Орхон аймаг дахь гаалийн газрын хамт олон нь "Эрүүл гаальчин-эко аялал" сэдэвт аялалыг энэ сарын 5-нд зохион байгуулжээ.

Энэ жил Монголын гаалийн байгууллага үүсч хөгжсөний 101 жилийн ой тохиож байна. Энэхүү өдрийг жил бүрийн аравдугаар сарын 20-ны өдөр тэмдэглэн өнгөрүүлдэг.

"Эрүүл гаальчин-эко аялал" сэдэвт аялалыг ГУБ А.Дамдиндорж, ГУБ И.Хишигбаяр нар зохион байгууллаа. Эко аялалд нийт 13 гаалийн улсын байцаагч оролцож, 25 км газрыг явганаар аялаж, Орхон аймгийн түүх соёлын зүйлүүдтэй танилцсан сайхан аялал боллоо.

Эрүүл зөв зохистой амьдралын хэв маягын нэг болсон эко аялалыг дэмжигчид та бид бүгдээрээ нэгэн санаагаар байгаль орчноо хайрлаж гэмээнэ, та бидний өнөөдрийн болоод ирээдүйн үнэт байгаль жавхаажин цэцэглэх ажаамуй.