Монгол малыг мэргэжлийн төвшинд үржүүлнэ | News.MN

Монгол малыг мэргэжлийн төвшинд үржүүлнэ

Хуучирсан мэдээ: 2013.10.17-нд нийтлэгдсэн

Монгол малыг мэргэжлийн төвшинд үржүүлнэ

Монголчууд 40 гаруй сая малтай бөгөөд сүргийн бүтцийг тэнцвэржүүлэх, эрчимжүүлсэн мал аж ахуй, үржүүлгийн ажлыг сайтар хөгжүүлэх шаардлага тулгарч буй.

Сүүлийн 20 жилд нутгийн шилмэл үүлдэр, омгийн хонины ноосны гарц, стандартад заасан хэмжээнээс 210 граммаар буурсан дүн гарчээ. Тиймээс Засгийн газраас малын чанарыг сайжруулахад анхаарч, зургаан аймагт мал үржүүлгийн төслийг хэрэгжүүлэх болсон байна. Тодруулбал, Монголын мал зүйч, үржүүлэгчдийн холбооноос Үйлдвэр, хөдөө аж ахуйн яамтай хамтран “Мал үржлийн ажил, үйлчилгээний мэргэжлийн нэгжийг чадавхижуулах, шинээр бий болгоход дэмжлэг үзүүлэх” төслийг тавдугаар сараас хэрэгжүүлж эхэлжээ. Төслийн үр дүнг өнөөдөр хэлэлцсэн бөгөөд энэ нь цаг үеийн шаардлагыг мэдэрсэн чухал ажил болж чадсан талаар албаныхан онцолсон юм.

Энэ талаар Монгол Улсын Ерөнхийлөгчийн зөвлөх, Монголын мал зүйч, үржүүлэгчдийн холбооны тэргүүн Л.Эрхэмбаяраас тодрууллаа.

-Мал үржүүлгийг чанаржуулах энэ төслийг хэрхэн хэрэгжүүлж байгаа вэ?

-1990-ээд оноос хойш анх удаа Шинэчлэлийн Засгийн газар монгол малынхаа чанарыг сайжруулах асуудлаар мэргэжлийн байгууллагууддаа захиалга өгч, малын үүлдэр, угсаа, чанар, хээлтүүлэгч малыг мэргэжлийн дагуу сонгон шалгаруулах ажлыг хийж эхэлсэн нь онцлог юм. Энэ удаагийн ажил нь шилмэл малтайАрхангай, Баянхонгор, Булган, Төв, Дорнод, Сүхбаатар гээдзургаан аймгийн сумдад хэрэгжиж байна. Тухайлбал, Сүхбаатар аймгийн Эрдэнэцагаан суманд байдаг Монголын хамгийн хүнд амьдын жинтэй Үзэмчин хонь, Төв аймгийн Баянцагаан сумын илүү нугаламт хонь,  Дорнод аймгийн Хөлөнбуйр сумын Бараг хонь, Архангай аймгийн Хотонт сумын илүү нугаламт хонь, Баянхонгор аймгийн Шинэ жинст сумын цагаан ямаа, Сэлэнгэ үүлдрийн үхэр дээр үржлийн ажил явагдаж байна. Энд үржүүлж байгаа мал нь Монгол Улсын малын хамгийн сайн генефондтой гэж ойлгож болно. Тэгэхээр генефондоо хамгаалж байж /айргаар бол хөрөнгөө сайн исгэж байж/ цаашдаа олон аймгийг хамрах юм. Өөрөөр хэлбэл, малынхаа чанарыг улам сайжруулж байж бусад малынхаа үржүүлгэд ашиглах асуудал энэ жилээс зохион байгуулалттайгаар хэрэгжиж эхэллээ.

-Хэрэгжүүлж эхэлснээс хойш гарсан төслийн бодит үр дүнг танилцуулаач?

-Дээрх аймгийн зарим сумдад үржүүлдэг Үзэмчин, Барга үүлдэр, илүү нугаламт хонь, Залаа жинстийн цагаан омгийн ямаа, Сэлэнгэ үүлдрийн үхрийн өсвөр хээлтүүлэгчийг сонгон авч, өсгөн бойжуулж байгаа. Тодруулбал, тавдугаар сараас хойш төсөл хэрэгжүүлэх хугацаанд Үзэмчин үүлдрийн 160 хурган хуц, Барга үүлдрийн 45 хурган хуц, 85 үржлийн охин хурга, Баянцагаан удмын 140 гаруй хурган хуц, Залаа Жинстийн цагаан омгийн 310 ухна шиг, Сэлэнгэ үүлдрийн 73 бухан тугал сонгон, үржлийн номерь зүүж, бүртгэлжүүлсэн. Мөн өсвөр хээлтүүлэгчийг өвөлжүүлэх нутгийг сонгож, хашаа, уст цэг, хадлан тэжээлийг орон нутгийн байгууллагуудтай хамтарч шийдсэн.

-Энэ ажилд төрөөс хэрхэн дэмжлэг үзүүлсэн бэ?

-Засгийн газраас энэ ажилд зориулж 300 сая төгрөгийн эх үүсвэрийг шийдэж өгсөн. Үүгээр нэлээд олон тооны хуц ухна худалдаж авах, шилэх, сонголт хийх, үржлийн ажил явуулах зэрэг бүх ажиллагаанд зарцуулж байна. 

-Цаашдаа  мал үржүүлгийг чанаржуулах төслийг хэрхэн үргэлжлүүлэх вэ?

-Эхний ээлжинд ямартай чЗасгийн газраасмэргэжлийн холбоодтойгоо хамтарч хээлтүүлэгч малыг сонгон шалгаруулж, үүлдэр угсааг чанаржуулах ажил хийж эхлүүллээ. Цаашдаа бид мэргэжлийн талаас нь аймаг, орон нутагт заавар, чиглэл өгөх байдлаар ажиллаж, үндсэндээ аймгууд өөрсдөө энэ ажлаа гардан хийх юм.

У.БОЛОР

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

абгай 2013-10-17 124.158.95.8

үнэхээр хийх ажил их байна зохион байгуулалт удирдлагын арга барил өөрчлөх хэрэгтэй цаг хугацаа хүлээхгүй шүү

Avatar

Зочин 2013-10-17 202.21.113.202

Гадаадын өндөр хөгжилтэй орнуудаас хандив тусламж аваад малын чанараа нэн түрүүнд сайжруулах шаардлагатай байгаа газраа бух, *****, ухна бойжуулах зээл өгч болдоггүй юмуу, манай холбоонд хэлний өндөр чадвартай мал зүйч нар зөндөө байгаа байхаа, АНУ-д фермерүүдийг дэмжих дэмжлэг гэж 1 фермерт 10000$-ын тэтгэлэг өгдөг юм байна, гадаад харилцаагаа хөгжүүлээд тийм мэтийн тэтгэлэг ол гэж хэлтэй, устай зоо нартаа хэлээч………………………….

Avatar

Зочин 2013-10-17 202.21.113.202

Мал эмнэлгийн холбооноос туршлага судалж болдоггүй юмуу, малын эмч нар үнэхээр сайн ажиллаж байгааг харж байгаа биз дээ, бүх мал зүйч нараасаа хандив аваад сайн ажиллах хэрэгтэй. Бүх зүйл мөнгөн дээр тогтдог, хандив авч ажиллана гээд байсан яасан бэ, 2012 оны 9 сараас хойш дахин 1 жил өнгөрлөө, Мал зүйч үржүүлэгчдийн холбоог сайн ажиллахыг харсаар байтал нас өндөр болсон мал зүйч нарын чинь нас нь гүйцэхгүйнэ бололтой……………………

Avatar

Ахмад мал зүйч нар 2013-10-17 202.21.113.202

Малын удмын сангийн үндэсний төв гэдэг байгууллага дээр үед их сайн ажиллаж байсан. Бүх саалийн аж ахуйнуудыг үрээр хангаж байсан гэдгийг та бүхэн мэднэ. Гэтэл одоо зохиомол хээлтүүлэг зогслоо. Зохиомол хээлтүүлгээс ухрана гэдэг бол малын чанар сайжруулах асуудлын нэг тал унтарч байгаа гэсэн үг, тийм болохоор энэ мэргэжлийн бус даргадаа хэлж зохиомол хээлтүүлэг хийх ажлыг шинэ шатанд гаргах хэрэгтэй байна Эрхэмбаяр даргаа.Энэ том байгууллагыг унтрааж болохгүй шүү

Avatar

Эрдэнээ 2013-10-17 202.21.113.202

Нээрээ энэ холбоо юу ч хийхгүй байгаа шүү гэдгийг Эрхэмбаяр даргад хэлмээр байна. Тухайлбал Төв аймгийн Мал үржлийн албаны дарга гэж нэг нөхөр юун үржлийн албаны дарга хийх манатай, мэдлэг, чадваргүй нөхөр байдаг, ийм мэтийн хүмүүс үржлийн албыг унагаж байна даа. Баянцагаан хонин дээр үржлийн ажил хийвэл үнэхээр сайн байна, даанч Эрдэнэбаатар мэтийн даргатай байхад энэ аймаг өөд гарахгүй дээ харамсалтай нь, социализмын үед Баянцагаан хонин дээр яг үржлийн ажил хийгдэж байсан юмсан, үүнийг л хийх хэрэгтэй дээ, Төв аймгийн мал үржлийн албаны даргыг зоригтой өөрчилж залуу хүн тавих хэрэгтэй дээ

Avatar

Зочин 2013-10-17 203.91.119.99

Мал үржүүлэгчдийн холбоо маш муу ажиллаж байгаа. Тэр 300 сая төгрөг салхинд хийсээд дууссан. Уг ажлыг хэрэгжүүлж буй хүмүүс нь мэргэжлийн хувьд нэн ядмаг, нэгийгээ дэмжиж томилолтын хэдэн төгрөг өгч, авч буй хүмүүс. Харин Мал эмнэлгийн холбоо яаж менежменттэй, олон улсын түвшинд хүрч ажиллаж байгааг хараарай. Сая мал зүйчдийн холбооныхоны гаргасан "Зоотехникч, малзүйч" гэдэг номыг нэг сөхөөд үзээрэй. Тийм ном байдаг юмуу. Хайран мөнгө. Үнэхээр харицлагагүй ажиллаж байгаа энэ холбоог татан буулгах нь зүйтэй.

Avatar

A 2013-10-17 120.21.58.93

Ochij jaal tarvaga agnah umsan gej

Avatar

Зочин 2013-10-17 103.26.194.99

"Малын удмын сан" "Мал үржлийн алба" гэж ланжгар ланжгар Агентлагууд хэзээнээсээ л төсвийн мөнгө зарлагадаж, хийсэн тодорхой ажилгүй сууцгаасаар өдийг хүрсэн. Үр дүнд нь нэг л олон тоо гараад байдаг, амьдрал дээрээ хэдэн мал нь үүлдэр угсгаа нь ч мэдэгдэхгүй баахан давжаа амьтад болж хувирчихаад байна хөөрхий. Гэтэл энүүхэн урд Үзэмчингүүд яаж байна, ганц бараан хялгасгүй ямааг гэхэд хэдэн зуун мянгаар нь өсгөж байна, хонь гэхэд хавар гарсан хургыг намар нядлахад манай төлөг, шүдлэн хонины дайтай агь таана амтагдсан мах гарч байна, нүдээрээ үзэж байж л итгэлээ. Тэгээд дан бэлчээрээр маллана. Үхэртэй айлд нь очиход саамандаа 8-9 литрээс доош гардаг үнээ гэж алга даа даанч нэг. Нэмээд сонирхуулахад уул талаараа тарвага нь гэж тоймгүй өсчихсөн байх юм. Хариуцсан дарга нар нь идэж уух биш хийх бүтээх хүсэлтэй нь илт мэдрэгдэж байлаа гэж…

Avatar

Зочин 2013-10-17 202.55.182.82

Эрхэмээ ахаа аймаг хонь хээлтүүлэхгүй шүү

NewsMN Гар утасны хувилбар Татах
NEWS.mn

Мэдээллийн эх сурвалж