“Нарантуул” олон улсын худалдааны төвийн хүнсний захад өнгөрсөн наймдугаар сарын 23-нд гарсан галын дүгнэлт эцсийн байдлаар гарч, ОБЕГ-аас галын шинжээчдийн дүгнэлтийг өнөөдөр ЦЕГ-ын ажлын хэсэгт хүлээлгэн өгсөн талаар бид мэдээлсэн билээ. Тэгвэл, “Нарантуул” захад гарсан галын хэрэгт 400 гаруй хүн хохирогчоор тогтоогдсон бөгөөд УМБГ-аас тэдгээр хүмүүсээс байцаалт, мэдүүлэг авч, галын хохирлын хэмжээг 16 тэрбум орчим төгрөгөөр тогтоосон болохыг албаны эх сурвалж мэдээллээ.