Дэлхийн аялал жуулчлалын өдрийг угтан “БОРЖИГОН СУДЛАЛ-2013” эрдэм шинжилгээний хурал, “Боржигин өв, соёл” үзэсгэлэнг  2013 оны 9 сарын 26-ны өдөр зохион байгууллаа. Уг  хуралд Боржигин судлалын төвийн тэргүүн, доктор, профессор Т.Намжил, МУ-ын соёлын гавъяат зүтгэлтэн, доктор, профессор Ш.Сонинбаяр, “Чингис хаан” дээд сургуулийн захирал, доктор Х.Лхагвасүрэн, “Орхон” их сургуулийн Хууль зүйн сургуулийн захирал, доктор, профессор О.Дагвадорж, аймаг, сумдын удирдлагууд, Боржигин сумдын төлөөлөл, орон нутгийн судлаачид, багш нар оролцож Боржигин судлал, Боржигин угсаатны соёл, зан заншил, түүх, соёлын дурсгалт зүйлсийн талаар өргөн хүрээтэй хэлэлцлээ.