Түлэнхийн төв түүх болох нь | News.MN

Түлэнхийн төв түүх болох нь

Хуучирсан мэдээ: 2013.10.15-нд нийтлэгдсэн

Түлэнхийн төв түүх болох нь

Монголдоо ганцхан “байсан” Түлэнхийн төв буюу Хуучин гэмтлийн хаалга бариад бараг нэг жилийг ардаа орхилоо. Одоо Түлэнхийн төвийн эмч ажилчид Саппорогийн уулзварын хойно байрлах Мөнгөнгүүр эмнэлгийг сарын 30 сая төгрөгөөр түрээслэн, өвчтөнүүдээ үзэж, оношилж, эмчилж байгаа билээ. Түлэнхийн төвийг Гэмтэл, Согог судлалын үндэсний төв рүү шилжүүлэх үеэр “Удахгүй Хуучин гэмтлийн суурин дээр шинэхэн эмнэлэг бариад өгнө. Мэргэжлийн хяналтын байгууллагын удаа дараагийн шаардлагын дагуу хаахаар боллоо” гээд Эрүүл мэндийн сайд нь, яамны ажилчид нь хэвлэл мэдээллээр их ярьсан. Үүнийг нь үзсэн хүн “Балгас болсон эмнэлгийг байрыг нурааж, шинэ эмнэлэг барих юм байна” гэж таатай хүлээн авсан.

Ингээд хагас жил өнгөрлөө. Шинэ эмнэлэг баригдах бус өдөр ирэх тусам Түлэнхийн төвийн барилгын ажлын талаара яриа мартагдаж эхлэв. Түлэнхийн төвийн хашаа ойр орчмын байрны иргэдийн хогоор дүүрч, эргэн тойрных газар бага багаар бусдын гарт орж эхэлжээ. Цагтаа ардаа өвчтөнүүд салхилдаг цэцэрлэгтэй. Хашаа нь цэлгэр том байсан. Харин өдгөө хажуугаар сүндэрлэх орон сууцнууд эмнэлгийн эзэмшлийн газар луу орчихсон. Арын цэцэрлэгийг битүү хогоор дүүрсэн аж.

Түлэнхийн төвийн одоо байгаа барилгыг нурааж, цэвэрлэхэд 500 орчим сая төгрөгийн санхүүжилт хэрэгтэй гэдэг. Үүнийг нурааж, цэвэрлэж өгөхийг Эрүүл мэндийн сайд нь Нийгмийн хариуцлагыг хэрэгжүүлдэг боломжтой компаниудаасаа телевизэээр хүртэл олон удаа гуйсан. Гэсэн ч буулгаад өгчих “хоншоортой” бас нийгмийн хариуцлагатай компани олдоогүй л бололтой. Одоо хүртэл аймшгийн кино дээр гардаг сүнстэй байшин мэт бүх цонх нь хагарч, бүргэд хаалга нь тоногдсон төрхтэй “сүндэрлэсээр” л байна.  

Эрүүл мэндийн яамнаас Түлэнхийн төвийн барилгын ажилд онцгой анхааран ажиллаж байгаа гэдэг. Өмнө нь барилгын зураг зураад, төсвийг нь батлуулах дээрээ тултал нэмэлт бөөн ажил хийхээр болж, дахин төлөвлөхөөр болсон. Дахиад зургийг зурж, төсвийг боловсруулсан ч батлагдалгүй өдийг хүрэв. Хэдэн тэрбумаар хөшөө бариулдаг, цуглуулаад эмнэлэг барих ухаан олон төрийн үед дутагдаагүй л байлтай.

“Түлэнхийн төв”-ийн барилгын газар олголтын талаар Нийслэлийн Засаг даргын захирамж 2011 онд гарсны дараа Эрүүл мэндийн яамнаас мөн оны долдугаар сард зарласан зураг төсөл боловсруулах зөвлөх сонгон шалгаруулалтад “ЭЗТ” ХХК шалгарч тус яамтай гэрээ байгуулан Түлэнхийн төвийн шинээр баригдах барилгын зураг төслийг боловсруулах ажлыг хийж гүйцэтгэжээ.

Одоогийн байдлаар барилгын архитектор төлөвлөлт буюу дотор гадна орон зайн төлөвлөлт, өрөө тасалгааны зохион байгуулалт, барилгын үндсэн хийц бүтэц, дотор цахилгаан, цэвэр бохир ус, халаалт салхивч, холбоо харилцаа, галын дохиоллын зургийг барилгын салбарт мөрдөгдөж байгаа норм ба дүрэм, стандартыг мөрдөн боловсруулжээ. Мөн бохир ус зайлуулах шугам, гадна цахилгаан, холбоо мэдээллийн зэрэг гадна шугам сүлжээний ажлуудын зарим зураг төсөл болон хуучин барилгыг буулгах ажлын төсөв хийгдсэн байна. Гэвч энэ жилдээ лав барилгын ажил эхлэхгүй нь тодорхой болов.

Тэгвэл хуучин Гэмтлийн эмнэлэг буюу Түлэнхийн төвийн клиникийн одоогийн байгаа хуучин хоёр давхар тоосгон барилга нь 1957 онд ашиглалтад орсон байна. Энэ барилгыг 1975 оноос гэмтлийн эмнэлгийн зориулалтаар ашиглаж эхэлжээ.

Өдгөө балгас болсон барилга нь цагтаа алтан гарт эмч нар ажиллаж, осолдож, эндсэн иргэдийн эрхтэн, амь насыг аварч байсан байгууламж байлаа. Гэвч өдгөө Түлэнхийн төв түүх болон үлдэхэд тун ойрхон болжээ.

Б.БИЛЭГ

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2013-10-15 202.70.41.42

Гэмтэлийнхэн даргаа солих гэж улайрч байхаар түлэнхийн төвөө бариулах гэж тэмцээчэээ

Avatar

gay 91918925 msj send 2013-10-15 212.94.122.80

gay 91918925 msj send

Avatar

бббб 2013-10-15 202.21.113.141

наад байшин чинь цагтаа хитад эмлэг бсан юм. хитадын барьсан уран барилга. түүх дурсгалын чанартай барилга даа. эн чигээр нь хадгалвал зүгээрсэн. монголчууд ийм уран хийцтэй байшин барих юү л бол.

Avatar

gay 91918925 msj send 2013-10-15 212.94.122.80

gay 91918925 msj send

Avatar

zochin 2013-10-15 86.71.254.181

enii mungu haana bn gebel nuguu gichiinii ur saduudad baigaa biz heel hahuul

Avatar

Зочин 2013-10-15 27.123.214.115

Eruul mendii yamniihan ajlaa hiimeer yumaa. Uchnuun tuchnuun munge hurenge idej uuj suuj neeree. Neg emneleg barihgui yumaa.

Avatar

Зочин 2013-10-15 103.26.194.50

сайхан газрыг дуудлага худалаанд оруулаа.тэгээд тэр мөнгөөр нь эмнэлэгээ барьхгүй юу.

Avatar

Зочин 2013-10-15 202.131.233.187

ЭМ-ийн сайд Н.Удвал ажлаа хиймээр байна даа.

Avatar

zochin 2013-10-15 49.0.131.231

huuchin gemtel dotor zarim emch ajlaa hiigeed hun uzej l bgaa shuu dee. hed honogiin umnu tend hun uzuulsen. baij l bna lee deg

Avatar

zochin 2013-10-15 124.158.93.12

er ni bol ervvl mendiin salbar haygdaad bainashdee 103 iin udirdlaguudiig neg shalgaad vzeech erhem alban tushaaltanguudaa .sogtuu albanii vnetei jiip unaj ajilchidaa olnoor ni suulgaj yabaad unagaan ochnoon khvn hvnd hungun gemteecheed heeb neg turiin tom odongoor engeree mylaaj yabdag Pvrebdash zahiral ni khen gedeg erkh medelteniikh ni khvn yum boloo hariutslag khvleelgedeg shalgadag gazar gej ene ulsad er ni bainauu

Avatar

zochin 2013-10-15 202.180.220.35

tulenkhiin tuv barisnaas shine gemtliin emneleg barisan ni deer

Avatar

ganaa 2013-10-15 103.26.194.30

tulenhiin tuviin gazraas avsan ym ogt alga. ene setguulch odoo yugaa medej, hudlaa ym bichdeg bnaa

NewsMN Гар утасны хувилбар Татах
NEWS.mn

Мэдээллийн эх сурвалж