Цаг агаарын саатлаас бол МИАТ-ийн нислэгүүд өчигдөр хойшлогдсон. Тэгвэл өнөөдөр мөн зарим нислэгүүдээ 17.00 цаг хүртэл хойшлуулаад байгаа юм байна. Хэрэв 17.00 цаг хүртэл цаг агаарын байдал сайжрахгүй бол нислэгийн хуваарийг дахин өөрчлөх гэнэ.

Ус цаг уурын хүрээлэнгээс өнөө шөнө мөн л хүчтэй цасан шуурга болохыг анхааруулсаар байгаа юм. Тодруулбал, Төв, Хэнтий, Дундговь, Өмнөговь, Говьсүмбэр, Дорноговийн нутгаар салхи секундэд 16-18 метр хүрч хүчтэй цасан шуурга болно. Маргааш Хэнтийн нутаг, Сүхбаатарын баруун, Дорноговийн хойд хэсгээр цасаар шуурах аж.