Увсын тойргийнхноос мэдээлэл сонсчээ | News.MN

Увсын тойргийнхноос мэдээлэл сонсчээ

Хуучирсан мэдээ: 2013.10.01-нд нийтлэгдсэн

Увсын тойргийнхноос мэдээлэл сонсчээ

Ардчилсан намын УИХ дахь бүлгийн өнөөдрийн хуралдаанаар ямар асуудал хэлэлцсэн талаар тус бүлгийн ахлагч Д.Эрдэнэбат хэвлэлийнхэнд мэдээлэл хийлээ. Тэрээр “Бид УИХ-аар хэлэлцэх хуулиуд дээр ямар зарчмын зөрүүтэй саналуудтай байгаа тухайгаа өнөөдөр хэлэлцлээ. Хөрөнгө оруулалтын тухай хуулийн төсөлд хэд хэдэн саналуудыг эргэн харах, бусад намын төслүүдтэй саналаа нэгтгэх нь зүйтэй гэж үзлээ. 2024 он хүртэл Төрөөс эрдэс баялгийн салбарт баримтлах тухай УИХ-ын тогтоолын төслийг анхны хэлэлцүүлэгт оруулах талаар ярилцсан. Ингээд юуны өмнө энэ баримт бичгийг Үндэсний аюулгүй байдлын зөвлөлөөр оруулах, саналыг авах шаардлагатай гэж үзсэн. Мөн бүх бүлгүүдийн байр суурийг аль болох тусгахыг эрмэлзэх нь зөв гэдэгт санал нэгдсэн. Байгаль орчны,Уул уурхайн яамны ажил хүнд сурталгүйгээр хамтран ажиллах, уул уурхай болоод орон нутгийн хөгжлийг хэрхэн уялдуулах вэ гэдэгт анхаарах шаардлагатай байна. Стратегийн орд гэхээс илүүтэй стратегийн ашигт малтмал гэдгийг бодлогод суулгах зэрэг хөндлөнгийн саналууд ч гарсан” гэв.

Бүлгийн хурал дээр УИХ-ын 2012 оны сонгуульд Увс аймгаас нэр дэвшсэн хоёр гишүүн нь хүрэлцэн ирсэн байсан бөгөөд тэдний асуудлыг хэлэлцсэн эсэх, бүлэг ямар байр суурьтай байгаа тухай сэтгүүлчийн асуултанд “Сая ардчилсан намын дотоод мэдээллийг сонссон. Зөвхөн Увсын асуудлыг сонсоогүй. Ер нь шат шатны сонгуультай холбоотой асуудлууд дээр ямар нөхцөл байдал үүсээд байгаа юм гэдэг мэдээллийг сонссон. Энэ дотор Увс аймгийн их хурлын сонгуультай холбоотой асуудал орж ирсэн. Бүлгийн гол зорилго бол намаас, холбогдох хүмүүс, хуулийн байгууллагаас үнэн зөв мэдээллийг авч нэгдмэл ойлголттой болохын тулд мэдээлэл сонссон” гэж хариуллаа.

Б.ЭНХ

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

АН-ын гишүүн 2013-10-01 49.0.142.55

Эрдэнэбат аа.Чи Саяхан орон нутгийн маний зиндаанд байсан.Чамайг бид генсек болгосон.Харин чи энэ намыг хөлдөөсөн шүү.Одоо та цааш төрд явна гэж бодох юм байнгүй шүү. Бид дэвшүүлж чаддаг бол бас буцааж эгнээндээ авч бас чадна.үерхэлдээ үнэнч явцгаая

NewsMN Гар утасны хувилбар Татах
NEWS.mn

Мэдээллийн эх сурвалж