62 мянган иргэний үгийг сонсчээ | News.MN

62 мянган иргэний үгийг сонсчээ

Хуучирсан мэдээ: 2013.10.11-нд нийтлэгдсэн

62 мянган иргэний үгийг сонсчээ

Шинэчлэлийн Засгийн газрын “11 11 төв” 2012 оны аравдугаар сарын 12-нд нээгдсэнээс хойш бүтэн жилийг үдлээ.

Ерөнхий сайд Н.Алтанхуяг өнөөдөр тус төвд зочилж, жилийн ажлын тайлантай нь танилцлаа. “Засгийн газрыг иргэдтэй холбодог энэ төвд манай иргэд санал бодлоо олон хэлбэрээр илэрхийлж, үгээ ямар нэг шат дамжлагагүйгээр төрийн аль ч шатанд шууд хүргэж ирлээ. Хоёр дахь жилдээ бид иргэний хэлсэн санал төрийн аль байгууллагынхан гэдэг албан тушаалтанд очиж, яаж шийдэгдэж байгааг шууд харуулдаг болгоно. Тавьсан саналынхаа шийдвэрлэлтийн явцыг иргэд өөрсдөө хянаж чаддаг болно” гэж Ерөнхий сайд Н.Алтанхуяг хэллээ. Иргэдэд улам илүү ойртсон нэг чухал шинэчлэл “11 11 төв”-д саяхан хийгдсэн. Хот, хөдөөд байрлуулж буй ТҮЦ (төрийн үйлчилгээний цахим) машинтай “11 11 төв”-ийг холбож,иргэдийн өгсөн санал, хүсэлтийг “11 11 төв”-д шууд бүртгэдэг болоод байна. Утсаар, интернэтээр төрд үгээ хүргэж, асуултдаа хариулт авах боломж бүрдүүлсэн “11 11 төв”, олон төрлийн лавлагаа авч болох ТҮЦ машин бол Шинэчлэлийн Засгийн газрын иргэдээ сонсч, тэдэнд шуурхай үйлчилж буйн илрэл юм гэдгийг Ерөнхий сайд тодотголоо.

Өнгөрсөн нэг жилийн хугацаанд“11 11 төв” 62 мянга гаруй иргэний үгийг хүлээн авч, холбогдох төрийн байгууллагуудад хуваарилан шийдвэрлүүлж хариуг нь хүргэсэн байна. Иргэдийн хандалтыг төрөлжүүлбэл санал хүсэлт 46470, гомдол 8289, талархал 768, шүүмжлэл 5074, өргөдөл 128 байлаа. Боловсрол, эрүүл мэнд, нийгмийн даатгал, халамж үйлчилгээ, улсын бүртгэл, нийслэлийн асуудлаарх хандалт дийлэнхбайсан ба эдгээрийн 77 хувьд төрийн байгууллагуудаас хариу өгч шийдвэрлэжээ. Иргэдийн санал хүсэлтэд төрийн байгууллагууд хэр шуурхай хариу өгч, ямар чанартай шийдвэрлэснийг ч дүгнэж гаргалаа.

БШУЯ, УБЕГ, ЭМЯ, ҮХААЯ хамгийн “эелдэг” байж,  иргэддээ хүрч үйлчилсэн бол ЭХЯ, түүний салбар нэгжүүд, ХЗЯ, ЦЕГ иргэдийн санал, хүсэлтийг шийдвэрлэн, хариу мэдэгдэхдээ хойрго байжээ. “11 11 төв”-д хандсан иргэдийн 70 хувь нь утсаар холбогдон үзэл бодлоо илэрхийлжээ.

Ш.ЧИМЭГ

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

62000 2013-10-11 103.26.194.116

62000 sanal gomdol dotor chini ter 7 jiliin huur uzej olon tumniig zovooj bui HZHorshoonii asuudal baihgui baisan uu esvel Ta shiideh gej oroldsongui yu. Uul ni Ta ooree bogino hugatsaand shiideed ugeheer amlaj baisaniig ard tumen- uvged hugshid martaagui Taniig harsaar goridsoor baigaag bolgoono uu. Daan ch Asuudal shiidegdehgui baigaa ni manai ard tumnii heldegeer URAGSHGUI albatuud tani yum hiihgui tohuurhaad suugaad bainaa udaa geh bodol ooriin erhgui olnii sanaand buugaad baih shigee. Ta dahiad neg daalgavar ugeed uzne uu.

Avatar

77 huvi hariulsan gejee 2013-10-11 103.26.194.5

Irgediin sanal- 46700, gomdol-8289 irsenees tus tus hediig shiidseniig toogoor hariu ugeh ni zuitei dee. & jil bolj bui golduu tetgeveriin hugchuudiin heden bor yumiig ugui hiisen HZHorshoonii ujigarsan asuudliig 1 sariin dotor shiidej ugne gej amlaj baisnaa ogt heregjuulsengui tag martsan baina. Erenhii said Ta ene ulig bolson Hadgalamj zeeliin horshoonii asuudliig shiideed ugvel mash sain bainadaa. gej under nastanguud taniig haran goridsoor zarim huleeseer nugee ertents ruu tonilsoor baigaag erh bish bolgoono bizee gej naidan harsaar,,,,,,

Avatar

Зочин 2013-10-11 202.131.244.104

Sain bn. Yavaad baigaarai

NewsMN Гар утасны хувилбар Татах
NEWS.mn

Мэдээллийн эх сурвалж