350 га-д заг тарьжээ | News.MN

Хуучирсан мэдээ: 2013.10.22-нд нийтлэгдсэн

Байгаль орчин, ногоон хөгжлийн дэд сайд Б.Тулга Өмнөговь аймагт ажиллаж, “Ногоон хэрэм” төслийн хэрэгжилтийг шалгаад иржээ. Төслийн багийнхан өмнийн говьд 350 га-д заг тарьжээ. Энэ нь мэдээж, цөлжилтийг сааруулах зорилготой. БНСУ-ын Засгийн газрын дэмжлэгтэйгээр “Ногоон хэрэм” төслийг 2007 онд эхлүүлж, 10 жилийн хугацаанд 3000 га талбай ойжуулахаар төлөвлөн ажиллаж байгаа ажээ. Одоогийн байдлаар “Ногоон хэрэм” төслийнхөн Өмнөговь аймгийн Даланзадгад сумаас 100 гаруй километрийн зайд орших Булган сумын “Баянзаг” гэдэг газарт цөлжилт сааруулахаар 50, 100, 200 га газарт заг суулгасан байна.  Эхний  50 га газрыг  2011 онд ойжуулсан бол 100-г нь өнгөрсөн онд,  200-г нь энэ онд суулгажээ. 2011 онд тарьсан заг өдгөө хоёр метр өндөр  болтлоо ургасан байна.

“Ногоон хэрэм” төслийн Өмнөговь аймаг дахь менежер Ч.Одсүрэн “2012 онд загаа үрээр тарьсан. 100 га газарт хэдэн сая заг тарьж таарна. Гэтэл үрээр тарьсан заг маань ургац муутай юм байна. Тарьсан үрийн маань тал хувь нь хорогдсон. Тийм учраас энэ жилээс эхлэн бортоготой тарьж эхэллээ. Бортоготой тарихад хэд, хэдэн онцлогтой. Нэгдүгээрт, услалт бага шаардана. Хоёрдугаарт, хоргодох магадлал тун ховор. Өмнө нь үрээр тарьчихаад долоо хоногтоо 2-3 удаа услах хэрэг гардаг байсан. Говь гэдэг утгаараа услалтад маш их хөрөнгө шаарддаг учраас үрээр тарих нь ашиггүй юм байна” хэмээн өгүүлж байна. Харин “Ногоон хэрэм” төслийн ерөнхий зохицуулагч Чой СҮ Чон “Мод тарихад хамгийн чухал зүйл нь ус юм. Усыг ариг гамтай хэрэглэж, аль болох бага усаар модоо түргэн ургуулах янз бүрийн арга туршиж үзлээ. Усалгааны систем чухал ач холбогдолтой юм. Одоогоор бид дуслын усалгааны систем туршиж байгаагаас гадна модыг дөрөв болон долоо хоногт нэг удаа услах, мөн гүний дуслын системийг туршиж байна. Говьд газрын гүний болон гадаргын усны нөөцөө олоход их хэцүү. Хэрвээ олж чадвал ямар ч газар мод тарих боломжтой” гэж байлаа.

Заг бол зөвхөн Төв Азийн говь нутагт ургадаг илчлэг сайтай, эрчилсэн урт үндэстэй, олон зуун жилээр насалдгаараа онцлог мод юм байна.  100 кг заг 80 кг чулуун нүүрстэй тэнцүү хэмжээний илчлэг ялгаруулдаг учраас говийнхон “ургаа нүүрс” гэж нэрлэдэг.

Д.ЦЭЭНЭ

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2013-10-22 110.34.4.242

ene ichij uhdeggui said darga naruud hunii gazraas hiilgej baigaa yumiig shalgaj uzeed baihdaa yahav dee. Oorsdiinh ni sanaachilj ireeduid eeltei yum hiij baigaa zuiliig harah yumsan. Gadnaas orj irj baigaa sain sanaanii zuiliig tedneer damjuulbal zugeer ooriin business bolgood ideed uugaad bayajaad, mongol jiriin irgedee door uzej doromjilj yavdag manai uls tor shig gazar haana ch baihgui dee icheesei bilee

Avatar

zochin 2013-10-22 110.34.4.242

ene ichij uhdeggui said darga naruud hunii gazraas hiilgej baigaa yumiig shalgaj uzeed baihdaa yahav dee. Oorsdiinh ni sanaachilj ireeduid eeltei yum hiij baigaa zuiliig harah yumsan. Gadnaas orj irj baigaa sain sanaanii zuiliig tedneer damjuulbal zugeer ooriin business bolgood ideed uugaad bayajaad, mongol jiriin irgedee door uzej doromjilj yavdag manai uls tor shig gazar haana ch baihgui dee icheesei bilee

Avatar

zochin 2013-10-22 103.26.194.17

Энэ Одсүрэн гэдэг хүний Өмнөговь аймгийн төвд бий болгосон мод үржүүлгийн газрыг очиж үзэж байлаа. Үнэхээр бахархмаар юм хийсэн байна лээ. Говьд тэр олон модыг ургуулна гэдэг амар ажил биш. Сэтгэл, зүтгэл байвал хаана ч, юуг ч бүтээж болдгийг харсан. Гэтэл манай хотынхон жил бүр хэдэн мянган мод тариад л байдаг, хэд нь ургаж байгааг тооцдог хүн байдаггүй. Олон мянган мод тарилаа гэж өөрсдийгөө дөвийлгөдөг дарга нар хэдийг нь ургуулснаа ер ярихгүй юм даа. Одоо мод тарих биш ургуулах хөдөлгөөн өрнүүлбэл яасан юм бэ Эрхэм Ерөнхийлөгчөө……..

Avatar

Зочин 2013-10-22 202.131.225.197

Tiim ee. tarisan modoo odoo archillaj hamgaaj urguulah n iluu ur duntei. Tegehgui bol zugeer suulgats zardag business bolood baina. Mod tarina geed boon boonoor zardag ergeed urgasan n tsoohon. oiroltsoogoor 30-40% n urgaj baih shig baina lee.

Avatar

Зочин 2013-10-22 202.179.14.224

holboo barih heregtei bn holboo barih argiig zaaj uguuch

Avatar

çî÷èí 2013-10-22 103.26.194.78

Óðüä íü çàã óðãàæ áàéñàí,õºðñíèé ã¿íèé óñòàé ãàçàð òàðüâàë ¿ð ä¿í ãààõ áàéõ.Òýðíýýñ áèø ýëáýãäîðæ øèã õýäýí ìÿíãàí æèëä ìîä óðãàæ áàéãààã¿é Õ¿é äîëîîí õóäàãò ìîä àâàà÷æ òàðü÷èõààä Íîãîîí õýðýì áàéãóóë÷èõëàà ãýæ ñîëèîðâîë æèíõýíý ñîëèîðîë áîëíî ø¿¿.

NewsMN Гар утасны хувилбар Татах
NEWS.mn

Мэдээллийн эх сурвалж