Заал хаанаас авах вэ? | News.MN

Хуучирсан мэдээ: 2013.10.09-нд нийтлэгдсэн

Заал хаанаас авах вэ?

Ажлын хамт олонтойгоо зааланд тоглож, хөлсөө гаргах гэж тав хоног гүйгээд барсангүй. Заал гэдэг ер нь ховрын бараа болчихож. Аль эртнээс бодож, төлөвлөж, гэрээ байгуулж байж долоо хоногтоо ганц удаа оройн цагаар аль нэг сургуулийн зааланд түр ч атугай спортоор амьсгалах боломжтой гэнэ. Түүнээс биш “За өнөөдөр орой жаахан гүйж, тоглож, хөлсөө гаргаж, ажлынхаа стрессээс салъя” гээд заал олно гэвэл бүтэшгүй санаа болж. Мэддэг, сонссон сургуулиудынхаа жижүүр, биеийн тамирын багшийн утсыг лавлаж, цагийн турш утас цохиод ч амжилт олсонгүй.

Нийслэлийн хэмжээнд ерөнхий боловсролын сургуулиуд /харамсалтай нь бүгд бас биш/, зарим нэг их, дээд сургууль, яам, тамгын газар, цөөн хэдэн байгууллагын нэр дээр спорт заал бий. Мэдээж нийслэлчүүдийн хэрэгцээнд тэдгээр нь хангалтгүй. Дунд сургуулийн сурагчид нь намар, хавартаа сургуулийн гадаах цементэн талбайд биеийн тамирын хичээлдээ орж, дээд сургуулийн оюутнуудын сургалтынх нь хөтөлбөрт биеийн тамир гэсэн ухагдахуун ч байхгүй байна. Хүн амын эрүүл мэндийн суурь болсон нийтийн биеийн тамирын асуудал энэ мэт орхигдсон байхад бид илүүдэл жин, зүрх, судасны өвчний талаар яриад ч хэрэггүй. Заал, талбай битгий хэл өглөө гараад гүйчих газаргүй, зам дагаад гүйе гэсэн ч утаа униар гэж тартагтаа тулсан болохоор өглөөний дасгал нь эсрэгээр үхлийн шалтгаан ч болж магадгүй болчихож.

Орчин цагийн залуус PC тоглоом, цахим хүрээлэл дунд хүмүүжиж, тамхиар хооллож, архиар угжиж байгааг буруутгах шалтаг үгүй мэт санагдав. Хувь хүний ухамсрын асуудал энд яригдах ёстой ч бие хүн болж төлөвших учиртай нийгмийн өнөөгийн байдал ийм л байна…

С.ЦЭЛМЭГ

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

tsogt 2013-10-09 103.26.194.89

horoo bolgon irgeddee zoriulsan sport zaltai boltsgooy,sanaa niileed zutgevel ug ni bolohgui yum baihgui shd.Bid uuruu uursdiinhuu tuluu sanaachlaga gargahgui yum bol hen ch hiihgui.

Avatar

Зочин 2013-10-09 92.224.186.16

fitnessd l yavaach surtei yum

Avatar

Зочин 2013-10-09 202.179.23.67

Zaal baitugai yavgan yavah gazar bhgui sh de, ub d, mashiniizamd 400 terbumiig hiihiinher orond talaar ni yavgan hunii zam zaal barival ard tumnii eruul mended l heregtei dee.

Avatar

eegii 2013-10-09 203.91.119.18

tiimee.unen shuu

Avatar

tsetsenbileg 2013-10-09 124.77.105.31

yag unen sedev hundsun bna ulaanbaatart sport zaal baihguitei adil bolson…!

Avatar

tsetsenbileg 2013-10-09 124.77.105.31

yag unen sedev hundsun bna ulaanbaatart sport zaal baihguitei adil bolson…!

Avatar

6 jiliin umnu 2013-10-09 130.102.158.24

odoogoos 6-9 jiliin umnu yag iim bj bilee…. horshoolliin hogiin zal hovriin baraa bolj baisan UB-D Luis Vuitton hurtel baigaad bhad gants heregtei sport zal baidaggui ai ya ya ya esvel ard tumen bayajaad hun bur gertee zaltai boltsiimuu?

Avatar

Зочин 2013-10-09 103.26.195.124

estoi unen yum bichij

Avatar

nar 2013-10-09 46.9.189.173

Yag unen.

Avatar

Зочин 2013-10-09 202.70.42.102

bi ch gsn zaaland toglomoor l bainsht

NewsMN Гар утасны хувилбар Татах
NEWS.mn

Мэдээллийн эх сурвалж