Olympus компанийн удирдлага гэрэл зургийн аппаратууд нь хангамжийн программдаа вирус тээж байгаа учраас таны компьютерт “халдвар” тараах аюултайг сануулж байна.

Компанийн албан ёсны мэдээгээр вирустай программууд Stylus Tough 6010 загварын гэрэл зургийн аппаратуудын жижиг цувралын дамжлагад санамсаргүй оржээ. Тэр вирусууд гэрэл зургийн аппаратыг компьютерт холбох үеэр идэвхжиж тэр даруйдаа зургийн мэдээллийг агуулагчид хувилагдан тараагддаг ажээ.

Компанийн мэдээгээр нийт 1700 орчим аппаратын ой санамжид уг вирус орсон ба өөрсдийн аппаратыг шалгахын тулд Olympus албан ёсны сайтаар орон төхөөрөмжийнхөө серийн дугаарыг  өгч шалгуулах ёстой гэнэ. Харин аппаратынхаа вирустай өөрсдөө тэмцэн арилгах хэрэгтэй гэж энэ мэдэгдэлд сануулжээ.