Хууль зүйн яам ахмадууддаа хүндэтгэл үзүүллээ | News.MN

Хууль зүйн яам ахмадууддаа хүндэтгэл үзүүллээ

Хуучирсан мэдээ: 2013.10.01-нд нийтлэгдсэн

Хууль зүйн яам ахмадууддаа хүндэтгэл үзүүллээ

Олон улсын ахмадын баярыг тохиолдуулан Хууль зүйн яамны удирдлагууд өнөөдөр ахмадуудаа хүлээн авч, хүндэтгэл үзүүллээ.

Энэ үеэр Хууль зүйн яамны Төрийн нарийн бичгийн дарга Ж.Баярцэцэг “Эрх зүйн шинэчлэлийн бодлогын хүрээнд УИХ-ын хаврын чуулганаар Цагдаагийн албаны тухай, Тахарын албаны тухай, Гэрч, хохирогчийг хамгаалах тухай, Төлбөрийн чадваргүй яллагдагчид эрх зүйн туслалцаа үзүүлэх тухай хуулийг баталсан. Хууль сахиулагчийн эрх зүйн байдлын тухай, Мөрдөх албаны тухай хуулийн төслүүдийг намрын чуулганаар үргэлжлүүлэн хэлэлцэх байх. Мөн Эрүүгийн хуулийг шинэчлэн найруулсан, энэ долоо хоногт Засгийн газрын хуралдаанд оруулна. Ирэх долоо хоногт УИХ-д өргөн барина” гэв.

Ахмад хуульч О.Жамбалдорж гуай “Хууль зүйн яамнаас хийж байгаа эрх зүйн шинэчлэлийг дэмжиж байгаа. Бидний хийж чадаагүй шинэчлэлийг маш эрчимтэй хийж байна. Дээд шүүхийн тайлбарыг хэрэглэхгүй болж байна. Хуучин хуульчид хуулиа харахгүй Дээд шүүхийн тайлбарыг л хардаг байсан юм. Эрүүгийн хуулийн шинэчилсэн төслийг анхааран уншиж байгаа. Энэ хууль их хатуу, социалист нийгмийн үед шоронд 4000 хоригдол байгаагүй. Одоо бол 6000-8000 хоригдол ял эдэлж байгаагийн олонх нь залуучууд байна. Тиймээс Өршөөлийн хуулийг дэмжиж байгаа. Өршөөлөөр суллагдсан хүмүүс дотор дахин гэмт хэрэг хийх нь цөөхөн шүү дээ” гэдгийг онцлов. Мөн ахмадууд хуулийн төсөл боловсруулахдаа иргэдийн саналыг сайн тусгаж байх хэрэгтэй, хууль батлагдсаны дараа иргэдэд сурталчлах тал дээр онцгой анхаарахыг сануулаад, амжилт хүссэн юм. Яамны удирдлагууд ч эрх зүйн шинэчлэл хийхэд үнэтэй зөвлөгөө өгч, санал бодлоо хуваалцсан ахмадууддаа талархлаа илэрхийлээд, эрүүл энхийг хүсэв.

Эх сурвалж: www.moj.gov.mn

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

qwerty 2013-10-01 125.77.224.118

Yamar hurdan bolovsruulaaa bee eruugiin huuli ntr gsn yumiig oiriin 10 jildee shinechileed bdaggui ym shdee, odoo gants evgui l huuli bataval mahnii mashin ajilaad ehelne ter ued buh ym oroitson bn, gadnii expertuudaar huuliaa shalguulah heregtei, hunii erhiig zurchij bga esehiig saitar togtooh heregtei.

Avatar

Bayarmaa 2013-10-01 24.201.183.48

Huuliin zuvluguu avah heregtei bol haanaas ochij avah yostoi ve? Tiim irgeded handsan unegui uilchilgee bn uu? Manai eej "Tsahim " deed surguulid bairlah negen huuliin zuvluguu ugnu gesen hayagtai gazar orood 4 asuult tavisan chin asuult neg bur ni 5000 tugrug gedgiig ni uridchilan heleegui murtluu 20.000 tugrug nehsen bhiima. Iim baih yostoi ymuu heleed uguh hun bnuu? Tetgeveriin heden hugshchuulee medeelel bagataig ni dalimduulan ingej sulahaa bolimoor ymaa

NewsMN Гар утасны хувилбар Татах
NEWS.mn

Мэдээллийн эх сурвалж