Мэргэжлийн моделиудаас шилдгийг нь тодруулж, эх орноо төлөөлөн олон улсын тэмцээнд сорих сайхан бүсгүйчүүдийг тодруулах “Miss and Model” фестивал анх удаа Улаанбаатар хотноо болж байна. Өндөр шалгуур бүхий тус тэмцээнд 16-24 насны, 170 см-ээс дээш өндөртэй, мэргэжлийн моделиуд оролцоно. Тэднийг дөрвөн үе шаттайгаар сонгон шалгаруулах гэнэ. Тэмцээний анхан шатны шалгаруулалт өчигдөр болж, 11 модель шалгарсан байна.

“Miss and Model” фестивалын ерөнхий зохион байгуулагчаар “Андра модель  агентлаг”, “Мисс Монгол аялал жуулчлалын холбоо” ажиллаж байгаа бол хамтран зохион байгуулагчаар “Ubs Мusiс” телевиз, “Six” studio ажиллаж байгаа ажээ. Түүнчлэн тус тэмцээний шилдгийн шилдгүүд олон улсын тэмцээнүүдэд эх орноо төлөөлөн оролцох эрхийн эзэд болох бөгөөд нэгдүгээр байр “Miss Model of the World 2013”, хоёрдугаар байр “Top model of the World 2014”, гуравдугаар байр “Supermodel International 2013” тэмцээнд оролцох юм.