Хотдоо бэлэг зэхэх үү? | News.MN

Хотдоо бэлэг зэхэх үү?

Хуучирсан мэдээ: 2013.10.24-нд нийтлэгдсэн

Хотдоо бэлэг зэхэх үү?

Аравдугаар сарын 29. Энэ өдөр Улаанбаатар хотын төрсөн өдөр болно.

Өдөр бүр үй олон өнгийн амьдрал сүлэлдэж, заримдаа сэтгэл дүүргэж, заримдаа бухимдал төрүүлж байдаг хотын амьдрал буцалсаар л… Одоо ч гадаа түм түжигнэж, бум бужигнаж байна. Анзаарч байхад, манай хотынхон ихэнхдээ л ууртай, уцаартай, бухимдалтай.

Өглөө гэрээсээ гарахад үүдэнд хаясан хогноос эхлээд, замын түгжрэл, хальтиргаа гулгаа, автобус унаа, хоолны газрын үйлчилгээ, өдөр ирэх тусам нэмэгдэж байгаа үнийн дарамт, хог, утаа, эмх замбараагүй гудамж талбай, гэрэлтүүлэг, гэмт хэрэг, зөрчил…

Тийм ээ ҮНЭН. Энэ хотод амьдрахад стресстдэг нь үнэн. Эрүүл, аюулгүй орчинд, айдас хүйдэс, дарамтгүйгээр амьдрах хүсэлтэй нь ч үнэн. Өнөөдөр л гэхэд би өглөө зам дээр халтирч унахаа шахаж, ажилдаа ирэх гэж өчнөөн минут түгжирч, олон олон өдрүүдийг угтдаг нийтлэг шахам жишгээрээ өдрийг эхлүүллээ. Одоо дахиад ямар бухимдлууд угтах нь тодорхой. Хоол идэх газар, тэндхийн үйлчилгээ, үйлчилгээний “соёл”, үдээс хойш амжуулах ажлыг маань “уях” замын түгжрэл.  Төрийн байгууллагын хүнд суртал, эмнэлгүүдийн халамжгүй байдал, машины зогсоол, гарааш… Хамгийн гол нь цаанаа л нэг “аз жаргал”-гүй, амьдралыг үзэн ядсан юм шиг харагдах хүмүүсийн харц, хүмүүсийн харьцаа намайг инээмсэглэлээс татгалзуулахаар хүлээж байгаа.

Би эмнэлэг орохоосоо үнэн голоосоо айдаг. Бас Газрын алба, Иргэний бүртгэлийн очерт зогсох дургүй. Хамгийн их хүн үйлчлүүлдэг, олон хөлийн газар мөртлөө энэ байгууллагууд бусдын цаг завыг хэмнэх, шуурхайлах, байр саваа өргөтгөх тал дээр бараг дэвшил, өөрчлөлт хийдэггүй. Биш ээ, улсаас хийж өгдөггүй ч гэх ёстой юм уу. Ямар ч байсан хотын ихэнх хүмүүс энэ газруудаар орохдоо хамгийн их ядардаг. Ядахдаа “00” ч байхгүй шүү дээ.

Бас бид хотын өвлөөс айдаг. Утаанаас хүн бүхэн үхтлээ айж байна. Утааг яаж арилгах вэ… Ингээд л олон асуултууд толгой өвтгөдөг. Тэгээд бодохоор заримдаа хотод амьдрахаасаа залхдаг.  Өдөр бүр хамаг цаг хугацаагаа уур бухимдлаар дүүргэхээс тээршаадаг.

Гэхдээ… Гэхдээ л би Улаанбаатартаа хайртай. Улсынхаа нийслэлд амьдрах дуртай. Энэ хотыг бүтээсэн түүх, энэ хотын өөрийнх нь туулсан зам, үүрсэн ачаа өнөөдөр бидний эдэлж байгаа эрх чөлөө, амьсгалж байгаа агаар минь.

Энэ хотыг яг өнөөдөр хотод амьдарч байгаа мянга мянган хүмүүсийн эмээ өвөө, ээж аав нар бий болгосон. Энэ хотод аав, ээжийн минь амьдралын нандин дурсамж бий. Энэ хотод амьдралын минь хуудас бүхэн дурсамжаа тэрлэн, эргэж байна. Бид энд л амьдарч байна.

Хотыг, нийгмийг хүмүүс өөрсдөө л бүтээдэг. Хотын байшин, хотын гудамж, хотын аз жаргал, хотын уур бухимдлыг бид өөрсдөө л бий болгодог. Яагаад би гэрийнхээ гадаа халтирч унахгүйн тулд цас, мөсөө өөрөө цэвэрлэж болохгүй гэж. Яагаад бид байрныхаа жижүүр, гудамжны үйлчлэгчдэд тусалж болохгүй гэж. Ердөө хогоо хаяхгүй байхад л бид тэдэнд, бас хотдоо тусалж болно.

Нээрэн, яагаад бид хотоо хайрлаж болохгүй гэж. Хотдоо сайхан амьдарч болохгүй гэж. Яагаад бид хоорондоо хүндэтгэлтэй харьцаж, уургүй, уцааргүй, бухимдалгүй амьдарч болохгүй гэж. Яагаад рестораны зөөгч нар найрсаг харьцаа сурч болохгүй гэж. Яагаад жолооч жолоочоо хүндэтгэж болохгүй гэж. Яагаад, яагаад, яагаад…

Яагаад ч болохгүй юм гэж байхгүй. Хот маань хөгжиж байна. Нэг хүний санал, нэг хүний сэтгэлийн төлөө хот хөдөлж чаддаг болох гэж тэмцэж байна. Машин замаа өргөтгөж байна. Уулзвараа нэмж байна. Автобусны буудлаа засч байна. Барилга барьж байна. Хот тэлж байна. Гэхдээ эд бол улсын хийх ажил. Үүрэх хариуцлага. Харин хүмүүс бид, хотын иргэн бид Дэлхийн хамгийн сайхан хотод амьдрах мөрөөдөлдөө хүрэхийн тулд өөрийнхөө өдөр бүрийн нэг алхмаас том АЛХАМ-аа эхлэх ёстой.

Өчигдөр засаад өгсөн сандлыг нь өнөөдөр эвдчихдэг иргэнтэй хот хэзээ ч өөдлөхгүй ээ. Саяхны нэг орой харьж явтал замын хажуугийн гэрлийн шонг шинэчлээд, хажууханд л хогийн сав, цаахан нь намхан сандал суурилуулсан байв. Хоёр өдрийн дараа шонгийн гэрлийг хагалаад, сандлыг нь хугалаад хаячихсан байсан. Уг нь бол ийм зүйлээ эвдлэхгүй, ядаж нэг хүн хогоо хаядаггүй байхаас хотын соёл эхэлнэ. Ийм жижгээс, тийм энгийн зүйлээс Улаанбаатар маань зүс засч, хот маань өөрийн эрхгүй “инээмсэглэнэ”. 

Та хотдоо хайртай юу… Тийм бол төрсөн өдөрт нь бэлгээ зэхээрэй. Манай хот 364 нас хүрэх гэж байна.

Ирээдүйд хэний ч өмнө нүүр бардам гайхуулах, эргэн тойрон цэцэг навч, цэцэрлэгт хүрээлэнтэй, метротой, давхар замтай, иргэд нь уурладаггүй, машин нь түгжирдэггүй, үр хүүхдүүд маань айдасгүй, амар амгалан, аз жаргалтай амьдрах хот миний мөрөөдлийн хот. Хотоо тийм гоё болгож, хэзээ нэгэн цагт “төрсөн өдөр”-өөр нь бэлэглэмээр байна. Энэ миний хамгийн том мөрөөдөл.

Б.ИРМҮҮН

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

utaanbaatar 2013-10-24 103.26.194.119

hogon dalai utaanbaatar MANDTUGAI

Avatar

Өвгөн 2013-10-24 103.26.194.118

Нээрээ бид хэзээ нийгэмших юм болоо.Соц Н-ийн үед хүчээр жаахан нийгэмших төмөв орсон юм шүү. Ардчилал гараад дүрэмгүй төр нийгэм ёстой бурхангүй юу болсондоо. Өөрөөр хэлвэл нийгэм ардчилалыг хүний натур эрх чөлөө гэж ойлгосон.Төр ч мөн тэгэж номонсон.Ялангуяа сонгуулийн үеэр бүр төргүй тололцгоосон. Харина одооноос эрх зүйт төрт ёсыг ярьж эхэллээ. Энэ бага зүйл бишшүү.Ардчилсан төрт улс гэдэг өөрийн нийгэмийн харьцааг зохицуулсан хууль дүрэмтэй тэрнь олонхоороо хүлээн зөвшөөрөгдсөн учир турхайн нийгэмийн гищүүн л бол хэн гуй ч дагаж мөрдөх учиртай эс тэгвэл зохих шийтгэлийг хүлээнэ.Харина манайд ямар билээ.Үүнээс үүдээд бид ер нь нийслэл хотын стандарт дүрэм,хуультай болж түүнээ олонхоороо хэлэлцэж шийдэн дагаж мөрдөх ёстой. Энд нийтийн эзмшил газар талбайн тухай хуулийг ч бас гаргамаар. Тэгэхгүй бол дуртай нь эвдэж сүйтгэж /бүр ямарч зорилгогүй шүү/ дууслаа шүү.

Avatar

Зочин 2013-10-24 103.26.194.66

nuurs tuluhee boliyoo.

Avatar

!!!!!! 2013-10-24 202.21.118.98

Хөдөөнийхөөн хотын соёлд суралцацгаая, гарцаар гарцгаая, хог хаяхгүй байцгаая, шүлс нусаа татацгаая, боловсон байж Улаанбаатар хотыг маань хайралцгаая!!!!!!

Avatar

zochin 2013-10-24 182.160.39.154

Mongolchuudaa eh orniihoo buteen baiguulaltaa demjij soeltoi bolovson amidartsgaaya. Huuhduudee eh ornoo hairlaj surga bur bagaas ni … gudamjind baigaa uvs nogoo sambar buh ymiig uuriin ym shig hairlaj surga. Uursduu ch bas sain ulger duurail uzuul tegj baij bid saihan mongol orondoo stressgui saihan taivan alhah bishuu????

Avatar

zochin 2013-10-24 182.160.39.154

Mongolchuudaa eh orniihoo buteen baiguulaltaa demjij soeltoi bolovson amidartsgaaya. Huuhduudee eh ornoo hairlaj surga bur bagaas ni … gudamjind baigaa uvs nogoo sambar buh ymiig uuriin ym shig hairlaj surga. Uursduu ch bas sain ulger duurail uzuul tegj baij bid saihan mongol orondoo stressgui saihan taivan alhah bishuu????

Avatar

Зочин 2013-10-24 202.170.65.137

Vnen zuil bichjee, Mongolchuudiin bi l bolj baival busad n hamaagvi gedeg muuhai amia hicheesen zan n hotig bg orchnig n muuhai bolgoj bna. Yaagaad zvgeer l hogoo hayahaa shulsee hayahaa bolichoj bolohgvi gej???? Gertee hen ch hog hayahgvi hogin savand hiine sh dee, tegvel uuriinhuu hotig geree geed l bodchih, zaluuchuud n uhamsartai bolmoor bna yadaj avtobusand hugshin jiremsen hvnd suudal taviad ugchih naad zahin uhamsartai bolmoor bna tegvel baga ch geltgvi hvmvvst saihan setgegdel turuulnu

Avatar

Irgen 2013-10-24 202.131.226.98

Bitii uls turjuud bai manaihaan. Hen ch garsan yumaa hiij l baig, harin ch ene nam garaad hotod ih zuil uurchlugduj baigaa

Avatar

aa 2013-10-24 202.179.14.33

AAAA

Avatar

Уншигч 2013-10-24 202.131.228.234

Улаанбаатар хот 200 гаруй жилийн өмнө байгуулагдсан гэсэн. Одоо бол Улаанбаатар хотыг Н.Алтанхуяг байгуулсан болж тараад байна. Бүтээн байгуулалт гэдэг нь худлаа ярих урлаг бололтой.

Avatar

Зочин 2013-10-24 49.0.159.253

Утаа л байна түүгээрээ бэлэг барилтай биш тэр өдөр нь нүүрс түлж машин барихаа больцгооё

Avatar

Зочин 2013-10-24 124.158.124.156

нүүрс түлэхгүй тэгээд юугаа түлэх вэ? Санаачлага гаргаснаараа чи тогоор халааж, мөнгийг нь даах юм уу?

NewsMN Гар утасны хувилбар Татах
NEWS.mn

Мэдээллийн эх сурвалж