Санхүү, эдийн засгийн дээд сургууль /СЭЗДС/-ийн Төлөөлөн удирдах зөвлөл өнөөдөр хуралдаж, сургуулийн гүйцэтгэх захирлыг чөлөөлөх, томилох асуудлыг хэлэлцэн шийдвэрлэлээ. Төлөөлөн удирдах зөвлөлийн хурлаар өнгөрөгч есдүгээр сарын эхээр амралтын газрын ажилчдад согтуугаар хутга барин дайрч, “Би та нар руу харин ч үнэтэй хутга шидэж байна шүү” хэмээн танхайрсан тус сургуулийн гүйцэтгэх захирал Д.Батжаргалын талаар хэлэлцэж, түүнийг ажлаас нь чөлөөлөхөөр болсон байна. Ингээд түүний оронд Шинжлэх ухааны доктор, Гавьяат Эдийн засагч Ц.Даваадоржийг томилжээ.