Дотоодын үйлдвэрлэлийг хөгжүүлэх  бодлогын зөвлөлдөх уулзалтыг Монголын худалдаа, аж үйлдвэрийн танхимаас 10 дугаар сарын 3-нд “Туушин”зочидбуудал зохион байгуулах гэж байна. Хэлэлцүүлэгт Монголбанк, Үйлдвэр, хөдөө аж ахуйн яамны удирдлагууд, бизнесийн байгууллагын төлөөллөөс оролцох ажээ.

Дотоодын үйлдвэрлэлийг хөгжүүлэх нэн шаардлагатай тулгарч буй энэ үед тухайлсан бодлого үгүйлэгдэж байгааг бизнес эрхлэгчид хэлдэг юм. Тиймээс хэлэлцүүлгээр Дотоодын үйлдвэрлэлийг хөгжүүлэх бодлогыг боловсруулах тухай тал бүрийн төлөөллийг цуглуулан хэлэлцэх бөгөөд үүнээс бодлогын үзэл баримтлалыг тодорхой болгохыг зорьж байгаа тухай албаныхан онцоллоо.