Эрүүл, аюулгүй орчин бүрдүүлсэн дүүргийг шалгаруулна | News.MN

Эрүүл, аюулгүй орчин бүрдүүлсэн дүүргийг шалгаруулна

Хуучирсан мэдээ: 2013.10.21-нд нийтлэгдсэн

Эрүүл, аюулгүй орчин бүрдүүлсэн дүүргийг шалгаруулна

Эрүүл, аюулгүй орчин бүрдүүлсэн дүүрэг, хорооны засаг дарга нарыг урамшуулна

Нийслэлийн өдрийг жилийн ажлаа дүгнэж, алдаа оноогоо хэлэлцдэг өдөр болгон тэмдэглэж байхаар нийслэлийн Удирдлагын зөвлөлийн хуралдаанаас шийдвэрлэсэн.

Ой тэмдэглэх ажлын хүрээнд Нийслэлийн Засаг даргын үйл ажиллагааны хөтөлбөр, эдийн засаг, нийгмийн зорилтыг хэрэгжүүлэхэд манлайлан оролцож, үүрэг даалгаврыг амжилттай биелүүлсэн, тогтвортой, үр дүнтэй үйл ажиллагаагаар байгууллагыг хангасан, эрхэлсэн ажилдаа амжилт гаргасан нийслэлийн нутгийн захиргааны байгууллага,  харьяа газрын удирдах ажилтан, албан хаагчдын ажлын үр дүнг үнэлж, урамшуулах журмыг баталлаа.

Урамшуулал олгохдоо мэдээллийн ил тод байдлыг хангасан эсэх, эрүүл аюулгүй байдлын суурь үзүүлэлтийг бүрдүүлсэн эсэх, тухайн жилийн зорилтыг хэрэгжүүлэхэд шинэ санаа санаачилга гаргасан эсэхийг үндэслэн шалгаруулах бөгөөд иргэд, хэрэглэгчдээс өгсөн үнэлгээ бас нэг үзүүлэлт болох юм. Нийслэлийн Засаг даргын Тамгын газрын www.ulaanbaatar.mn албан ёсны цахим хуудсаар дамжуулан нийслэлийн нутгийн захиргааны байгууллага, харьяа газрын удирдах ажилтан, албан хаагчдын үйл ажиллагааны үр дүнг үнэлэх санал асуулгыг авч эхэллээ.

Төрийн үйлчилгээг хувийн хэвшлийн үйлчилгээтэй өрсөлдөхүйц хэмжээнд хүргэхэд энэхүү урамшуулал томоохон дэмжлэг болно гэдгийг нийслэлийн удирдлагууд онцолж байгаа юм гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2013-10-21 202.179.20.146

Гүй ээ яахав дээ. Гэр хороололд очоод уулын орой дээр камертай суугаад хаана хэнийх их утаа гаргаж байна гэдгийг мэдээд очиж уулзаад утааг нь багасгах зуух муух юу байдгийн хамтарч ажиллаад утаагүй болмоор байна даа. Утаагаа нуух аргагүй ил тод зүйл шүү дээ. анхааралдаа аваад засч залруулж болмоор санагдах юм.

Avatar

Заяа 2013-10-21 180.149.80.121

Алслагдсан дүүргүүдийнхээ гэр хорлллолыг явж үзмээр юмаа. Гаднаа л гяланцаг харагдахаас өөрчлөлт байхгүй, болохчгүй биз… Ажил хийсэн нэр зүүгээд явж байгаа хүмүүсээ жинхэнэ сэтгэлээсээ ажилаа хийл дээ! Улс хөгжихгүй биш өөрсдөө хичээе л дээ…

Avatar

Гангаа 2013-10-21 202.126.89.172

Тийм шалгаруулалт явуулах хэрэггүй ээ. Утаагүй, тоос шороогүй, замын түгжрэлгүй, хоггүй, онгорхой траншейгүй дүүрэг байхгүй ээ.

NewsMN Гар утасны хувилбар Татах
NEWS.mn

Мэдээллийн эх сурвалж