МАН Үндсэн хуулийн Цэцэд хандана гэв | News.MN

МАН Үндсэн хуулийн Цэцэд хандана гэв

Хуучирсан мэдээ: 2013.10.07-нд нийтлэгдсэн

МАН Үндсэн хуулийн Цэцэд хандана гэв

УИХ дахь МАН-ын бүлэг өнөөдөр хуралдаж, энэ долоо хоногт УИХ-ын чуулганы хуралдаанаар хэлэлцэх асуудлын талаар ярилцжээ.

Бүлгийн хуралдаанаар 2014 оны Төсвийн төсөл, Төрөөс мөнгөний бодлогын талаар 2014 онд баримтлах үндсэн чиглэл батлах тухай” УИХ-ын  тогтоолын төсөл, УИХ-ын гишүүдийн байнгын хороонд харъяалагдахгүй, эрх нь зөрчигдөж байгаа асуудал зэргийг онцлон хэлэлцсэн байна.

2014 оны Төсвийн төслийг энэ долоо хоногт анхны хэлэлцүүлэг хийх ёстой ч МАН-ын бүлгийн зүгээс 2014 оны төсөв батлахаас өмнө өнгөрсөн оны буюу 2013 төсвийн гүйцэтгэлийг эргэж харах ёстой гэсэн байр суурийг илэрхийллээ. Өөрөөр хэлбэл, Шинэчлэлийн Засгийн газар байгуулагдан, МАН-ын гишүүд байнгын хороонд харъялагддагүй байх хугацаанд баталсан төсвийн гүйцэтгэлийг эргэн харах ёстой. 2013 оны төсвийн зарлага их, орлого бүрдүүлэлт муу байсан зэрэг олон шалтгаан байгааг МАН-ын бүлэгийн гишүүд онцолсон байна. Тухайлбал, Төсвийн зарлага буюу орон тооны нэмэгдэл, олон орлогч, яамдын тоо зэрэг зарлага нэмэгдүүлэх олон хүчин зүйл байсан гэлээ. Тиймээс 2013 оны төсвийн гүйцэтгэлийг нэгтгэн харж, сайд, Засаг дарга нарын дэргэдэх санг шалгах, Төсвийн зарлагыг хянах ажлын хэсэг  МАН-ын бүлгээс  байгуулж ажиллахаар болсон байна. Ингэж байж 2013 оны Төсөвт тодотгол хийх эсэхийг хэлэлцэх ёстой гэлээ. Хэрэв 2013 оны Төсөвт тодотгол хийх шаардлагатай бол үүнийг хурдан хийх ёстой гэж МАН-ын бүлэг үзсэн байна.  Мөн бүлгийн хуралдаанаар  Төрөөс мөнгөний бодлогын талаар 2014 онд баримтлах үндсэн чиглэл батлах тухай” УИХ-ын тогтоолын төслийг хэлэлцэхийн өмнө МАН-ын бүлэг сайд нар, Монголбанкны ерөнхийлөгч, Хөгжлийн банкны удирдлага зэрэг холбогдох хүмүүсээс мэдээлэл авахаар болсон бөгөөд үүний дараа энэ асуудлыг хэрхэн шийдвэрлэх талаараа ярилцахаар болжээ.

Бүлгийн хуралдааны дараагийн мэдээлэл нь УИХ-ын гишүүд байнгын хороонд тэгш бус харъяалагдаж байгаа гэх асуудал байжээ. МАН УИХ-ын дэгийн тухай хуулийн дагуу тогтсон хугацаанд албан ёсны бүлэг байгуулах хүсэлтээ ирүүлээгүй гэх шалтгаанаар бүлгийн гишүүдээ байнгын хороонд харьяалуулж чадахгүй байсан юм. Гэхдээ тэд албан ёсны бүлэгтэй болсныхоо дараа зарим гишүүдээ байнгын хороонд оруулсан ч асуудал тэгш хэмжээнд шийдэгдээгүй хэмээн МАН үзэж байгаа ажээ. Тиймээс МАН-ын бүлэг Үндсэн хуулийн Цэцэд хандаж, МАН-ын гишүүдийн бүрэн эрхэд ялгавартай хандсан эсэхийг судалж, шийдвэрлүүлэх хүсэлтээ гаргахаар болсон байна. Мөн энэ чиглэлээр УИХ-ын тогтоолын төсөл боловсруулан ажиллахаар болжээ.

Ш.ЧИМЭГ

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

teneg namd 2013-10-07 202.179.11.34

yah ve tegj l bg 16 on irne ta nar bugd gudamjind garna olon yum ter uedee yariad bitgii yavaarai da er hun shig bgarai a namiin nohdiid mini ta nar gehde hetcuu de

Avatar

zochin 2013-10-07 202.55.190.6

Zasgiin ajild hussen hemjeegeeree saad uchruulj chadahgui bolohooroo baingiin horoon dahi toloolloo nemegduuleh zamaar saad hiih gesen uivaagui arga yum daa.

Avatar

Зочин 2013-10-07 61.43.180.17

Manai MANgaruud odool neg ajillaj ehelj baih shig bainadaa Ern erhiinhee toloo sain temtseh heregtei ! Undsen huuliin tsetsed odoogoor Sugar terguutei olon MANgaa olonhi bolsnii hereg yu bilee !? Ern bolohgui bol tegeed undsen huuliin tsetsdee handaad baihad l barag ih hural zasgiin gazar ih hutsval eronhiilogchiigch avah bolomj baigaa shuudee !

Avatar

Зочин 2013-10-07 202.179.8.155

СУРВАЛЖЛАГЧАА МЭДЭЭНИЙХЭЭ ГАРЧГИЙГ ҮНЭН БОДИТООР ТАВЬЖ СУРМААР БАЙНА. "мангас хулгайч сугарт хандав" гэвэл үнэнд нийцнэ.

NewsMN Гар утасны хувилбар Татах
NEWS.mn

Мэдээллийн эх сурвалж