Дүрэмгүй хот хуульгүй улстай адил | News.MN

Дүрэмгүй хот хуульгүй улстай адил

Хуучирсан мэдээ: 2013.10.24-нд нийтлэгдсэн

Дүрэмгүй хот хуульгүй улстай адил

Хотын дарга Ерөнхийлөгчид ажлаа танилцуулахдаа ийн онцлов. Тиймээс Улаанбаатар хотын дүрэм гээчийг боловсруулж байгаа юм байна. Дэлхийн бусад улс орны туршлагаас харахд нийслэл нь төдийгүй жирийн хотууд нь ч өөрийн гэсэн дүрэмтэй түүндээ захирагдаж аж төрдөг ажээ. Тиймээс Улаанбаатар ч мөн дүрэмтэй болно. Хот тосгоны эрхзүйн байдлын тухай хуульд нийцүүлэн шинэ дүрмээ боловсруулж, Улаанбаатарыг улсын зэрэглэлтэй хот болгох саналыг Засгийн газарт тавих ажээ. Хэн дуртай нь хаа дуртай газраа нутаглаж, бусдын эрх ашгийг  хөндөж барилга байшин барихыг хөгжил гэхгүй гэсэн байр суурийг хатуу хамгаалахаа Нийслэлийн Засаг дарга бөгөөд Улаанбаатар хотын захирагч Э.Бат-Үүл онцоллоо. Одоогийн байдлаар нийслэлд газраа өмчлөн аваагүй нэг сая нэг зуун мянган иргэн бий гэнэ. Тэднийг газартай болгож амжаагүй байтал хотод  газартай болохоор хөдөөгийн хүмүүс дураараа нүүн ирж, дуртай газраа өмчлөх гэсэн хандлага байгааг хотын дарга онцлоод ийм тохиолдолд хотод олон жил суурьшсан хүмүүсээ нэгдүгээрт тавина хэмээн мэдэгдлээ. 

Дараагийн нэг том зорилт нь “Авлигагүй Улаанбаатар”. Нийслэлийн нутгийн захиргааны байгууллагад ажиллагсдыг ашиг сонирхлын зөрчлөөс сэргийлэхийн тулд иргэдтэй хийж буй ццлзалт болгоныг бүргэлжүүлсний дээр нийслэлийн цахим хуудсандаа хэн ямар шийдвэр гаргасан, ямар албан тушаалтан хэдий хэрийн хөрөнгөөр хаашаа томилолтоор явсан гэхчилэн бүхий л мэдээллийг ил тод нийтэлдэг болсон байна. Барилгын зөвшөөрлийг л гэхэд нэг уpгийн үйлчилгээнд шилжүүлж, ажлын 30 хоногт асуудлыг шийдүүлэх боломж бүрджээ. Түүнчлэн урьд өмнө гаргасан болон одоо гарч буй тогтоол, захирамж нэг бүрийг авлига бий болгох үндэслэлтэй эсэхэд дүгнэлт хийж эхэлжээ. Нийслэлийн есөн дүүрэг, 34 хороонд “Иргэний танхим” байгуулан 73 удаа хэлэлцүүлэг явуулж, 6400 гаруй иргэдийг хамруулжээ. Мөн өргөдөл цохуулах гэж иргэд цаг алдаж, албан тушаалтны үүд сахидаг байдлыг халсан гэдгийг хотын дарга хэлж байна. Тэдний өмнөөс өргөдөл гомдлыг нь шийдүүлдэг албан хаагчдыг ажиллуулснаар иргэдийн зовлон хөнгөрч, ТАХ-ын үүрэг нэмэгдсэн гэнэ.

Дээр дурдсан шинэчлэл бол  бүхний нүдэнд ил харагддаггүй ч иргэдэд хамгийн тустай өөрчлөлт. Тэгвэл бүхний нүдэнд харагдаж, гарт баригдсан өөрчлөлт олон байгааг Ерөнхийлөгчид хотын удирдлагууд дуулгасан. Замын хөдөлгөөний ачааллыг бууруулахын тулд дугаарын хязгаарлалт хийж, тэр хугацаандаа хотын замаа сайжруулж, олон уулзварыг шинэчлэн өргөтгөсөн. Гэсэн ч түгжрэл дорвитой буурахгүй байгааг судалж үзжээ. Гуравдугаар сарын 1-нээс наймдугаар сарын 1-ийг хүртэлх хугацаанд 182 км замын ажил хийсэн байтал 28360 автомашинд улсын шинээр улсын дугаар авсан байх жишээтэй. Тиймээс хотын дарга Э.Бат-Үүл автомашины түгжрэлийг усны цорготой зүйрлэв. Цоргыг нээх тусам улам их ус гоождог шиг зам заслаа ч машин нь нэмэгдээд л байх ажээ. Тиймээс шинэ төрлийн тээврийн хэрэгсэл буюу метро, BRT зэргийг нэвтрүүлэх, хүмүүс даарч хөрөхгүйгээр хүрэх газартаа хүрчихдэг болвол хүн бүр автомашин унахыг чухалчлахгүй болно гэдэгт итгэлтэй байгаагаа Ерөнхийлөгчид дуулгалаа. Мөн энэ зун хотынхоо төв талбайг угаасан, хотоо цэцгээр чимсэн гээд анх удаа гэх тодотголтой олон ажил хийснээ танилцуулж байлаа.

Ерөнхийлөгч энэ бүх танилцуулгыг сонссоны дараа бодит үр дүнг газар дээр нь шалгаад амжлаа. “Улаанбаатар хотын удирдлагуудын гаргасан шийдвэр 48 цагийн дотор  цахим хуудсанд тавигдаагүй бол хүчингүй болдог гэлээ. Хамгийн сүүлчийн шийдвэр, албан томилолтын мэдээллийг яг одоо харуулна уу” хэмээн хүссэн юм. Мэдээж шалгалтад бүдэрсэнгүй. Аравдугаар сарын 23-ны өдрийн захирамжийг харууллаа.

Уулзалтын төгсгөлд хотын дарга нар хөрөнгө оруулалтыг хасч танаж буй нь бүтээн байгуулалтыг сааруулж байгааг дуулгасан юм. Улаанбаатар хотыг 2020 он хүртэл хөгжүүлэх төлөвлөгөөнд 25,4 их наяд төгрөгийн бүтээн байгуулалтын ажил хийхээр төлөвлөжээ. Үүнийгээ долоон жилд хуваахаар жилд 2,8 их наяд төгрөг ноогдож байна. Гэтэл 2013 оны улсын төсөвт суулгасан хөрөнгө оруулалтыг төсвийн тодотгголоор хасах гэж байгаа нь  хэдийнээ  эхэлсэн бүтээн байгуулалтыг зогсоох аюултайг хэлж байлаа.

Уулзалтын төгсгөлд Ерөнхийлөгч Ц.Элбэгдорж  “Улсын хэмжээнд гадаадын хөрөнгө оруулалт тав дахин буурсан дүн гарсан. Энэ нь нийслэлд ч хүндээр тусч буй нь та бүхний ярианаас ил байна. Гэвч ганц улсын төсвийн хөрөнгөд найдаад гар харж суулгүй өөрсдөө хөрөнгө босгоход ч анхаарах хэрэгтэй. Хойшдоо подулизмаас шалтгаалсан буруу үйлдэл гараж улсаа хорлох байдлыг зогсоохгүй бол хөрөнгө оруулалт, бүтээн байгуулалтын тухай ярих ч хэрэггүй юм. Гэхдээ нийслэл бол бусад аймаг, сумдад хүртэл үлгэр болж байдаг. Та бүхний гаргасан санаачлага бүрийг аймаг, сумд хуулбарлан хэрэгжүүлдэг. Тиймээс хойшид хийх ажил үүрэг тун их бий. Нийслэлд шинэ хороолол, байшин барилга нэмэгдэж буй нь сайн хэрэг. Гэвч тэдгээрийг дагалдсан нийгмийн дэд бүтцийг байгуулахгүйгээр хот хөгжихгүй. Илүү эрч хүчтэй ажиллаарай” гэсэн үүргийг хотын удирлагуудад өглөө.

Д.ЦЭЭПИЛ




0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2013-10-24 180.235.176.145

Public policy social policy гээд шинжлэх ухаан болтлоо хөгжөөд зуун жил өнгөрч байна. Ашгүй нэг хот маань дүрэмтэй болох нь. Харин энэ чиглэлээр гадаадад сураад ирсэн байхад ажилд авдаггүй юм байна лээ дээ.

Avatar

ШУДАРГА АЖИЛЛААД БАЙ , АЖИЛЛААД БАЙ 2013-10-24 103.26.194.43

ИХ ХОТЫН ҮСТЭЙ , ҮСГҮЙ 2 МУУ ДАРГАДАА АМЖИЛТ , АЖАА АЖАА АМЖИЛТ , ХАЙРТАЙ ШҮҮ . ХОТЫН ХҮҮХНҮҮД ТА 2 ТОО , АМЖИЛТ.

Avatar

Нийслэл Улаанбаатар хотын уугуул иргэн. 2013-10-24 202.170.80.45

СОЁЛТОЙ ХОТЫН БОЛОВСОН ДҮРЭМд захирагдахад бэлэн байна! (Гагцхүү "шинээр дүрэм, журам гаргаж байна…" гээд элдэв янз бүрийн санаа оноо гаргаад тэрнийгээ ах, дүү, танил, тал, "намын нөхдөө дэмжсэн" явцуу өрөвдмөөр арга, заль хэрэглэхийг оролдвол НИЙСЛЭЛчүүд бид харах нүдгүй сохор биш, сэтгэх тархигүй хүмүүс биш дургүй хүрч, босон харайцгаана шүү. Гэвч тэгэхгүй байх гэдэгт найдаж байна!) Та бүхэнд амжилт хүсье!!!

Avatar

Зочин 2013-10-24 211.106.204.206

Ter morin huur tusuliig chini huvi hun uuruu hurungu bosgoj barina gesen yun hotiin tusuv ardiin namiinhan ingeed hutgan uimuuleh gej orolddog shuu

Avatar

Зочин 2013-10-24 182.160.7.30

Хойшдоо подулизмаас шалтгаалсан буруу үйлдэл гараж улсаа хорлох байдлыг зогсоохгүй бол хөрөнгө оруулалт, бүтээн байгуулалтын тухай ярих ч хэрэггүй юм.

Avatar

Зочин 2013-10-24 182.160.7.30

Хойшдоо подулизмаас шалтгаалсан буруу үйлдэл гараж улсаа хорлох байдлыг зогсоохгүй бол хөрөнгө оруулалт, бүтээн байгуулалтын тухай ярих ч хэрэггүй юм.. Bat-Uuld uuniig helj dee.

Avatar

Зочин 2013-10-24 103.26.194.24

Их дэлгүүр шинэчлэгдээгүй бхад хотын уугуул баруун шатаар өгсөж зүүн шатаар буух дүрэмийг мэддэг сурчихсан бол хөдөөнийхөн 2 шатаар дайраад бууж өгсдөг бсан юм Хотын дүрэм хэрэгтэй Дүрэмгүй болоод заваарч бгаа юм Амжилт хүсье

Avatar

Зочин 2013-10-24 112.72.13.146

Тэр морин хуур цогцолбор барихад гурван зуун сая доллар төсөвлөлөө гэсэн байх юм Арай үгүй байлгүй дээ Энэ чинь 2000 оны улсын төсөвтэй тэнцэх хэмжээний их хөрөнгө мөнгийг нэг жижиг байгууламж руу хаяж байгаа хэрэг биш үү? Түүнийг УБ-ын хөгжилтөнд оруулаач ээ

Avatar

Зочин 2013-10-24 195.112.127.212

UB-n hogjild oruulaad bgan bishuu! Huvaagaad ideed duusaj bsnaas ingeed buteen baiguulalt hiitsen ni hamaagui deer!

Avatar

зочин 2013-10-24 202.170.82.4

хогийн ногоон уут гэх мэт хэнд ч хэрэггуй зардал гаргахаа болиочээ

Avatar

Зочин 2013-10-24 103.26.194.90

Баримт.1 Чингисийн талбайн гэрэлтүүлгийг шинэчилэх 3 тэрбум төгрөгийг Сантино лайтинг компани хийж гүйцэтгэхээр шалгарсан ба компаний захирал нь олны танил дуучин люмино-ийн Бажи бөгөөд цаад эзэн нь Э.Бат-үүлийн хүү Б.Чулуудай гэж олон хүн мэдэж байгаа Б.Чулуудай нь Сонор рекордсийн захирал бөгөөд 2000 оноос хойш Люмино Татар зэрэг хамтлагуудыг продюсерлэж цомог гаргаж байсныг санаж байгаа байх Хотын даргыг сонгогдсоноос хойш энэ компани олон гэрэлтүүлгийн тендер авсан чанаргүй гүйцэтгэж байгаа тэр ч байтугай хурдны замын ажил авцан зам барина гээд явж байн лээ. Хотын иргэд хүүдээ тендер авч өгөөрэй гэж түүнийг дарга болгоогүй байлтай

Avatar

Irgen 2013-10-24 217.66.157.46

Amjilt husey. Garaa bal gaigui sain ehelsen. Ene ercheeree hotoo saihan bolgotsgooy amjilt husey Bat-Uul dargaa

Avatar

Зочин 2013-10-24 103.26.194.90

Баримт.1 Чингисийн талбайн гэрэлтүүлгийг шинэчилэх 3 тэрбум төгрөгийг Сантино лайтинг компани хийж гүйцэтгэхээр шалгарсан ба компаний захирал нь олны танил дуучин люмино-ийн Бажи бөгөөд цаад эзэн нь Э.Бат-үүлийн хүү Б.Чулуудай гэж олон хүн мэдэж байгаа Б.Чулуудай нь Сонор рекордсийн захирал бөгөөд 2000 оноос хойш Люмино Татар зэрэг хамтлагуудыг продюсерлэж цомог гаргаж байсныг санаж байгаа байх Хотын даргыг сонгогдсоноос хойш энэ компани олон гэрэлтүүлгийн тендер авсан чанаргүй гүйцэтгэж байгаа тэр ч байтугай хурдны замын ажил авцан зам барина гээд явж байн лээ. Хотын иргэд хүүдээ тендер авч өгөөрэй гэж түүнийг дарга болгоогүй байлтай

Avatar

Зочин 2013-10-24 182.160.44.169

хотод байшингуудын дунд завсар гарвал байшин бариад байгааг зогсоогооч.

Avatar

Зочин 2013-10-24 202.170.68.20

"Хүмүүс даарч хөрөхгүйгээр хүрэх газартаа хүрчихдэг болвол хүн" ГЭЭД БАЙГАА ЮМ БОЛ ДУГААРЫН ХЯЗГААРЛАЛТАА ЗОГСООГООЧ

Avatar

Зочин 2013-10-24 202.179.20.164

Та нар насаараа дарга явахгүй Та нарыг хүүхэд ч насаараа ээж аавын эрх ямбанд танил талаараа тарвалзаж явахгүй гэдгийг санаж байх хэрэгтэй Дүрэм журмаа өөрсдөдөө тохируулж биш энгийн иргэн хүнд зориулагдаж хийгддэг гэдгийг санаж байх хэрэгтэй шүү Биелэгдэхэд хэцүү ойлгомжгүй дүрэм журам эргээд авилгын эх уурхай болдог

Avatar

зочин 2013-10-24 49.0.138.99

Наад үг үсгийн алдаагаа засаач ээ.Арай дэндүү байна

Avatar

Зочин 2013-10-24 112.72.13.47

ajiliin amjilt husie..

Avatar

Зочин 2013-10-24 202.131.225.254

Ленин хөшөөг булгаж хаячихаад нэг цагаан оросын хөшөө босгох гээд гүйгээд байгаа гэж бичсэн байсан даа үнэн бол энэ тэгээд хэн болж байна

Avatar

Зочин 2013-10-24 124.158.74.2

Барон Унгерний хөшөө болж байна.

NewsMN Гар утасны хувилбар Татах
NEWS.mn

Мэдээллийн эх сурвалж