Эцэг, эхчүүд ээ, эхлээд өөрсдөө хүмүүж | News.MN

Эцэг, эхчүүд ээ, эхлээд өөрсдөө хүмүүж

Хуучирсан мэдээ: 2013.10.02-нд нийтлэгдсэн

Эцэг, эхчүүд ээ, эхлээд өөрсдөө хүмүүж

Хараал
хэллээ, хүүхэдтэй зодолдлоо, худлаа хэллээ, автобусанд суудал тавьж
өгсөнгүй, хүндэлж хайрлахыг мэдэхгүй нь гэж хүүхэд залуусыг чичлэж
загнадаг.

Үнэхээр олонх хүүхэд залуус маань боловсрол, мэдлэгээрээ өндөр
байгаа ч ёс суртахуун, хүмүүжлээрээ бол намхан болчихжээ.

Өмнө
нь “Энэ америк хүүхдүүд чинь ээж, аавтайгаа ямар замбараагүй, илэн
далангуй ярьдаг юм бэ” гэж үзсэн киногоо шүүмжилж суудаг байсныг өнөөдөр
өөрсдийнх хүүхдүүд бодитойгоор үйлдэх болов. Нэгдүгээр ангийн жаалууд
нэгэндээ “Танай аав чинь аксенттай” гэж шоолох, брэнд хэрэглэдэггүй гэж
даапаалах, ганц өрөө байранд яаж амьдардаг байна аа гэж нэгнийгээ
муучлах, хувийнхаа жолоочоо загнан даналзах гээд хэзээний насанд
хүрэгчдийн авирыг сурчихжээ. “Би мөнгийг чинь төлсөн. Тэгэхээр та биш,
би таныг загнах эрхтэй” гэж багшийгаа зандрах үг бага ангийн сурагчийн
амнаас гарахад хэн ч гайхахааргүй болов. Брэнд ярьж, бэл бэнчингээ
гайхуулах тэдгээр хүүхдүүд юуг ч өөрийнхөөрөө шийдэж чадна гэх
бодолтойгоор өсч өндийж байна. Нэгэн хэсэг нь ийнхүү ихэрхүү дээрэлхүү
авирт суралцаад “тэнгэрт” гарчихаж. 

Өөр зарим хэсэг нь өрөвдөж
хайрлахыг мэдэхгүй зэрлэг балмад авиртай болчихож. Ангийнх нь охид
зодолдож, нэгнийгээ үсдээд газраар чирээд шороотой нь хутгаж байхад
нөгөө хэсэг нь инээлдэж, “ухаалаг” сайхан гар утаснуудаараа бичлэг
хийгээд л зогсож байна. Хүүхэд залуусын тамхи, архинаас эхэлсэн зугаацах
арга нь, том болж харагдахын хүслэн нь цааш “охин чихдэх”, “мөнгө саах”
зэргээр үргэлжлэнэ. Ийнхүү улам бүр залуужсаар байгаа авир, хандлагынх
нь талаар бичээд байвал нэлээд хэдэн цаас барна.

Гэвч энэ бүхний
гол буруутан нь эцэг эхчүүд өөрсдөө. Хүүхдийнхээ тархинд нь л юм хийх
гэж улайрахаас биш зүрх сэтгэлд нь зориулсан хөрөнгө оруулалт хийдэг нь
ховордсон болоод тэр. Гаднаасаа ямар хувцастай харагдах нь чухлыг
анхаарахаас биш дотроос нь харагддаг сайхан зүйлийг олж харахыг хичээдэг
нь цөөдсөн учраас энэ.  Үлгэр ярьж өгөх нь битгий хэл, хүүхэдтэй
ярилцдаг эцэг эхчүүдийн  орон зайг нь телевизийн шоу, солонгос сериал,
хэлбэр төдий дуу, клипүүд нөхөх болсоор удаж байна.

Хүүхдийнхээ
дэргэд тамхи татдаг бол “чи битгий тамхи тат” гэж хэлэх үг чинь ямар ч
үнэ цэнэгүй. Гэртээ согтуурч, архиддаг бол “хүүхэддээ архинаас хол яв”
гэж хэлэх нь зүгээр л хоосон үг. Үгээр биш үлгэрлэлээр хүүхдээ
хүмүүжүүлж чадаагүй бол томчуудын авирыг сурсан хүүхдэд чинь биш өөрт
чинь хүмүүжил дутсаных. Тэднийг өөрсдийг чинь хайрладаггүй хүмүүс болгож
өсгөсөн нь өөрийн чинь л буруу. Нэг л их өш хонзон бодож, өнгө мөнгө
хөөцөлдсөн солонгос киног зэрэгцэн сууж үзсэний чинь гор эхнээсээ гарч л
байгаа. Одоохондоо хэлбэрийг нь, хэлж буй хараалд  нь суралцаж  байгаа
байх. Аажмаар тэд чинь өнөө “Өш хонзонгийн цэцэг”-нүүд болчихсон явж
байвал бүү гайх.

Нийтлэг олонхийн хүүхэддээ анхаарал тавьдаггүй
нь багачуудын гэмтэл бэртлийн статистик тооноос шууд харагдана.
Түлэнхийн төвийн ихэнх үйлчлүүлэгчид 2-6 насны жаалууд, зам тээврийн
осол, гэмт хэргийн хохирогчдийн цөөнгүй нь хүүхдүүд. Тэд тогонд цохиулж,
халуун цайнд түлэгдэж, машинд дайруулж байна гэдэг нь эцэг эхчүүдийн л
буруу. Ингэхэд таны хүүхэд яг одоо юу хийж, юу бодож байгааг мэдэж
байгаа юу. Таны хүүхэд ямар авъяас чадвартай,  юу мөрөөддөгийг мэдэх үү.
Та тэр мөрөөдөл, чадварынх нь талаар ярилцсан уу. Хүүхэд залуусыг
хүмүүжилгүй байна гэж уур чинь хүрч байна уу. Уурлавал өөртөө л уурла,
өөрсдөө эхлээд хүмүүж.

Энэ талаар нийтлэлчид

-Харамсалтай
нь бид гэр бүлээ “ажил” гэх зүйлээр шалтаглаад анзаарахыг ч хүсдэггүй.
Нэг л их ажил ярьсан хүмүүсээс цаашгүй. Мөнгө олох гэж зүтгэсэн улс.
Уулзаж мэндлэхдээ “ажил сайн уу” гэдгээр л хязгаарлагдана. “Ажлаа хийж
байгаа юу, ажил чинь хуучнаараа юу, хаана ажиллаж байгаа вэ” гэх үгс нь
хожим ямарваа нэг ажил төрөлд тустай болоод ч тэр үү, ажил л ярьж
өнгөрцгөөнө. Яг л энэ хандлагаар олон олон хүний хувьд ажил нь
нэгдүгээрт, гэр бүл нь хоёрдугаар байранд байрласаар. “Гэр бүлийнхээ
төлөө ажиллаж байна” гэх үгээр бамбай хийж гэр бүлээсээ хөндийрсөөр. Аз
жаргалтай амьдралын төлөө явж зүтгэж байна гэж бодсоор аз жаргалтай
өдрүүдийг алдсаар..

-Машинаараа, магадгүй жолоочоороо сургуульд
нь хүргэж өгөхдөө утсаараа ярьж, өөр нэгэнтэй “жиргэж”, хүүдээ
бэлэглэсэн тоглоом, үнэтэй хөгжим мэтэд үүргээ тохож орхисон эцэг,
гараас нь хөтлөн, шавар шавхай дээгүүр тэврэн алхаж, хүүхдийнхээ
мөрөөдлийг сонсож алхах ааваас илүүг хүүхэддээ өгч чадаагүй байдаг. 

-Наадхаа
дуугүй болгооч гэж хөнжлөө толгой дээгүүрээ нөмөрчихөөд нойроо харамлах
эцэг, үрээ элгэндээ тэвэрч халууныг нь өөртөө авах аав ялгаатай. Шөнө
хэд дахин босч хөхөө хөхүүлэх эхнэрээ ядаж нэг удаагийнхад нь өнжөөн
амрааж хүүхдээ хуурайлах сэтгэлтэй аав, нялх биетэй эхнэрээ орхиод
хувийн цэнгэлээ хөөж шөнөөр хөлийн чимээ, хаалга цохихыг хүлээх зовинол
бэлэглэх эцэг ялгаатай. Гэр бүлд нь мөнгө л хэрэгтэй гэж боддог эцэг,
хайр халамж анхаарлаар дутаахгүй юмсан гэж боддог аав ялгаатай.
Үнэгчлэх, сүүл хөхөж бувагнуулах, гараа идээд инээмсэглэх, хөл дээрээ
тэнцэн алхах, ааваа гэж дуудахад нь хажууд байгаагүй эцэг, хүүхдээ
өөрөөрөө үлгэрлэн сургаж, хайрлахыг, таних мэдэхэд нь дэргэд нь байсан
аавын ямар аз жаргалыг мэдэрдгийг төсөөлөх ч үгүй. Завгүй, ядарч байна
гэх үгээр хаалт босгосон эцгээс илүү хүүхдийнхээ гэрийн даалгаврыг
хамтдаа хийж, юунд сонирхолтой байгааг нь хөгжүүлэх, гэр бүлтэй байх
цагаа ядрах биш амрах цаг болгож чадсан аав илүү аз жаргалтай.  
   
Энэ талаар твиттерчид

-Манайхан хүүхдийн хүмүүжил дээр үнэн нойл шүү дээ худлаа л бөөн бөөн сургаал айлдсан хүмүүс . Үлгэрлэл байхгүй.

-Олон эцэг эхчүүд хүүхдийн ирээдүйд хүмүүжил боловсролын суурь нь хайр байх ёстой гэдгийг мэддэггүй.

-Энэ ч хүүхдийн хүмүүжил боддоггүй аав, ах нарын уран бүтээл байна даа.

-Сургууль
бол хүүхдийн хүмүүжил олгохоосоо илүү номтой хүн болгодог газар. Харин
гэр бүл бол хүмүүжил олгож хүн болгодог газар юм шүү!

-Өлсөх вий
цангах вий, өвдчих вий зовчих вий гэж л бие физилогийн хувьд нь санаа
зовоод байхаас хүмүүжлийг нь үнэтэй хувийн сургууль дамжаанд найдаад
орхиод байх шиг байна.

Б.МАНДАХ

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin bnaa 2013-10-02 103.26.194.40

ehner ni huuhdee haraad gertee erchuud ni dain baildaand ywdag ym bishuu chinggis. haani yed tiim l bsan odooch tiim l bna. kkkkkkk

Avatar

zochin bnaa 2013-10-02 103.26.194.40

ehner ni huuhdee haraad gertee erchuud ni dain baildaand ywdag ym bishuu chinggis. haani yed tiim l bsan odooch tiim l bna. kkkkkkk

Avatar

Зочин 2013-10-02 103.26.194.84

Jijeg huuhdiig sandal deerees ni huuj bosgon uursduu ichihgui suuchihaad Bayarlalaa gej helchihej chaddaggui Delhiin gantshan humuus Mongolchuud.Hudal helhiig yumand toodoggui baih yostoigoor huleej avdag undesten zuvhen Tubd Mongol hoyor.

Avatar

д тэмүүжин 2013-10-02 182.160.33.161

монгол хүүхдүүд сургуулиас огт хамааралгүйгээр бор зүрхээрээ хүмүүждэг улс. Сургууль бол амьдралд хэрэгтэй зүйлийг ер хэлж өгдөггүй газар ш дээ.

Avatar

Зочин 2013-10-02 103.26.194.88

Neg tanil maani helj bilee" huuheddee ulger durial bolj humuujuuleh heregtei l geh um, medehgui manai huuhduuded bi uul ni hirendee l ulger durial bolood l bgaa um, naad zaxiin jishee gehed ogloo bosood oroo huraana, oroogoo tsever tsemtsger bailgana guie yadaj l um unachihsan bval avaad bairand ni tavina getel ene huuhduud tegehgui um, teheer ulger durialaar humuujilne gedeg neg l yavtsgui arga baril shigee" gesen um daa kkk

Avatar

Bi 2013-10-02 182.160.51.239

Mash zuv sedev bna! Ene Bol bidnii haramsaltai Gerelt ireedui munuus mun.

Avatar

Surguulid zaah heregtei etseg ehed ni hamt unshuul 2013-10-02 103.26.194.72

Ah zahaa hundelhee baisan bna ue tengiin yum shig haritsaj bna bas arai bish surguulid hecheeld orhoos umnu 10 minut hair hundleliin tuhai changa duugaar huuhed buhen unshaad surguulidaa hicheeldee orj baij bolhgui yumuu

Avatar

Зочин 2013-10-02 92.224.183.113

hamgiin ih hayagdaj bgaa hariltsaanii soyol bol nastai humuusiig hundlehgui bh.

Avatar

Зочин 2013-10-02 92.224.183.113

odoonii huuhduudiin etseg ehchuud chini nogoo niigem shiljih uyeiin hayagdmal humuus bolohoor yos surtahuun sain muu gej yalgaj suraagui. emee ovoo n talh bodsoor bgaad yun huuhed haihrah, tegeed ur dun n neg l aimaar zohioloor bol muu taliin baatruudiinh n too ers ihsej ene niigemd

Avatar

zangad 2013-10-02 202.170.68.130

Ene chuhal asuudal devshuulsen niitlel baina. Gaduur huuhed ni shono oroigui tenej baih yum. Aih ichih medremj homsdood irvel hunii chanaraa geej baigaa hereg dee. Humuus huuhdee het tansagluulaad baina, Baga balchraasaa tom tom mashin unaad, henii yugaar ingej tansagluuldag yum boldoo

Avatar

Enkhee. 2013-10-02 103.26.194.51

etseg ehvvded iimerhvv zuwlulguug bainga hiitelj bh ni zvitei bn ih bayrlalaa. Hvn helehees naashgvi tsaas chichihees naash tsorohgvi gedegdee Sanhvvgiin bolomjtoison bol aaw ajlaa hiigeed eej gertee hvvhdee hvmvvjvvlbel shal uur bno doo

Avatar

Зочин 2013-10-02 27.123.214.2

Mash zuv zuitei zuil bichjee, bayarlalaa. Humuust uhaaral ugson iim niitlel huvi hun niigmiin tulovshild mash chuhal. Amjilt husie, Mandah aa.

Avatar

Зочин 2013-10-02 103.26.194.28

СХД Ар Гүнтэд Эрүүл тэгшхэн Фермерийн зориулалттай 5га газар яаралтай зарна. Жич Байр машин санаанд нийцвэл оролцуулж болно. ХУД 10-р хороо Морингийн даваанд 8*8 хэмжээтэй апалкаар бариад тоосгоор өнгөлсөн мансарттай, шалны халаалттай, бохирын системтэй, Блокон гражтай тохилог өвлийн сууц 0,5 хашаа зарна. Утас: 88030503 91535358 СХД Ар Гүнтэд Эрүүл тэгшхэн Фермерийн зориулалттай 5га газар яаралтай зарна. Жич Байр машин санаанд нийцвэл оролцуулж болно. ХУД 10-р хороо Морингийн даваанд 8*8 хэмжээтэй апалкаар бариад тоосгоор өнгөлсөн мансарттай, шалны халаалттай, бохирын системтэй, Блокон гражтай тохилог өвлийн сууц 0,5 хашаа зарна. Утас: 88030503 91535358

Avatar

зочин 2013-10-02 103.26.194.27

эрчүүд гэр бүлээ тэжээхээс татгалзаад эхнэр нь хөөрхий хэдэн төгрөг олох гээд гүйгээд монгол ч нүдний булай болж байна эрчүүд нь мнөгөтэй эхнэр авах гээд хачин цаг ч иржээ

Avatar

зочин 2013-10-02 103.26.194.35

эхчүүд хүүхдээ харж хүн болгож гэртээ байх хэрэгтэй аавууд ажлаа мундаг хийхээс гадна гайгүй цалин авч гэр бүлээ тэжээх ёстой бус уу

Avatar

зочин 2013-10-02 103.26.194.24

эхчүүд хүүхдээ харж хүн болгож гэртээ байх хэрэгтэй аавууд ажлаа мундаг хийхээс гадна гайгүй цалин авч гэр бүлээ тэжээх ёстой бус уу

Avatar

Зочин 2013-10-02 92.224.183.113

huuhed haraad gert suuh sonirhol alga

Avatar

Saixnaa 2013-10-02 202.126.89.161

ene niitleliig unshaad vnexeer ym bodogdoj bn bayarlalaa 🙂

Avatar

Saixnaa 2013-10-02 202.126.89.161

ene niitleliig unshaad vnexeer ym bodogdoj bn bayarlalaa 🙂

Avatar

Saixnaa 2013-10-02 202.126.89.161

ene niitleliig unshaad vnexeer ym bodogdoj bn bayarlalaa 🙂

Avatar

Saixnaa 2013-10-02 202.126.89.161

ene niitleliig unshaad vnexeer ym bodogdoj bn bayarlalaa 🙂

Avatar

Saixnaa 2013-10-02 202.126.89.161

ene niitleliig unshaad vnexeer ym bodogdoj bn bayarlalaa 🙂

NewsMN Гар утасны хувилбар Татах
NEWS.mn

Мэдээллийн эх сурвалж