“Улаанбаатар” наадам маргааш эхэлнэ | News.MN

“Улаанбаатар” наадам маргааш эхэлнэ

Хуучирсан мэдээ: 2013.10.03-нд нийтлэгдсэн

“Улаанбаатар” наадам маргааш эхэлнэ

Кино урлагийн салбарын олон улсын хамтын ажиллагааг нэмэгдүүлэх, дэлхийн сор болсон киног Монголын үзэгчдэд хүргэх зорилготой "Улаанбаатар" олон улсын анхдугаар кино наадам энэ сарын 4-9-нд Улаанбаатар хотноо болно. Наадмын хүрээнд зохион байгуулагчид болон Монголд урилгаар саатаад буй гадаадын кино найруулагчид өнөөдөр “Тэнгис” кино театрт мэдээлэл хийлээ.

“Улаанбаатар” олон улсын анхдугаар кино наадмыг Соёл, спорт, аялал жуулчлалын яам, Монгол-Францын төв, Нийслэлийн Соёл урлагийн газар, Монголын Урлагийн зөвлөл хамтран зохион байгуулж буй. Наадамд АНУ, Франц, Тайвань, Сингапур, Мексик, Турк, Итали, Германы 20 гаруй найруулагч, продюссер, уран бүтээлчдээс гадна Истанбул, Каннын кино наадмын зохион байгуулагчид оролцоно. Монгол киноны хөтөлбөрт уран сайхны найм, баримтат таван кино ирүүлснээс “Улаан дөрвөлжин”, “Бодлын хулгайч”, “Лардьма”, “Аравт” “Би монгол хүн”, “Нэрийг минь хэлж өгөөч” зэрэг кинонуудыг үзүүлэхээр болжээ. “Улаанбаатар” олон улсын кино наадмын Зөвлөх хорооны гишүүдийн шийдвэрээр наадам энэ сарын 5-нд “Тэнгис” кино театрт найруулагч Ч.Хоролдоржийн шинэ бүтээл болох “Шарга даага” уран сайхны киногоор нээлтээ хийх аж.

Энэхүү кино наадамд ихэвчлэн “Art house” киноны төрлөөр кино хийдэг найруулагч нар оролцож байгаа бөгөөд маргааш орой 18:00 цагаас “Тэнгис” кино театрт нээлтээ хийх гэнэ.

Э.ТЭКҮ



0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

anhaa 2013-10-03 202.170.68.162

QUIZDA p***a END YUGAA HIIJ YAWNA BE. HOGIIN HULGAICH BGAA YUM SHDEE ENE CHIN.

NewsMN Гар утасны хувилбар Татах
NEWS.mn

Мэдээллийн эх сурвалж