Наймдугаар сараас эхлэн нийслэлийн зургаан дүүрэгт байрлах 11 цэгээр дамжуулан  төмс, хүнсний ногоо борлуулж эхэлсэн. Одоогийн байдлаар нийтдээ 600 гаруй тонн ногоо борлуулаад байгаа гэсэн мэдээлэл байна.  Сэлэнгэ, Төв, Дархан-Уул, Орхон зэрэг есөн аймгийн 540 ногоочин өнгөрсөн хугацаанд дээрх цэгүүдээр ногоогоо борлуулжээ. Мөн “Дүнжингарав” худалдааны төвд болсон “Алтан намар-2013” үзэсгэлэнгийн үеэр оролцогчид 350.8 тонн төмс,  504.5 тонн хүнсний ногоо, хоёр тонн зөгийн бал, 8000 шил дарсан ногоо болон жимс, цэцэг гэх мэтчилэн 541.4 сая төгрөгийн борлуулалт хийсэн байна.