Байгуулагдаад удаагүй байгаа Монголын эмэгтэйчүүдийн сагсан бөмбөгийн холбооноос цомын аварга шалгаруулах анхдугаар тэмцээнийг зохион байгуулахаар болжээ. Монголд эмэгтэйчүүдийн сагсан бөмбөгийг хөгжүүлэх, туршлага солилцож, ур чадварыг нэмэгдүүлэх, шилдэг, шинэ, залуу тамирчдыг нээх зорилготой тус тэмцээн аравдугаар сарын 28-наас арваннэгдүгээр сарын 3-нд Спортын төв ордонд болох аж. Тус тэмцээнд оролцох багууд Спрайт лигийн дүрмийн дагуу эхний хоёр үед тав, таваараа солигдон тоглох бөгөөд нэг баг 15 тамирчны бүрэлдэхүүнтэй байх юм. Тэмцээний Техникийн зөвлөгөөн аравдугаар сарын 23-ны 18.00 цагт болох гэнэ.

Дашрамд, дээрх тэмцээний үеэр Монголын эмэгтэйчүүдийн сагсан бөмбөгийн холбооны анхдугаар хурал болж, холбооны бүтэц бүрэлдэхүүнийг сонгон батлах юм байна.