Поп дива Мадонна саяхан Брэд Питтийн продюсероор нь ажилласан “12 Years A Slave” киноны нээлтэд очихдоо хэт гангалснаасаа болж элдвээр хэлүүлээд амжсан билээ. Тэгвэл тэрээр АНУ-ын Техас муж улсын хамгийн алдартай кинотеатрт кино үзэх эрхээ хасуулаад байгаа гэнэ.

Мадонна кинотеатрт “12 Years A Slave” киног үзэх үеэрээ гар утсаараа хэтэрхий их мессеж бичиж, бусад үзэгчдэд саад учруулснаас болж ийнхүү эрхээ хасуулаад байгаа аж.

Эх сурвалжийн мэдээлснээр бол Мадонна кино үзэж байхдаа “Blackberry” утсаараа хэтэрхий их мессеж бичихийн зэрэгцээ бусад үзэгчдийн үүнийгээ зогсоох шаардлагыг үл тоосон гэнэ. Тиймээс түүнийг уучлал гуйхаас нааш кинотеатртаа  ямар нэгэн кино үзүүлэхгүй гэж удирдлагууд нь мэдэгдсэн байна.