Авто тээвэр үүсч хөгжисний 85 жилийн ойг тохиолдуулан өнгөрсөн амралтын өдөр Сүхбаатарын талбайд  “Авто тээвэр-85” өдөрлөг боллоо. Өдөрлөгт Зам тээвэр барилга хот байгуулалтын яам, Авто тээврийн газар, Нийслэлийн нийтийн тээврийн газар, Замын цагдаагийн газар оролцсон юм. Энэхүү өдөрлөгт монголын авто тээврийн хөгжлийг харуулсан тээврийн хэрэгслийн үзэсгэлэн дэлгэгдсэн байлаа. Мөн Замын цагдаагийн газраас иргэддээ дүрэмт хувцас хууль дүрмээ танилцуулсан үзэсгэлэн гарган үйлчилсэн нь үзэсгэлэнг сонирхогчдод таалагджээ. Үзэсгэлэнг сонирхож байсан олны дунд гитарчин Өөжгий тухтай гэгч нь алхаж дэлгэгдэн тавигдсан эртний машинуудыг их л нягтлан  сонирхож байгаа нь содон харагдсан. Тэрбээр машины хорхойтон бололтой.

Г.Даша