явсан гадаадынхан бүр ангайгаад, хурдан холдож байсан

Avatar

Unshigch 2013-10-27 103.26.194.75

Nuguu ajlaas ni halchihsan Bat erdene chini yavj baih yum daa. Ardchilsan namd elschihsen yum bolov uu? Chuham l idej uugaad , duraaraa durgiad suid bolloo geed baisan chini santa clausiin yag ard yavj bna shuu

Avatar

8888 2013-10-27 103.26.194.61

сайхан өдөрлөг зхион байгуулсан нийслэлийн удирдлагууддаа баярлалаа.нийслэлийн альч гудамж бид бүхний нутаг тул хүн бүр нутагтаа хайртай гэдэгээ марталгүй хог хаяхгүй байх нь хүн бүрийн үүрэг шүү.хогоо ангилах хөдөлгөөн өрнүүлж хаягдал бүнээ ашиглаж сурах хэрэгтэй байна. хотьн дарга шинэ сэтэгэлгээтэй ажиллаж байгаад бид баярлаж байна

Avatar

8888 2013-10-27 103.26.194.61

сайхан өдөрлөг зхион байгуулсан нийслэлийн удирдлагууддаа баярлалаа.нийслэлийн альч гудамж бид бүхний нутаг тул хүн бүр нутагтаа хайртай гэдэгээ марталгүй хог хаяхгүй байх нь хүн бүрийн үүрэг шүү.хогоо ангилах хөдөлгөөн өрнүүлж хаягдал бүнээ ашиглаж сурах хэрэгтэй байна. хотьн дарга шинэ сэтэгэлгээтэй ажиллаж байгаад бид баярлаж байна

Avatar

Зочин 2013-10-27 203.194.115.99

Hotiin gudamj-Minii nutag gedeg chin "Honh" hamtlagiin duunii ug shdee,tuunees sanaa avch nerlesen baina. eniig medehgui baigaa amitan uuruu yostoi jinhene huduuniih baih. Haayaa ch boltugai joohon eyereg baihiig hichee l dee aaiiin, dandaa l muulj buhimdaj baih chin uitgartai bish baina uu

Avatar

Зочин 2013-10-27 221.187.5.39

parad hiihdee gol n bish gudamjind sheej baahgui, shuls, nus tseree hayahgui, gudamjind huntei zov zorj ongordog bolohod anhaarah yostoi yum daa. parad hiisneer hun soyoljino gej baihgui, heden hun dundaas n yum unagaad ongorno. parad chin duusahad hog ***** ovoorood uldene. honhnii bayaraar manai seheetnuud togsohdoo tend shampansk buuduulj tsetseg teverch zurgaa avahuulaad daraa n yu ulddeg bile. talbai deer ulaan tsaim sheej baigaa zurag hurtel tavigdaad baisan. uhernuudiig yaj jaahan soyoljuulah yostoi yum bol.

Avatar

Зочин 2013-10-27 103.26.194.179

Tiim shde, hotiin gudamj-minii nutag baihdaa yahav dee, yaj setgeheeree iim ner oldog bnaa, yamar ch utgagui.

Avatar

Зочин 2013-10-27 1.25.154.151

Өдөрлөгийнхөө нэрийг хүртэл өгөхдөө хөдөөний сэтгэлгээгээсээ салаагүй хүмүүс хотыг яаж хөгжүүлэх вэ дээ

Avatar

зочин 2013-10-27 103.26.194.182

Хөөе тэр баянзүрх кино үйлдвэрийн урд хуучин байсан эргэлтийг буцааж хийгээч ээ жолооч нараа бүгд энэ хотын удирдлагуудыг мулт үсэртэл бичицгээе

NewsMN Гар утасны хувилбар Татах
NEWS.mn

Мэдээллийн эх сурвалж