Урлагт зэрэглэлийн ялгавар хэрэггүй

Хуучирсан мэдээ: 2013.10.09-нд нийтлэгдсэн

Урлагт зэрэглэлийн ялгавар хэрэггүй

Урлаг манай залуу үеийнхэнээс магадгүй маш хол, зарим нэг нь огт мэдэхгүй байх нь ч элбэг. Сонгодог урлаг гэхээр нийгмийн хэсэгхэн цөөнхөд зориулсан гэх туйлширсан сэтгэлгээ сүүлийн үед нилээд их болоод байх шиг ажиглагдана. Урлаг өөрөө амьдрал, урлаг зэрэглэлд биш нийтэд хүрдэг шүү дээ.

Магадгүй тэр ч утгаараа БНСУ-ын арван шилдэг балетчин, олон улсын хүүхдийн “Найрамдал” төв , “Хараацай театр” болон “Их эзэн хааны” театрын тэргүүн балейтместр Д.Дашлхагва болон түүний шавь Ц.Цолмонбуд нар  хамтран энэ сарын 26-ны өдөр тоглолт хийхээр төлөвлөөд буй. Энэхүү тоглолтын гол зорилго нь амьжиргааны төвшнөөс доогуур хүүхдүүдэд зориулан үнэ төлбөргүй тоглох ажээ. Уг тоглолтыг цаашдаа жил бүр хийхээр төлөвлөөд байгаа гэдгээ ч БНСУ-ын  “И Вон Гүг” компаний гоцлол бүжигчин, соёлын тэргүүний ажилтан  Ц.Цолмонбуд хэлж байлаа. Уг тоглолтод оролцохоор Өмнөд Солонгосын бүжигчид энэ сарын 24-ны өдөр ирэх ба нэг үзэгдэлт балетад тоглох юм. Мөн тэднээс гадна “Их эзэн хааны” театр өөрсдийн бүтээлээс хүүхэд багачууддаа хүргэх бөгөөд тэр дундаа модерн балетийн бүжгүүдээ тоглуулах юм.

Э.ТЭКҮ
NewsMN Гар утасны хувилбар Татах
NEWS.mn

Мэдээллийн эх сурвалж