Тайландын Ерөнхий сайд хаврын үймээн ба улс төрийн хямралын дараа үндэсний эвлэрэлд орохыг уриалжээ. Тайландад шинэчлэл хийж, төрийн гол институтын ажиллагааг өөрчлөх, бүх иргэдийн тэгш эрхийн талаар сэтгэл тавих цаг ирлээ гэж Ветчачива онцлон хэлэв.

Энэ хавар Бангкок хотын төвд гарсан эсэргүүцлийн жагсаалын явцад 80 хүн амиа алдан 1500 хүн шархадсан байлаа. Эцсийн эцэст жагсагчид хотын төвийг орхихоор болсон билээ.

Шинэчлэл тийм амар хийгдэхгүй бөгөөд түүний Засгийн газрын бүрэн эрхийн хугацаанаас илүү их хугацааг шаардана гэж Ерөнхий сайд сануулаад ямар ч байсан шинэчлэлийг эхлүүлнэ гэлээ.