Монгол Улсын бодлогыг хүндэтгэн үнэлэв | News.MN

Монгол Улсын бодлогыг хүндэтгэн үнэлэв

Хуучирсан мэдээ: 2013.10.25-нд нийтлэгдсэн

Монгол Улсын бодлогыг хүндэтгэн үнэлэв

Олон улсын төрийн бус байгууллага – Дэлхийн ирээдүйн төлөө зөвлөл (ДИТЗ)-өөс 2013 онд “Ирээдүйг тодорхойлсон бодлого”-ын шагналыг хүртсэн улс орны болон олон улсын хамтын ажиллагааны бодлогыг НҮБ-ын Төв байранд зарлалаа. Энэ жил ДИТЗ нь аюулгүй байдал болон зэвсэг хураах чиглэлийн тэргүүний буюу үлгэр жишээ болох бодлогыг үндэслэн шалгаруулалтаа хийсэн байна. Энэ жил 7 улсын бодлого болон олон улсын хамтын ажиллагааны хоёр бодлого шалгарсан аж.

Үүнээс алтан медалийг “Латин Америк болон Карибийн тэнгист цөмийн зэвсэггүй бүс байгуулах тухай 1967 оны гэрээ”, мөнгөн медалийг “Галт зэвсгийг сайн дураар хураалгах Аргентины 2006 оны үндэсний хөтөлбөр” болон “Шинэ Зеландын Цөмийн зэвсгээс ангид байх, зэвсэглэлд хяналт тавих, зэвсэг хураах тухай 1987 оны хууль” тус тус хүртсэн байна.

Харин Монгол Улсын Их Хурлаас 2000 онд баталсан “Цөмийн зэвсгээс ангид байх тухай Монгол Улсын хууль”-ийг ДИТЗ-өөс “хүндэтгэн үнэлсэн” байна. Түүнээс гадна Хөнгөн миныг хориглох тухай Бельгийн 1995 оны хууль, Зэвсэгт хүчнийг татан буулгах тухай Коста Рика улсын 1949 оны Үндсэн хуулийн 12 дугаар зүйл анги болон Гэмт хэрэгтэй тэмцэж, харилцан туслалцаа үзүүлэх тухай Өмнөд Африк болон Мозамбикийн хооронд байгуулсан 1995 оны хэлэлцээрийг мөн хүндэтгэн үнэлжээ.

Монгол Улсын үндэсний аюулгүй байдлыг хангахад чухал хүчин зүйл болох Монгол Улсын нутаг дэвсгэрийг цөмийн зэвсгээс ангид байлгах тухай хуулийн шинэлэг зүйлийг олон улсын хэмжээнд оруулж ирснийг тус зөвлөл тэмдэглэж, энэхүү үйлсэд Элчин сайд Ж.Энхсайхан чухал үүрэг гүйцэтгэснийг онцлон дурджээ. 

Аргентин, Шинэ Зеландын төлөөлөгчид манай улсын цөмийн зэвсгээс ангид байх статусын ач холбогдлыг мөн цохон тэмдэглэсэн байна.

Т.МАША

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2013-10-25 202.131.235.211

Ийм мундаг бодлого тодорхойлоход бараг ганцаараа шахуу зүтгэж ажилласан Ж. Энхсайхан гуайд баяр хүргэе. Ийм л бодит юм хийдэг мэдлэгтэй хүмүүс үнэхээрийн дутагдаж байгаа шүү.

Avatar

Зочин 2013-10-25 202.131.235.211

Ийм мундаг бодлого тодорхойлоход бараг ганцаараа шахуу зүтгэж ажилласан Ж. Энхсайхан гуайд баяр хүргэе. Ийм л бодит юм хийдэг мэдлэгтэй хүмүүс үнэхээрийн дутагдаж байгаа шүү.

Avatar

Зочин 2013-10-25 202.131.235.211

Ийм мундаг бодлого тодорхойлоход бараг ганцаараа шахуу зүтгэж ажилласан Ж. Энхсайхан гуайд баяр хүргэе. Ийм л бодит юм хийдэг мэдлэгтэй хүмүүс үнэхээрийн дутагдаж байгаа шүү.

NewsMN Гар утасны хувилбар Татах
NEWS.mn

Мэдээллийн эх сурвалж