Ж.Энхбаяр гишүүн Должин эмээд санаа зовинов

Хуучирсан мэдээ: 2013.10.21-нд нийтлэгдсэн

Ж.Энхбаяр гишүүн Должин эмээд санаа зовинов

Сүүлийн үед Ерөнхий сайд Н.Алтанхуяг микро асуудал ярьдаг гэх шүүмжлэлд өртөөд байгаа. Тэрээр өнгөрөгч долоо хоногт  болсон чуулганы нэгдсэн хуралдаанд Засгийн газар, Монголбанктай хамтран хэрэгжүүлсэн Үнэ тогтворжуулах хөтөлбөрийн үр дүнгийн талаар  танилцуулсан юм. Харин энэ үеэр цөөнхийн гишүүд болох МАН-ынхнаас Долоон буудлын Должин эмээгийн граммаар авдаг ургамлын тос, гурил, будаа, талхны үнэ хэрхэн нэмэгдсэнийг Ерөнхий сайдаас асуусан юм. УИХ-ын гишүүн Ж.Энхбаяр гэхэд л “Ерөнхий сайд таны ярих дуртай микро сэдэв рүү оръё. Долоон буудлын Должин эмээгийнд амьдрал ямар байгааг очоод харчих” гэж зандарна лээ.

Ямартаа  ч бодит амьдралаас хол тасархай, ард иргэдийнхээ амьдралыг  мэддэггүй гэх шүүмжлэлд  өртдөг УИХ-ын  гишүүд Долоон буудлын Должин эмээгийн  амьдралд “санаа тавьж” суудаг болсон нь харин сайн хэрэг шүү. 

С.ШАРХҮҮ
NewsMN Гар утасны хувилбар Татах
NEWS.mn

Мэдээллийн эх сурвалж