Гадаад харилцааны сайд Л.Болдын урилгаар Францын Гадаад хэргийн сайд Лоран Фабиус энэ сарын сүүлээр Монгол Улсад албан ёсны айлчлал хийхээр болжээ. Айлчлал  аравдугаар сарын 25, 26-нд үргэлжлэх бөгөөд энэ үеэр Францын Гадаад хэргийн сайд Монгол Улсын Ерөнхийлөгч Ц.Элбэгдорж, Ерөнхий сайд Н.Алтанхуяг нарт бараалхаж, Гадаад харилцааны сайд Л.Болдтой албан ёсны хэлэлцээ хийх гэнэ.

Монгол, Франц хоёр улс 1965 онд дипломат харилцаа тогтоосноос хойш анх удаа тус улсын Гадаад хэргийн сайд Монголд айлчлахаар болсон нь энэ ажээ.