“Болоо ш тээ...” | News.MN

Хуучирсан мэдээ: 2013.10.24-нд нийтлэгдсэн

“Болоо ш тээ…”

Сурагчийн
дүрэмт хувцсыг лабораториор шалгаж гэнэ. Хувцасны даавууны чанарын
эдэлгээнд Нэхмэлийн үйлдвэр тав болон есдүгээр саруудад шалгалт хийж
хорь гаруй дээжинд шинжилгээ хийж. Эдэлгээ даах чадвар, угаасны дараа
хэлбэрээ хадгалах чанар, будаг  гээд шалгахад дүрэмт хувцас нь дөрвөөс
дээш үнэлгээ буюу эдэлж хэрэглэхэд асуудалгүй, шаардлагыг хангасан гэсэн
байна. Өмнө нь мөн Шударга өрсөлдөөн хэрэглэгчдийн төлөө газраас
сурагчдийн дүрэмт хувцсыг үйлдвэрлэх компанийг шалгаад л байсан.

Ямартай
ч монголчууд хөгжиж, монгол хүний үнэлэмж дээшилж л байгаа юм байна.
Хэзээ байтлаа бид хүүхдийнхээ хувцсыг барьж аваад “даавуу нь хэдэн хувь
байна, химийн янз бүрийн хорт бодисын агууламж байна уу, үгүй юу” гэж
ярьж байлаа даа. Хаанаас авчирсан, юугаар ч хийсэн нь мэдэгдэхгүй
хувцсыг сургуулийн багш, захирал, өөр хэн нэгний шахаагаар авдаг байсан
шүү дээ. Бүр болохгүй бол зах гараад Хятадад үйлдвэрлэсн хямдхан хослол
авна. Тэр үед юун чанар, юун лабораториор шинжлүүлэх. Магадгүй өмнө
өмсүүлж байсан урдаас орж ирсэн хувцаснуудыг харьцуулаад шинжлэвэл
шалгалтанд тэнцэнэ гэж итгэхэд ч бэрх биз.

Урдаас хямд үнээр
материал оруулж ирээд, бараг бэлдсэн эсгүүрийг нь нийлүүлж боогоод
монголд үйлдвэрлэв гэсэн шошго зүүдэг байсан цаг саяхан. Энэ нь бас
нэлээд хэдэн хүний амьдрах арга болж байсан нь тодорхой. Тэдгээр хүмүүс ч
энэ мөнгөний сувгаа хаалгасандаа бухимдаж буй нь ойлгомжтой. Хамгийн
хямдхан материалаар хийсэн хамгийн муу хувцас өмсдөг байх үед хэнд ч
чанар чухал биш байсан шү дээ.

Өөр улсад хийснийг нь зүгээр
хэрэглэдэг хэрнээ өөрсдөө, эх орондоо хийж эхлэнгүүт сургаар муучилж,
шинжлүүлж эхлэнэ гэдэг нь бид өөрсөддөө итгэдэггүй болсны л баталгаа.
Монгол компанийн тавьсан зам муу байдаг, монгол засварчны засвар вьютнам
засварыг барааддаггүй гээд л өмнөх хариуцлагагүйнхээ жишгээр
шүүмжилсээр. Гэвч энэ бүх шүүмжлэл нь замыг зузаанаас нь иддэг зуршлаа
давтаж болохгүй шүү гэдгийг сануулсан сануулга. Хүн бүрийн гарт очиж,
хүүхдүүд нь биеэр туршиж үзэх сурагчийн дүрэмт хувцсыг чинь олон мянган
нүд чих харж, хянаж, шалгаж байгаа шүү гэдгийг мартаж болохгүйг
анхааруулсан анхааруулга. 

Ямартаа ч урдын адил бид үр
хүүхдүүддээ юуг ч хамаагүй углаад байдгаа больчихож. Шалгуулж,
шинжлүүлдэг болчихож. Энэ чинь өөрчлөлт, хөгжил биш гэж үү. Харин тэр
шалгалт шүүлгээ л үнэн зөв шиг явуулаад, үнэтэй ч гэсэн чанартай, биед
эвтэй хувцас үйлдвэрлэдэг болоорой доо. Сураг сонсох нь дүрэмт хувцасны
тендрийг Үйлдвэр, хөдөө аж ахуйн яам авсан гэсэн. Боловсролын яам
формныхоо чанарт хяналт тавьж чадахгүй байна л гэж байна лээ. Аль яаманд
байгаагаасаа биш, хэн хийж байгаагаасаа л шалтгаалж байгаа байх аа
даа. 

Э.ЭНХ

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2013-10-24 112.72.13.75

SURAGCHIIN FORM ARAI L DENDUU BNAA

Avatar

Зочин 2013-10-24 112.72.13.123

Emegtei hvvhedinh ni arai gaigvi yum nooson tsamts arai bish ee

Avatar

эхлэл 2013-10-24 103.26.194.69

100% монгол үйлдвэрлэл ч бишээ. гэхдээ үйлдвэрүүдийг дэмжих гэсэн анхны алхамд нэг удаа ч болов талархаж тэвчье. явж явж хүнснээс гадна өмсөж эдэлдэг зүйлсдээ эрүүл ахуйн шаардлага тавих цаг тун удахгүй ирнээ. өндөр өвөг дээдсээс үлдээсэн заяа буян байнадаа монголчууд минь дандаа хямдыг нь хардаг цаг ард үлдэх болтугай

Avatar

Зочин 2013-10-24 103.26.194.14

Medehgui ee itgehgui l bn tegeed yun ch unetei yum 130,000 r manai duu avah yum gn lee minii londongoos avsan ZARA -n hosloloos l unetei boloh geed bga yum da

Avatar

Зочин 2013-10-24 174.16.20.121

Яваандаа манай уйлдвэрлэл сайжрах байхаа тайван амгалан байж ундэсний гэсэн бухнээ дэмжье.

Avatar

Uyanga 2013-10-24 202.170.68.19

Xarin tiim ee.xvvxdiin sur xvch darsan xvn aimaar yum xiij bxiim daa.Eregtei emegtei ali ch form ni yostoi muuxai yag ajliin dambal shig xaragdaj bgaa sh dee.

Avatar

erka 2013-10-24 202.170.68.19

Form gej xvn aimaar yum xiij ardiin xvvxdvvded shaxchixaad yugaa yariad bn daa.Odoo ter 25000-iin unetei maik ni buun buun buustei l bn daa.9000-iin tsagaan tsenxer tsamts ni xed ugaagaad l bas buusrux shinj orchixood bn sh dee.

NewsMN Гар утасны хувилбар Татах
NEWS.mn

Мэдээллийн эх сурвалж