ҮЗХ-г хуралдуулахыг шаардав

Хуучирсан мэдээ: 2013.10.02-нд нийтлэгдсэн

ҮЗХ-г хуралдуулахыг шаардав

АН-ын дотоод ардчиллыг бэхжүүлэх зорилгоор УИХ-ын гишүүн асан А.Мурат тэргүүтэй гишүүд тус намд жигүүр байгуулснаа албан ёсоор зарлаад удаагүй байгаа билээ. Тэгвэл тус жигүүрийнхэн АН-ын дарга, Ерөнхий сайд Н.Алтанхуяг шаардлага хүргүүлсэн байна. Түүнд хэд, хэдэн асуудлыг хөндөж тавиад байгаагийн дотор Үндэсний зөвлөлдөх хороог аравдугаар сард багтаан хуралдуулахыг шаарджээ. Шаардлагыг дэлгэрүүлбэл, нэгдүгээрт, Үндэсний зөвлөлдөх хорооны хурлыг Үндсэн дүрмийн 6.4.4-т заасны дагуу 2013 оны аравдугаар сард багтаан хуралдуулах. Хоёрт, ҮЗХ-ны хуралдаанаар доорхи асуудлыг хэлэлцүүлэн шийдвэрлүүлэх ёстой гэжээ. Үүнд

  • Дотоод сонгуулийн хорооны бүрэлдхүүнийг шинэчлэн батлах
  • ҮЗХ-ны 2011 оны тавдугаар сарын 9-ны 05 тоот тогтоолыг хүчингүй болгох
  • ҮЗХ-оос эрх шилжүүлсэн бүх тогтоолуудыг хүчингүй болгох
  • Сүүлийн гурван удаагийн ҮЗХ-ны ротацын 228 суудалд сонгууль зарлах
  • АН-ын ХЭГ-ын бүтэц зохион байгуулалтыг шинэчлэх
  • Ардчилсан намын их хуралд бэлтгэх ажлын хэсэг байгуулах
  • Ардчилсан намын их хурлыг 2013 онд багтаан хуралдуулах товыг зарлах

Энэхүү шаардлагын хариуг аравдугаар сарын 5-ны өдрийн 11.00 цагт Жигүүрээс зохион байгуулах "Үндсэн дүрмээ сахигтун, мөрдөгтүн" нээлттэй хэлэлцүүлгээс өмнө ирүүлэхийг мэдэгдэхийг хүссэн байна.

Г.ДАРЬ

NewsMN Гар утасны хувилбар Татах
NEWS.mn

Мэдээллийн эх сурвалж