Нэг хэсэг шүүмж магтаалыг ихээхэн цуглуулаад байсан “Т-АРА” хамтлагийнхан өөрсдийн шинэ цомог болох “Number9” цомгийнхоо шинэхэн клипээ өнөөдөр цацлаа.

Цомгийнхоо нүүрний зургийг манай гэр хорооллын фоноор гоёод харьсан тус хамтлагийнхны цоо шинэ цомгийн клип маргааш буюу аравдугаар сарын 11-ны өдөр фенүүддээ зориулан хийх цомгийн өдөрлөгтөө зориулан цацсан бололтой.

Тэд “Number9” цомгийн клипнийхээ зураг авалтыг Монголын говьд хийх гэж байгаа гэсэн мэдэгдлийг хэвлэлийнхэнд хийж байсан удаатай. Гэвч ахиад л тэдний фенүүд болсон жаахан хүүхдүүд гонсгор үлдэх бололтой. Тэдний Монголд хийлгэсэн клипийг манай өсвөр насны залуучууд нилээд удаан хүлээсэн болов уу. Энэ удаад ч ахиад л тэдний халуун сэтгэл рүү ус цацлаа. “Т-АРА” хамтлагийнхны гаргасан цоо шинэхэн клипэнд Монгол гэх юу ч байсангүй.