СТӨ хэн нэгний халаасыг зузаатгадаг болчихсон юм биш биз | News.MN

СТӨ хэн нэгний халаасыг зузаатгадаг болчихсон юм биш биз

Хуучирсан мэдээ: 2013.10.02-нд нийтлэгдсэн

СТӨ хэн нэгний халаасыг зузаатгадаг болчихсон юм биш биз

Нийслэлд үнэгүйдсэн өмч цөөнгүй бий. Үүний нэг нь Соёлын төв өргөө. Энэ байгууллага 1989 онд баригдсан ч өдгөө 25 жилийн нүүрийг үзэхдээ нэг ч удаа засварт орж байгаагүй аж. Тийм ч учраас ирэх жил хоёр тэрбумыг хаяж засварлахаар төлөвлөөд буй. Хачирхалтай энэ барилгыг засварлахад хэдий хэмжээний хөрөнгө мөнгө орохыг нь тооцоолж гаргахад л 80 сая төгрөг зарцуулна гэнэ. Хогоо ч бүрэн тээвэрлэж дийлэхгүй байгаа нийслэлийн хувьд энэ тийм ч бага мөнгө биш. Тиймээс зураг төсөл гаргадаг компаниас энэ талаар сонирхож үзлээ. Зураг төсөл гаргахад ам метрийг нь 10-15 мянган төгрөгөөр хийдэг юм байна. Гэхдээ сайн ярьвал үүнээс ч багаар тохирч болно гэсэн.

Хотын төвийн өнгө үзэмжийг илтгэсэн энэ барилгыг засварлах гэж буйг буруутгасангүй. Энэ мөнгө мэдээж нийслэлийн төсвөөс гарна. Тэгвэл СТӨ нь нийслэлийн төсөвт жилд 300 орчим сая төгрөгийг төвлөрүүлдэг. Хүмүүс СТӨ-г нийслэлийн саалийн үнээ гэж ойлгох нь ч бий. Гэхдээ л жилээс жилд алдагдалтай ажиллаж байна гэсэн шалтгаанаар нийслэл рүү өгөх мөнгө нь өсөөгүй. Тийм байхад Нийслэлээс ганцхан тооцоо гаргахад л энэ байгууллагад 80 саяыг хаях нь зөв үү. Үгүй ядаж нураах асуудал нь шийдэгдэхгүй байгаа сургууль, цэцэрлэгт энэ мөнгийг зарцуулбал яасан юм бэ. Энэ талаар Өмчийн харилцааны газрын орлогч дарга Т.Батдоржоос тодруулахад, “Г корпус болон бусад хэсгийг засварлахад шаардагдах төсөв тооцоог хийлгэхэд л 80 сая төгрөг гарч байгаа. 1989 оноос хойш нэг ч гар хүрээгүй барилга. Энэ хэмжээний обьектын их засварын зургийг гаргахад харин ч бага мөнгө шүү дээ” хэмээнэ билээ. Түүнчлэн тэрбээр “Энэ байгууллага түрээсийнхээ орлогоор зарлагаа нөхөөд явдаг. Нийслэлээс мөнгө авдаггүй. Тиймээс нийслэл СТӨ-нд их засвар хийж хөрөнгө оруулах учиртай. Барилгынхаа чанарыг сайжруулах зайлшгүй шаардлагатай байна” гэдгийг ч хэлсэн. Үүний зэрэгцээ нийслэлийн зүгээс СТӨ-г хувьчлах жагсаалтад оруулаагүй. Энэ байгууллагыг нийслэлийн өмчит хэвээр хадгалах л бодлого баримтална гэдгийг ч сануулаад байгаа.

Гэхдээ л нэг ч сургууль барьж хүрэхгүй мөнгийг жилийн хугацаанд өгдөг энэ байгууллагыг ийн өөгшүүлэхийн учир юу юм бол. СТӨ-ний хамгийн их мөнгө халаасалдаг гэх тайзны зардал нь хүртэл нийслэлд огт хамаагүй, Төрийн санд тушаагддаг. Гэхдээ Төрийн сан энэ мөнгийг нь буцааж зарцуулах эрхийг нь нээж өгдөг гэсэн. Өөрөөр хэлбэл, энэ мөнгө эргээд л СТӨ-ний мэдэлд очдог гэсэн үг. СТӨ одоогоор тайзаа цагийг нь 1.5 сая төгрөгөөр түрээслүүлдэг бөгөөд хэрвээ тоглолт хийх хүмүүс тайзан дээр урьдчилсан бэлтгэл хийнэ гэвэл 500 мянгыг нэмж авдаг. Нэг тоглолт хоёр цаг гээд бодохоор өдөрт гурван сая төгрөг ордог гэсэн үг. Дээрээс нь СТӨ-нд 20 гаруй байгууллага түрээсээр үйл ажиллагаа явуулдаг. Тэднээс сард нэг ам метрийг нь 5000-11000 тооцон түрээсийн төлбөр авдаг. Ингээд бодохоор энэ байгууллага багагүй ашигтай ажилладаг нь ойлгомжтой. Тэгэхээр СТӨ нийслэлийн биш хэн нэгний халаасыг зузаатгадаг болчихсон юм биш биз. Үүнийг нь харин нийслэлээс өгшүүлээд байна уу даа.

Б.АЗЗАЯА

Эх сурвалж: "ӨДРИЙН ШУУДАН" сонин

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Xорчин 2013-10-02 182.160.36.13

Юу вэ түрээс нь цаг нь 2 сая шдээ Дарга нь гэж даварцан авгай бийдээ

Avatar

Зочин 2013-10-02 182.160.36.166

энэ байгуулагын орлогын мөнгө хаашаа юунд зарцуулагддаг талаар АТГ шалгах хэрэгтэй энэ ганц хүний эрх мэдэлд түүний хамаатан садангууд л мэддэг СТӨ бол асар их мөнгөний орлогтой байгуулага шүү дээ хүмүүс ээ

Avatar

Зочин 2013-10-02 202.179.11.94

Baigalmaa l bolih heregtei sh tee. Soyol urlagiin hun ch bish , nyabo mergejiltei sh dee. Niisleliin irgeded soyol urlagiin uilchilgee uzuuleh estoi gazar maani zugeer tureesiin ambaar bolson shuu dee

Avatar

zochin 2013-10-02 103.26.194.109

Ajnain bat erdeniin Jadamba eej shde baigalmaa chini

Avatar

zochin 2013-10-02 103.26.194.18

Ajnain bat erdeniin Jadamba eej shde baigalmaa chini

Avatar

Сонин л юм 2013-10-02 49.0.138.138

Нйислэлийн өмчит гэчихээр асуухаар Байгальмаа гэдэг хүн л мэднэ гэдэг газар даа. Нийслэлийн төвд ийм том барилгыг ашигтай ажилуулж нийслэл хог зөөх, модоо тарихдаа хөрөнгө оруулалт хийвэл. Шинэ менежмэнт хэрэгтэй шигээ

Avatar

Зочин 2013-10-02 202.179.20.170

Baigalmaag abch xay

NewsMN Гар утасны хувилбар Татах
NEWS.mn

Мэдээллийн эх сурвалж