Төр, хувийн хэвшлийн байгууллага, гадаад, дотоодын хөрөнгө оруулагчдын хамтын ажиллагааг хөгжүүлэх, тэдэнд барилгын салбарын бодлогыг танилцуулах зорилготой “Construction Mongolia-2013”олон улсын хурал Төрийн ордонд хоёр дахь өдрөө үргэлжилж байна. Өнөөдөр өндөрлөх уг хурлаар барилгын салбар дахь гадаадын хөрөнгө оруулалт, хот дахин төлөвлөлт, орон сууцны барилга байгууламжийн хөрөнгө оруулалтын бодлого, өндөр барилгын олон улсын чиг хандлага, үнэ тогтворжуулах бодлого зэрэг асуудлыг хөндөн ярилцаж байна. Олон удсын хуралд гадаад, дотоодын хөрөнгө оруулагчид, төслийн баг, банк санхүүгийн байгууллагууд, ЭСЯ-даас төлөөлөл оролцож байна.

Барилгын салбарын хувьд тулгамдаж байгаа гол зүйл нь боловсон хүчин, дэд бүтийн асуудал. Гэвч энэ салбарт хийгдэж байгаа хөрөнгө оруулалт 2,5 дахин нэмэгдсэн нь гадаад дотоодын хөрөнгө оруулагчид энэ салбарыг сонирхож байгаагийн нэг илрэл, цаашид ч энэ салбарт хийгдэх хөрөнгө оруулалтын хэмжээ нэмэгдэнэ. Тиймээс монголчууд өөрсдөө боловсон хүчин, дэд бүтцийнхээ асуудлыг яаравчлан шийдэх хэрэгтэй гэдгийг салбарын мэргэжилтнүүд ярьж байна. Сүүлийн нэг жилүүдэд барилгын салбарт 15 мянган ажлын байр шинээр бий болжээ.

“Констракшн Монголиа” олон улсын хурлын үеэр “Буянт ухаа” цогцолборт барилгын үйлдвэрлэгчдийн үзэсгэлэн яармагийг зохион байгуулж байна.