Төв банкны үнэт цаасыг арилжлаа | News.MN

Төв банкны үнэт цаасыг арилжлаа

Хуучирсан мэдээ: 2013.10.02-нд нийтлэгдсэн

Төв банкны үнэт цаасыг арилжлаа

Монголбанк өнөөдөр /10 дугаар сарын 2/ нэг долоон хоногтой811.7 тэрбум төгрөгийн Төв банкны үнэт цаасыг 10.5 хувийн жигнэсэн дундаж хүүтэйгээр арилжлаа. Ингэснээр өнөөдрийн байдлаар нэг долоон хоногтой Төв банкны үнэт цаасны үлдэгдэл 1522.5 тэрбум төгрөг болсон юм байна.

Нэг долоо хоногийн хугацаатай ТБҮЦ нь банкуудын нөөцийг удирдахад чухал үүрэг гүйцэтгэх бөгөөд Монголбанкны мөнгөний бодлогын үндсэн хэрэгсэл аж. Энэ төрлийн үнэт цаасны хүү нь Монголбанкны бодлогын хүү болох бөгөөд банк хоорондын мөнгөний зах дээр хөтөч хүүний үүргийг гүйцэтгэдэг байна. Анх тогтмол хүүтэй, борлогдох хэмжээ нь хязгаарлалтгүй байсан энэхүү үнэт цаасыг 2007 оны долдугаар сард анх нэвтрүүлж, долоо хоног бүрийн лхагва гарагт банк хоорондын зах дээр арилжаалах болсон нь банкуудын сонирхлыг ихэд татсан тухай албаныхан онцолдог юм. Учир нь энэ төрлийн үнэт цаас нь банкуудад илүүдэл нөөцөө богино хугацаатай хүү өгдөг активт чөлөөтэй байршуулах боломж олгосон бөгөөд уг бүтээгдэхүүн нэвтэрснээр банкуудын нөөцийн удирдлагад мэдэгдэхүйц өөрчлөлт гарсан ажээ.

У.БОЛОР

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж