Их Британийн загвар өмсөгч 39 настай загвар өмсөгч Наоми Кэмпбэлл урьд нь гэрийн үйлчлэгчдээ гар хүрч таван өдөр олон нийтийн ажил хийхээр шийтгүүлсэн.  Мөн тэрбээр уур уцаараа барьж сурах хичээлд явж байсан юм. 2008 онд Английн нисэх онгоцны буудалд танхайран, цагдаагийн ажилтантай ам зөрж 200 цаг олон нийтийн ажил хийж байсан байна.
Харин энэ удаад тэрбээр жолоочоо алгадсан нь түүний ээлжит танхайрал боллоо. Тэрбээр жолоочийг нэг өдрөөр хөлсөлсөн байсан бөгөөд Ноамигийн хар өнгийн Cadillac Escalade машиныг жолоодож байсан байна. Тэрбээр жолоочоо алгадаж, толгой руу нь цохин биеийг хөхрүүлсэн тул Нью Йорк хотын цагдаагийн газарт дуудагдсан байна. Кэм­белл сайн дураараа цаг­даагийн газар ирж, мэдүү­лэг өгчээ. Ноами Кэмпбэллийн хэвлэлийн төлөөлөгч “Энэ хэрэг шүү­хийн танхимд дуудагдахаар хэм­жээнийх биш” гэж мэдэгджээ. Харин цагдаагийн газ­раас энэ хэргийг шалгаж Кэмбеллд оногдуулах шийтгэлийн талаар ярилцаж байгаа аж. Кэмпбелл арын суудалд сууж байхдаа уурлан хэд хэдэн удаа цохисон гэж хөлсний жолооч мэдүүлсэн байна.