Өвөр Монгол барилгажиж байна | News.MN

Өвөр Монгол барилгажиж байна

Хуучирсан мэдээ: 2013.10.01-нд нийтлэгдсэн

Өвөр Монгол барилгажиж байна

Монгол-Хятадын Хэвлэл мэдээллийн ажилтнуудын дөрөвдүгээр форум өнгөрсөн долоо хоногт БНХАУ-д болохыг тохиолдуулан Өвөр Монголын өөртөө засах орны нутгаар дайран өнгөрч, Бугат хотод хэсэг саатав.

Бугат хот нь ӨМӨЗО-ны баруун хэсэгт оршдог бөгөөд аажмаар хөгжиж ирсэн аж үйлдвэрийн, газрын ховор элементийн хот гэдэг юм. Хүн амын хувьд их хачирхалтай. ӨМӨЗО 24,8 гаруй сая хүн амтайгаас 4.5 сая нь Монгол үндэстэн ажээ. Үүнээс Бугат нь дагуул хот хэрнээ Монголтой тун төстэй 2.65 сая хүн амтай. Буга олноороо байсан учраас Бугат гэж нэрлэгдсэн уг хотын төлөвлөлтийг анх 1950-аад оны үед хийж эхэлсэн бөгөөд байгалийг гүйцэт ашиглаж, хамгаалан хот, байгалийн хөгжил бие биенээ дэмжсэн байх үндсэн зорилтын дор бүтээн байгуулалтыг алгуур, аажуу хийж байна.

Ингэхдээ хот  байгуулахдаа ногоон байгууламждаа түлхүү анхаардаг нь хотын хаа сайгүй явахад харагдана. Тухайлбал, ногоон байгууламжийг эзлэх газрыг эзэмшин үлдээх, байгууламж болгоны барилгын дизайн болон гол хэсгийн бэлгэ тэмдгийг чанартай барилга, худалдааны төв зэрэг гол бүтээн байгуулалтыг хувийн эзэмшил бусаар авч үлдэх үндсэн бодлоготой ажээ. Бугат хот нь БНХАУ-ын баруун бүсэд оршдог, байгалийн нөхцөл нөхцөл харьцангуй муу, жилдээ ордог хур тунадасны хэмжээ дөнгөж 300 мм орчим байдгаас хотыг “ногооруулах” нэн шаардлагатай. Тиймээс үүнийг ӨМӨЗО-ны нэгдсэн бодлогоор нэг барилга барихад ногоон хэсэг буюу мод, бут, өвсөрхөг хэсгийг нэгээр нэмэх, зам тавих бүрт замын нэг зурвасыг ногооруулж, үндсэндээ хотыг ороосон ойн зурвас байдлаар бүтээн байгуулж, дөрвөн улирлын туршид ногоон өнгөтэй, гурван улиралд цэцэгтэй цэцэрлэгт хүрээлэнгийн системээр шийддэг байна. Хотын цэцэрлэгжүүлэлт, ногоон байгууламж нь тэр газраа угийн ой мод байсан мэт харагдуулах юм. Одоогийн байдлаар 10 мянган ам/метрээс дээш талбайтай ногоон байгууламж 39 байдаг бөгөөд нийт хотын газар нутгийн 42 хувийг ногооруулж чадсан нь Бугат хот байлаа.

Дэд бүтцийн хувьд, Даланхар зам, Ардын өргөн чөлөө, Жяньхуа гудамж зэрэг 100 гаруй замуудыг шинээр барьсан бөгөөд нийт 1479 км Бугат хотыг “ороосон” бол 2062 км усны хоолойн, сүлжээтэй ажээ.

Хотыг нийтэд нь ажиглан явахад хуучин барилгын хэв шинжийг хадгалсан хоёр давхар туйпуун байшингаа нурааж байгаатай хотын захаар явахад тааралдана. Үндсэндээ ӨМӨЗО хуучин барилгаа ашиглалтаас гаргаж, шинэ байшингаар өнгө нэмсээр байна. Шинээр барьж буй барилгын хэв шинж, архитектурын шийдэл нь ажиглан явсан миний хувьд, нэгэн хэвийн тэгш өнцөгт, өндөр, нарийнхан санагдсан.  Манайхаар “Туушин” компанийн барилгатай төсвтэй барилгууд ихэвчлэн баригдаж байх юм. Илүү, дутуу хэлбэртэй өнцөг, дугуйрсан хэлбэр, хийцийг эндэхийн барилгын гадна заслаас ховорхон харна. Энэ нь нэг талаараа хотыг цэмцгэр харагдуулах авч уйтгартай юм шиг санагдсан.

Ямартай ч Өвөр Монголынхон манайх шиг нэг өглөө сэрээд харахад гэнэт том барилга барьчихсан байхаар биш, аажмаар чанартай барьж байна. Барилгын ажил нь иргэдийнх нь хувьд энгийн үзэгдэл бөгөөд хотын амьдралын нэг хэсэг болтлоо замын болон ойр орчмын хөдөлгөөнд саад учруулахгүйгээр үргэлжилдэг юм байна.  Хамгийн гол нь хүрээлэн буй орчноо эрүүл байлгахын тулд ногоон байгууламжийг гойд анхаардаг ажээ. Гэтэл Монголын хувьд, тусгай зөвшөөрөл зах, замбараа нь олдохооргүй, барилга барьсаныхаа дараа танил талаараа дамжуулан дэд бүтцийнхээ асуудлыг шийдүүлэх, ногоон байгууламж байгуулахыг ор тас мартсан байдлаар ханддаг. Өвөр Монголчуудын эко сэтгэлгээтэй бүтээн байгуулалтын арга, туршлагаас авч хэрэгжүүлвэлУлаанбаатар эко хот болох ч юм билүү.

У.БОЛОР

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2013-10-01 202.72.243.229

hehe UB odoo zasagdahaasaa ongorson blgui

Avatar

ХУЖА Т 2013-10-01 128.68.126.132

ЗАА УРЬД ЦАГТАА БУГА ИХТЭЙ БАЙГААД БУГА Т БОЛЖЭЭ!!! ОДОО БУГА НЬ АЛГА БОЛООД ХУЖАНУУД НЬ ИХ БОЛЧИХООР ХУЖА Т ГЭЖ НЭРЛЭХ БОЛЖ БАЙНА УУ!!!! ХУЖА Т ГЭЭД ЭНЭ. САЙХАН ХОТЫН ЧИНЬ ИРГЭД НЬ БУГД ХУЖААНУУД БЗ ДЭЭ!!! ОВОРМОНГОЛЫН 536 НОЕДЫН АЧ ГУЧ НАР НЬ ОВОО ЭМЭЭ МААНЬ ХЯТАДАД ДАГААР ОРОНО ГЭЭД ГЭРЭЭНД ГАРЫН УСЭГ ЗУРСАНД БАЯРАЛДАГ ГЭЖ УНЭН БОЛОВ УУ!!! АСУУХ САН!!!!

Avatar

zochin 2013-10-01 96.25.135.109

Khorongo mongondoo ch bish khuvia bodson shunalaas l bolood bgaa yum. UB -g telj barilga barij bolokh l bsan said darga nar ni Aziin tsagaan dagina gej nerlegdej bsan khotiin utaanbaatar bolgoj chadsan ted chadsan bid chaduulsan vvnees bolj ovchlol diildehgvi bolj vndestnii vheld khvrgeh alhamiig mash chadvarlagaar uran medremjeer bii bolgosn gehed buruutahgvi odoo bid bolj bna ireedvid 30-50 jiliin daraa yamar sorog dagvaruud bii bolohiig ch darga daamaluud medej bgaa ard tvmnee khairlahgvi ,shunaldaa khotlogdsoor oorsdoo ch ter khor khonooliig amsana iim mulgui bj bolohgvi l yum bgaam daa.Mongond oosorluulsan Ulaanbaatarchuud bolson ,vr udmaa ooriin garaar khorloj bgaa yavdliig taslan zogsooj khotoo teleechee! ???

Avatar

Зочин 2013-10-01 203.84.132.206

hend haatai yum be jagsaarai chi

Avatar

Зочин 2013-10-01 103.23.51.4

Улсын хуучирч муудсан технологи нь хоцрогдсон барилгуудыг нурааж шинээр төлөвлөн барихад амар л даа.Манайх бүх барилгаа утга учиргүй хувьд шилжүүлснээр хөгшин европоос дор нурах гэж байгаа хэдэн барилгадаа шавааралдан нураагаад шинэ байр барьж өгье гэхээр хувийн өмчид халдах гэлээ гэж хэл ам хэрүүл тэмцэлдээ тулдаг эмгэнэлтэй хувиа бодсон арчаагүй зантай.Улс өмчөө буцааж хурааж аван шинээр төлөвлөөд барилгаа барин төрд зүтгэж байгаа хүмүүстээ шинээр байр орон сууцжуулбал ажил хөдөлмөр хийх иргэд ч олширч хуучины аж үйлдвэрийн заводууд сэргэж улс орон ч өнгө засах болно.одоо хэн ч шахаж шаардахгүй байгаа учираас хувийн өмчдөө шигдэн унгас алдан гэдсээ илэн хэвтэж бусдыг шүүмжилэн инээлдэж, хаана хэнийг залилж зүгээр мөнгө олох талаар хий мөрөөдөж хэвтдэг дүр зураг манай өнөөдрийн нийгмийн нийтлэг дүр төрх болжээ.Улсын байранд амьдарч улсын төлөө зүтгэж ажиллаж хөдөлмөрлөх нь нийгмэд ч ашиг тустай,хувь хүндээ хэрэгтэй дээр нь залуус зэрлэгшихгүй даруулгатай зөв сайхан хот болно.

Avatar

хөрөнгө мөнгө 2013-10-01 202.21.111.10

Бүх юм хөрөнгө мөнгөнөөс шалтгаална шүүдээ Хөрөнгө мөнгөө шийдэж чадахгүй байж гадныхныг дууриаж тэгсэнгүй ингэсэнгүй гэх юм Тэгэхээр л уул уурхайгаа ашиглаж хөгжих хэрэгтэй гээд байгаа шүүдээ хөрөнгө мөнгөтэй болсон эко хот байтугай смарт хот байгуулах ч асуудал биш

Avatar

zochin 2013-10-01 122.201.18.14

Uvurmongol ertnii saihan tuuhtei huuchnii shavar baishinguudaa nuraaj bn bugdeeree eserguuzej jagsae aa humuusee ene zasgiin gazar neeree bas eserguuzej bolno shdee tuuniig hamtdaa eserguuzej jagsae

Avatar

Zochin 2013-10-01 202.70.42.102

hytad setgelgee ch aimar ldaa

Avatar

Зочин 2013-10-01 182.160.38.14

Барилгажиж л байг. Ирээдуйд Монгол улсад нэгдэж луухаануудыг хеехеер бид орж амьдрана

NewsMN Гар утасны хувилбар Татах
NEWS.mn

Мэдээллийн эх сурвалж