Сайд Л.Болд Туркийн элчин сайдыг хүлээн авч уулзлаа | News.MN

Сайд Л.Болд Туркийн элчин сайдыг хүлээн авч уулзлаа

Хуучирсан мэдээ: 2013.10.23-нд нийтлэгдсэн

Сайд Л.Болд Туркийн элчин сайдыг хүлээн авч уулзлаа

Гадаад харилцааны сайд Л.Болд Бүгд Найрамдах Түрк Улсаас Монгол Улсад суугаа Онц бөгөөд Бүрэн эрхт Элчин сайд Мустафа Сарнычийг эх орондоо бүр мөсөн буцаж байгаатай холбогдуулан энэ сарын 23-нд хүлээн авч уулзлаа.

Уулзалтын үеэр сайд Л.Болд түүх, соёлын уламжлалт харилцаатай Бүгд Найрамдах Түрк Улстай харилцаа, хамтын ажиллагаа улс төр, батлан хамгаалах, худалдаа, эдийн засаг, соёл, боловсрол, шинжлэх ухааны салбарт идэвхтэй хөгжиж байгааг дурдаж Элчин сайд М.Сарныч Монгол Улсад томилогдон ажилласан хугацаанд УИХ-ын дарга З.Энхболд Бүгд Найрамдах Түрк Улсад албан ёсны айлчлал хийсэн, Бүгд Найрамдах Түрк Улсын Ерөнхий сайд Р.Т.Эрдоан Монгол Улсад албан ёсны айлчлал тус тус хийсэн зэрэг олон чухал үйл явдлууд өрнөснийг цохон тэмдэглэв.

Сайд Л.Болд Монгол Улс Түрк Улстай барилга, хот байгуулалт, зам, гүүр барих болон арьс шир боловсруулах технологийг нутагшуулах, Хархорины онгоцны буудлыг түркийн талтай хамтран шинээр барьж, байгуулах чиглэлээр хамтран ажиллаж байгааг дурдаж Элчин сайд Мустафа Сарнычын эдгээр ажилд оруулж буй хувь нэмрийг үнэлж, түүний цаашдын ажилд нь амжилт хүсэн “Алтан гэрэгэ” дурсгалаа.

А.АМАР

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2013-10-23 80.171.189.4

turk brunei geh met laliin shashintai ornuud tai visagui 30-iin tohirootsoo hiihee bolyo. manaihan tiishee yavah bish nogooduul n orood irne.

Avatar

MONGOLIIN AZGUI irgen 2013-10-23 103.26.194.140

Yagaad dandaa darga nar visa-gui zorchij engiin MONGOL irged visa-tai zorchih yostoi um ve? Ta yu gej bodoj bna ve?? Yagaad erkh tesh erkhtei baidaggui tenger gazar shig yalgaatai huuli uilchilj bnaa?? Mongold hun bolj tursun n buruutai bas azgui l um bna daa?? Irgenee yalgaj uzdeg tur zasag ??? MUU bainaaaaa.???? SUULIIN ued bodoj baina!! Oor ulsad tursun bol aztai bainaa!! BI oor ulsiin irgen bolohiig mash ih huch bna! Yostoi uramgui muu uls bnaa!!

NewsMN Гар утасны хувилбар Татах
NEWS.mn

Мэдээллийн эх сурвалж